Lukas 11:42 - Abun Scripture

⁴² Nin ye Farisi, bere nin ku sukye. Suk gato nin fros su sugit wa ben sugit ne wik sato kru e, es wo e, ri e, sindar e ne yo, nin tik but musyu dik ete nin syo but dik yo nai Yefun. Nin ben sukwokgan sane da ndo, sarewo nin misyar sukduno gato sye wai mo Yefun Allah bi sukduno wa suma ne? Sukduno sato, nin ben nin bi suk-i ri-roi su nje, si nin bi sukjimnut sye kas subot Yefun Allah sor, nin misyar nde, wo nin benbot sor. Nin misyar sukduno gato sye wai sane nde. Sane dom, sukduno wokgan ne, nin misyar dom nde, wo nin benbot sukduno mwa ne sino sor.

Lukas 11:42 ပူးပေါင်းရင်းမြစ်များ

Matius 23:13

”Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Ben sato nin syimwa nusyo subere ye yo ku os wa sok mo Yefun Allah bi rus-i nde. Nin yo sok nde, or o nin ben sukye yawa os wa ye gato iwa sok mone dom. [

Matius 23:23

Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Suk gato nin fros su sugit wa ben sugit ne wik sato selasih e, adas manis si jintan yo, nin tik but musyu dik, ete nin syo but dik yo nai Yefun. Nin ben sukwokgan sane da ndo, sarewo nin misyar sukduno gato sye wai mo Yefun Allah bi sukduno wa suma ne? Sukduno sato, men ben suk ri-roi su nje e, men dakai jimnotku nje e, men ben suk su nje tepsu pe gato men tom e ne, nin misyar nde, wo nin benbot sor. Nin misyar sukduno gato sye wai sane nde. Sane dom, sukduno wokgan ne, nin misyar dom nde, wo nin benbot sukduno mwa ne sino sor.

Matius 23:27

Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Nin tepsu makwe gato yé fro bi nu ne kwo ndo mo de nden ne sa, ndo wai o re, wo mo mit ne yekwop dini si i-ku gato kwik ete mbras mó.

Lukas 18:12

Ari dik, ji mewa ji nggwa kadit sugit yei wam we, we ji ki suk su Nan sor. Suk mwa gato ji ku ne yo, ji syo deyo nai Nan, Yefun. Ji ku sugum det musyu dik yo, ji syo det dik yo nai Nan, ji ku det musi.’

Yohanes 5:42

Ji jam nin kom mo nin mit re. Ji jam do, nin bi sukjimnut sye yo kas subot Yefun Allah mo nde.

1 Yohanes 4:20

Ye gato ki do, an bi sukjimnut sye kas subot Yefun Allah, sarewo an yo bi sukjimnut sye kas subot an bi nji mo Kristus bi rus-i nde yo, ye ne kidar kone, we ye gato ku an bi nji, ete an yo bi sukjimnut sye kas subot an bi nji nde yo, sane bere an bi sukjimnut sye kas subot Yefun Allah gato an yo me su an gro nde sa u ne? Bere yo mo nde.