Lukas 12:19 - Abun Scripture

¹⁹ Yekaya dakai du mo an dakai do, ’Bere ji kem ndo it. Ji ku suk mwa yé re. Tahun bok yo o ete sugit ré yo or nde. Sane ji kem not it are. Ji yo ben suk o nde. Ji git, ji kamo, ji sem sor re.’

Lukas 12:19 ပူးပေါင်းရင်းမြစ်များ

Lukas 12:18

Orge an bi sukjimnut mó do, ’Ndo sa, ji tarak ji bi nu wokgan ré wé, ete ji nggo nu sye wai o, subere ji grem ji bi sugit mwa ré si ji bi suk mwa kwop mone.’

Lukas 16:19

Yepasye ge dik yo, an ye gato bi suk mwa yé re. Yepasye ne kem ndo, an it san gato ndo. Kamdik-kamdik, an git sugit gato ndo yé re, suk mwa ne ndo sino.

Lukas 21:34

”Nin frawa nin nggwa subere su kam gato Ji satu ma ne, nin fro wa re. Nin mewa nin nggwa subere nin bi sukjimnut kas ri et. Nin yenau nde, nin simo sukibit gato yenau ben ne nde, nin jimnotbot suk mwa gato yetu yémo, sato sugit e, san e, sugum e ne teker nde. Nin bi sukjimnut sye mo suk mwa ne teker nde, sawe nin gensu kam gato Ji satu ma mo bur ré su ne.

1 Korintus 15:32

Sato yekwop yo sun o nde yo, ji ben sukndi su yetu gato ye ki do, án tepsu suge sye gato krok mo Efesus ne, bere ós ji kem ndo mo bur ré sa u ne? Yo mo nde, wo ji jam do, bere Kristus sun ji kadit sukkwop mone tó. Sarewo sato yekwop yo sun o nde yo, men simo sukdu sare do, ”Men git sugit e, men da nau e, men kamo sye sor, we bere men kwop, ete bere or mone it.”

Filipi 3:19

Kom mo rut, bere Yefun Allah ben án ibit re, we án bi sukjimnut sye mo án kaim budat ré sor re. Án jam nde án damen mo sukibit gato án ben ne, ete án nut do, suk ne ndo wai, we án bi sukjimnut kem pe mo sukibit gato yetu ben mo bur ré sor re.

1 Timotius 5:6

Sarewo nggonna gato ben bi suk-i ket mom í sor, mom da mbau, sarewo Yefun Allah bi sukjimnut mo nggon ne do, nggon ne kwop re.

1 Timotius 6:17

Nan syaugat ye gato ku suk mwa mo bur ré, subere án yo bes án nggwa kok mone nde. Suk mwa ne bergan mó, or o bergan or kadit men re. Nan duno án subere án kwabom kam mo suk mwa gato án ku mo bur ré dom nde. Suk mwa ne yo ós án kem ndo to kapyo mato kapyo nde. Nan duno án subere án kwabom kam mo Yefun Allah gato syo suk mwa ne sino gato men mitmo, Yefun Allah syo suk mwa ne wai o re, subere men ben suk tepsu pe gato men imo.

2 Timotius 3:4

Án iwa ben suk tepsu yeketut, án ben bi suk-i daret, án yo nutbot nde, án bes nggwa kok wai o re, án iwa ben án bi suk-i ket án í ne sor wai kadit án iwa jammo Yefun Allah bi sukduno-i.

Yakobus 5:5

Nin yé gato ku suk mwa, nin kem mo bur ré si suk mwa ne not re. Nin ben suk su suk mwa ne ket nin í ne sor. Ben sato nin kon nin nggwa su suk mwa ne tepsu ye kon suksi sane sor suksi ne kaim ndo. Su ré nin tepsu suksi gato kaim sye ndo, tep wa ye gu kwop or re.

1 Petrus 4:3

Nin ben suk tepsu ye gato jam nde Yefun iwa ben ne o nde, tep it, tut mo suk gato nin ben suga nyim ne sor. Suga nyim nin ben suk siri dakai daret bu e, nin da bro wa nggon e, nin yenau bu e, nin iwa nin kamo noru nombrak, nin yenau su, nin ben siri mwa su e; nin si yé sum wa da nau mwa bu e, nin som sukdaret gato Yefun duyawa e ne.

Wahyu 18:7

Nin ben sukye nai án sor án dipa, ete án wo án nderku án dakai, nin ben sukye mwa nai án tepsu suk mwa gato án dakai nai wa án dakai, ete án bes án nggwa kok su ne. Yé mo kota ne dakai nut mo án dakai tepsu nggon pasye sare do, ’Ji ré sa, tepsu nggon pasye. Ji nggonna nde. Bere ji yo nderku nggwa wokgan yo dom nde.’