Lukas 11:4 - Abun Scripture

⁴ Nan maskwa men mo sukibit gato men ben mu nai Nan o nde, Nan nutbot o nde, tepsu men yo maskwa ye yi mo sukibit gato ye ne ben ma nai men ne nde, ete men nutbot o nde. Nan mewa men subere suk yo tik men mit ete ben men ges mo os ibit mone nde.’ ”

Lukas 11:4 ပူးပေါင်းရင်းမြစ်များ

Matius 18:35

Sane Yefun Yesus gwat sukamno ré, orete An kibot sare do, ”Sane, sukibit gato ye yi ben nai men yo, men maskwa wa nde, men nutbot o nde, wo men rus sukibit ne wé sisu sangge, ondeyo, bere men bi Ai mo gu ben sukye nai men tepsu yenggras ne ben nai pa we sye ne.”

Matius 26:41

Nin mewa nin nggwa, nin ndekwa Yefun Allah mewa nin subere suk yo tik nin mit ete ben nin misyar Ji nde. Nin da bi sukjimnut dik wa nin jammo Ji, sarewo nin dakai yo nggiwa benbot nde.”

Lukas 11:5

Orge Yefun Yesus gwat sukamno subot nadi, An ki nai An bi pakon ne do, ”Yetu ge dik yo kadit nin mu mo an bi yesyim bi nu su noru miten, orete ye ne ki nai bi yesyim do, ’Yesyim a, nan ós ji et! Nan syo roti koi gri ma, bere ji win. Nan ós ji su roti ne,

Lukas 13:4

Sane dom, men nut subot yetu ge musyu dik sop munggwo gato nu syu é ma gwa kwop mo Siloam ne. Nin nut do yé ne ben sukibit mwa wai kadit ye yi neya gato kem mo Yerusalem ne bado?

Lukas 22:46

Yefun Yesus ki nai An bi pakon do, ”Nin sem wa suma ne? Nin sun se! Nin ndekwa Yefun Allah mewa nin subere suk yo tik nin mit ete ben nin misyar Ji nde.”

Lukas 8:13

Mbet gro gato ges mo bur ka gato jok mwa ne anato tepsu yé gato jam Yefun bi sukdu ne ete án nai Yefun bi sukdu ne mo án mit. Diksim án iwa, sarewo sukdu ne yo kem pe mo án mit nde, tepsu mbet gro ne i-brot yo kom mo jok nde. Diksim án jammo sukdu ne, sarewo bergan sor suk yo do tik án mit wa án ges mo os ibit yo, án misyar sukdu ne or re.

Yohanes 17:15

Ji yo ndek mo Nan subere Nan nai án wé kadit bur ré nde. Sarewo Ji ndek mo Nan subere Nan mewa án kadit biris bi yekwesu gato jom nje mo bur ré.

1 Korintus 10:13

Suk mwa ma tik nin mit wa nin ben suk siri kadit Yefun bi os-i. Sane dom, yé mwa meret os wa nin subere ben nin ges mo os ibit. Yé mwa meret os wa nin sane sor nde, wo ye meret os wa men yetu mwa ne sino mo bur ré. Sarewo Yefun Allah ben suk su men tepsu An tom ne, An yo misyar suk mwa ne tik men mit teker eta nde. An yo misyar yé mwa meret os wa men nde, wo suk mwa ma tik men mit wa men ben suk siri kadit Yefun bi os-i mó yo, sugane Yefun Allah kak os yi wa men, subere men yo ges mo os ibit nde.

Kolose 3:13

Ye yi ben sukye nai nin yo, nin misyar sor. Ye yi ben sukibit ma nai nin yo, nin maskwa an mo sukibit ne nde, nin nutbot o nde. Kristus yo maskwa nin mo sukibit gato nin ben ne nde, An yo nutbot o nde, sane nin waii nutbot sukibit gato ye yi ben ma nai nin o nde, tepsu men bi Yekwesu Kristus ben An bi suk-i ne.

2 Tesalonika 3:3

Yetu ben sukibit, sarewo Yefun Allah sa, An benbot suk gato An tom ne. Bere An ben nin nggi. Bere An mewa nin kadit biris bi yekwesu re.

2 Timotius 4:18

Sane dom, yé da syeret os wa futma gu ji ket kwayo-kwayo, sarewo Yefun Yesus ós ji kadit yé mwa ne sane sor kom mo kam gato An gwat ji mu mo An bi nat-i mo gu re. Sane men bes An gum kok to kapyo mato kapyo. Sangge.

Yakobus 2:13

Sane nin nutbot suk mwa gato nin ben sisu ndo et, we tepsu bi kam gato bere Yefun ndobot men yetu mo suk gato men ben ne, men yé gato bariwa ben sukndo su ye yi gato ben sukibit su men ne, bere Yefun waii bariwa ben sukndo su men re. Sarewo men ben sukndo su ye yi anato ndo wai kadit men syo sukye satu nai nje mo sukibit gato yé ne ben ne.

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.

Wahyu 3:10

Kapre nin ku sukye, nin misyar Ji nde, wo nin benbot Ji bi sukdu-i petok sor tepsu Ji ki ne. Sane bere kam gato yetu mwa ne sino mo bur ré iwedewe ku sukye ndo nde, bere Ji mewa nin kadit re. Bere yetu mwa ne sino ku sukye subere yé gato misyar Ji, bere bor mone.