Lukas 11:9 - Abun Scripture

⁹ Sane Ji ki sare do: Nin ndek gat Yefun Allah sane sor, bere Yefun Allah syo suk nai nin; nin meret gat sane sor, bere nin ku; nin nggo nusyo gat sane sor, bere Yefun Allah kak nusyo wa nin.

Lukas 11:9 ပူးပေါင်းရင်းမြစ်များ

Matius 21:22

Nin onyar kem mo Yefun sisu sangge yo, bere nin ku suk gato nin ndek mo An ne re.”

Matius 21:31

Sane Yefun Yesus ndo mo yekwesú mo Yefun Allah bi nu si ye Yahudi bi yepasye mone do, ”Kadit pa we ré, je u anato benbot suk gato pa we bi ai ki ne?” Án ki do, ”Pa futmo.” Sane Yefun Yesus ki nai án do, ”Suk gato Ji ki ré suksangge anare, yé gato ben sukibit sato yé gato nai sugum kadit nje wa pemerintah si nggon gato ben siri mwa ne bere án sok mo Yefun Allah bi rus-i nyim kadit nin re. {Án tepsu pa futmo, wo nin tepsu pa wari.}

Matius 6:29

Yeraja Salomo da it san gato ndo yé, sarewo Ji ki sare do, Salomo yo it san gato ndo wai kadit es u ne nde.

Markus 11:24

Sane Ji ki sare do, suk gato nin kiwa Yefun Allah syo nai nin yo, nin kwabom kam mo Yefun Allah do, Yefun Allah syo suk ne nai nin re, sane bere nin ku re.

Markus 13:37

Suk gato Ji ki nai nin ré, Ji ki nai yé mwa ré sino jam dom, ’Nin kem su nin fra et!’ ”

Lukas 11:10

We sare, ye to ndek gat Yefun Allah, bere Yefun Allah syo suk nai an; ye to meret gat, bere an ku suk gato an mitmo ne; ye to nggo nusyo gat, bere ye kak nusyo wa an.

Yohanes 14:13

Suk to nin ndek mo Ji bi Ai yo, nin ki Ji gum mo suk ne, bere Ji syo nai nin. Ji syo suk ne nai nin subere yé bes Ji bi Ai gum kok mo suk gato Ji syo nai nin ne.

Yohanes 15:16

Nin anato bes Ji gum Yekwesu wa nin nde, wo Ji anato bes nin gum pakon wa Ji. Ji bes nin, orete Ji syogat nin mu ben suk mwa gato ndo, tepsu kwebo bor mo kweguk. Ji syogat nin ben sukndo gato tepsu kwebo gato bere yo ibit nde, wo bo gato kem pe sor. Nin ben sukndo gato kem pe, sane bere suk to nin ndek mo Ji bi Ai, ete nin ki Ji gum mó yo, bere Ji bi Ai syo nai nin re.

Yohanes 15:7

Nin ut krat mo Ji tepsu dik, ete Ji bi sukdu dom kem pe mo nin mit yo, suk to nin iwa nin ndek mo Ji bi Ai, bere An syo nai nin sor.

Yohanes 4:10

Yefun Yesus ki do, ”Nan jam suk gato Yefun Allah fro wa syo nai nan ete nan jam Ji gato ndek syur mo nan ne yo, bere nan waii ndekwa Ji syo syur gato ós nan kem ndo nai nan da, ete bere Ji syo syur ne nai nan da re.”

Roma 2:7

Ye gato werwa ben bi suk-i ne ndo, we ye ne kwabom kam mo Yefun Allah do, bere Yefun bes án gum kok mone yo, bere Yefun un án gum mone, bere Yefun kak os wa án kem gesyos mone, bere Yefun Allah kak os wa yé ne kem ndo to kapyo mato kapyo.

2 Korintus 6:2

Mo Yefun Allah bi sukdu, Yefun Allah ki do, ”Tepsu bi kam gato Ji fro os ndo dakai yi wa nin yo, su kam ne Ji ós nin tepsu nin bi sukdu-i it. Tepsu bi kam gato Ji nai nin wé kadit sukye gato nin ku ne yo, su kam gane Ji ós nin kem ndo it.” Nin jammo suk gato men ki ré et, kam gato Yefun Allah fro os ndo dakai yi wa nin ne anato kam ré it. Su ré Yefun kak os wa nai nin wé kadit bot gesyos, subere nin kem ndo to kapyo mato kapyo it. Sane nin sibot os gato Yefun fro ne su kam ré et.

Ibrani 11:6

Ye gato yo onyar kem mo Yefun Allah nde tó yo, bere ye ne yo ku os wa ben suk tepsu Yefun Allah mit nde. We, ye gato ma mo Yefun Allah it yo, an onyar kem mo sukdu sare do, Yefun Allah ne sa, mó re, ete Yefun ben sukndo su ye gato meret An.

Ibrani 4:16

Sane men yo nggi nde yo, men karowa Yefun et. Men nyuwa men ki men bi sukdu-i su Yefun Allah nde, wo men ki sor, men damen wa nde. Men jam do, men yo ben suk yo nyim wa An nde, wo Yefun ben An bi suk-i su men yo, An dakai bi sukjimnut sye kas subot men yi sor, bere Yefun ós men mone. Sane men ndekwa An os men et, subere An syo suk mwa gato ndo nai men dakai yi tepsu bi kam gato men mitmo suk ne su.

Yakobus 1:5

Nin yé gato jam suk yo ri nde tó, nin ndek mo Yefun Allah subere An kak nin bi sukjimnut et. Sane bere Yefun kak nin bi sukjimnut re. Yefun Allah yo nutbot sukibit gato men ben ne nde, wo An iwa An dakai ben sukndo su men sor, subere men jam suk.

Yakobus 5:15

Yekwesu ne do ki suk su Yefun su an mit dik si an onyar dik mone, ete yekwesu ne kwabom kam mo Yefun do, bere Yefun nggiwa ben suk gato an ndekwa ne yo, bere Yefun ben ye ne ge kadit suki ne, bere ye ne sun or re. Yefun yo maskwa ye ne mo sukibit gato ye ne ben ne o nde, Yefun yo nutbot o nde.

1 Yohanes 3:22

Men do benbot An bi sukduno, ete men ben suk gato An iwa men ben ne yo, bere An syo suk gato men ndek mo An ne nai men sor.

Wahyu 2:24

Nin deyo mo nu ari mo Tiatira sa, nin yo jammo nggon ne bi sukduno-i gato ibit ne nde. Nin yo jam sukdu gato ye kendo do, sukdu gato kru, gato biris bi yekwesu dakai kadum ne nde. Sane Ji ki sare do, Ji yo syogat nin ben suk yo o gato tepsu sukde wa nin sam ne o nde,