Lukas 11:39 - Abun Scripture

³⁹ Sane Yefun Yesus ki nai ye Farisi ne do, ”Nin, ye Farisi, nin mus gelas si mbem mo de nden kwo sor re, wo mo mit ne dum ndo nde, tepsu nin ben nin nggwa ndo mo nden sor re, wo nin mit tara re, nin gro sye wa nin ku suk mwa, nin ben sukibit mwa ye re.

Lukas 11:39 ပူးပေါင်းရင်းမြစ်များ

Matius 15:19

we sukibit gato ma kadit men mit si men onyar anato sukjimnut ibit gato ben men ben sukibit sato ré: men gu ye yi kwop e, men ben siri su nggon daret e, men syimsi suk e, men ndak nje su sukkidar e, men kiket yé yi e ne.

Matius 7:15

”Nin mewa nin nggwa kadit yenabi gato kidar nin. Yenabi ne ma ku nin, ete án brek nden we, án ben án nggwa sato domba mo de nden, wo án mit ne tepsu ndar krok.

Lukas 16:15

Yefun Yesus ki nai án do, ”Nin anato ben suk subere yé mwa nut do, nin sa, ben sukndo, ondewo Yefun Allah jam nin mit-i tara re. Suk gato yetu nut do, ndo, Yefun Allah nut do, ibit.”

Lukas 7:13

Yefun Yesus do me nggonna ré sa, An jimnotku nggonna ndo nde, orete Yefun Yesus ki do, ”Im o, nan wo nde!”

Lukas 7:19

ete Yohanes syogat an we mu mo Yefun Yesus wa an we ndo mo do, ”Yenggras, Nan anato Yekwesu gato Yefun Allah syogat ma mo bur ré wa nai men yetu kadit sukye ete jowa men bado, men eswa ye yi yo o ma e?”

Yohanes 12:6

Yudas yo nutbot ye gato yewa suk nde, wo an ki an bi sukdu-i ne, we an ye gato syimsi suk. Sagana an nai sugum kadit pakon bi sugum gato an mewa ne dom.

Yohanes 13:2

Bi noru, ete Yefun Yesus si bi pakon git sugit sino sa, biris bi yekwesu sok an bi sukjimnut-i mo Yudas do, bere Yudas meret os wa gwat yeko ma wa but Yefun Yesus. Yudas gato Simon Iskariot bi pa anato tepsu yeketut.

Suk Gato Yerasul Ben Ne 5:3

Orge Petrus ki do, ”Ananias, ben sa u anato biris bi yekwesu bok nggwa mo nan, ete nan kidar Yefun Allah Gen sare ne? Nan ki do, sugum gato nan ku kadit nan bi bur det gato nan so anare, ondewo, nan dakai grem sugum napyo wa nan dakai. Nan kidar Yefun Allah Gen ko ré go!

Galatia 1:14

Sugane ji dakai anato jam suk mwa mo ye Yahudi bi agama. Ji jam suk mwa wai kadit ye yi gato ti sos tepsu ji. Ji ré anato iwa sukduno gato men bi amui duno men su ne wai o re.

2 Timotius 3:5

Án da sok ari e ne, ye nut do, án tepsu ye gato jammo Yefun, sarewo án mit-i tara re, án bariwa Yefun bi suk-i re. Sane nan mu karowa yé gato ben án bi suk-i sane nde.

Titus 1:15

Ye gato ben Yefun Allah bi suk-i it yo, án nut do, suk mwa ne ndo sino. Wo ye gato bi sukjimnut ibit mo án mit, ye gato bariwa jammo Yefun it yo, suk mwa ne sino yo ndo wa án mo nde, we án bi sukjimnut mo án mit ne ibit it.

Yakobus 4:8

Nin karowa Yefun Allah et. Sane bere Yefun Allah waii karowa nin. Nin yé gato ben sukibit, nin mus nin syim mo sukibit, nin ben sukibit o nde. Nin yé gato bi sukjimnut we, nin bi sukjimnut dik mo Yefun Allah sor.