Lukas 12:18 - Abun Scripture

¹⁸ Orge an bi sukjimnut mó do, ’Ndo sa, ji tarak ji bi nu wokgan ré wé, ete ji nggo nu sye wai o, subere ji grem ji bi sugit mwa ré si ji bi suk mwa kwop mone.’

Lukas 12:18 ပူးပေါင်းရင်းမြစ်များ

Matius 6:26

Men me mo ndam. Ndam yo jan suk nde, ndam yo do suk nde, ndam yo sum sugit mo bi bat nde, wo men bi Ai, Yefun Allah mewa ndam ne re. Yefun bi sukjimnut sye mo men yetu, sane bere An mewa nin sisu ndo wai kadit ndam ne o re.

Lukas 12:17

Sane, yekaya ne nut mo an syidem do, ’Ji bi nu wa ji grem suk mwa ré yo tep nde, sane ji ben suma ne?’

Lukas 12:19

Yekaya dakai du mo an dakai do, ’Bere ji kem ndo it. Ji ku suk mwa yé re. Tahun bok yo o ete sugit ré yo or nde. Sane ji kem not it are. Ji yo ben suk o nde. Ji git, ji kamo, ji sem sor re.’

Lukas 12:21

Sane Yefun Yesus ki do, ”Ye gato sum suk mwa mo bur ré wa an dakai, wo an yo ben Yefun Allah bi suk-i nde, bere Yefun Allah waii ki do, ye ne jimgon dom.”

Lukas 12:24

Men me mo ndaok. Ndam ne yo jan suk nde, ndam yo sum sugit mo bi bat nde, ndam bi nu sye wa án grem sugit yo mo nde, wo Yefun Allah mewa ndam ne re. Yefun bi sukjimnut sye wai subot men yetu, sane bere An mewa nin wai kadit ndam ne o re.

Lukas 18:4

Kam bok yo, ete yepasye ne bariwa ós nggonna ne. Sarewo kom mo rut sa, yepasye ne nut mo an dakai do, ’Ji yo nyuwa Yefun Allah nde, ji yo nutbot ye yi dom nde,

Lukas 18:6

Orge Yefun Yesus ki do, ”Yepasye ré, an yo ben bi suk-i ri-roi nde. Sarewo nin nutbot yepasye ré bi sukdu-i sisu ndo et.

Yakobus 3:15

Suk mwa gato an jam ne yo ma kadit Yefun Allah nde, wo sukjimnut ne ma kadit bur ré bi suk-i, kadit an dakai bi sukjimnut-i, kadit biris bi yekwesu bi sukjimnut-i ne re.

Yakobus 4:13

Nin jammo suk gato ji krom more et, nin yé gato ki do, ”Kam ré yo e, ik yo e, men mu mo kota dik yo, orete men kem mone kom mo tahun dik, ete men so suk wa men meret sugum mone.”

Yakobus 4:15

Nin ki sane nde, wo nin ki sare do, ”Yefun Allah do imo os gato men fro ré it yo, bere men kem mo bur ré, ete men benbot os gato men fro ne.”