Lukas 11:24 - Abun Scripture

²⁴ ”Yé do syun semda wé kadit yetu ge dik yo it yo, semda ne mu meret nat wa an kem mó. Semda ne mubot pe gato syur yo mo nde, semda meret nat ndo wa an sem mó. An yo ku nat yo tep nde. Saneyo, semda nut mo an syidem do, ’Ji satu mu mo ye gato tomga u ye syun ji kadit ne et.’

Lukas 11:24 ပူးပေါင်းရင်းမြစ်များ

Markus 5:10

Semda mwa ne ndek gat Yefun Yesus subere Yefun Yesus syun án mu wé kadit nat ne nde.

Markus 9:25

Sugane Yefun Yesus me yé mwa kas ma sum wairi wa pa gato semda ben ne, sane Yefun Yesus ndantom semda ne. An ki do, ”Suksemda o, nan gato ben pa ré mbut, nan gato ben pa ré yo du nde, Ji syokom nan do, Nan syesyar kadit pa ré tom! Nan sok satu mo pa ré o nde!”

Lukas 11:25

Semda do mu kom mone sa, an me ye ne tepsu nu gato ye fre kwo, ete ye fro suk mwa mone sisu ndo it.

Efesus 2:2

Kamdik-kamdik nin ben sukibit, nin simo bur ré bi suk-i sor. Nin jammo yekwesu ge dik gato jom suktinggi ibit gato ok muya-muma subot bur ré re. Su ré, suktinggi ibit ne anato jom yé gato bariwa jammo Yefun Allah bi sukduno-i ne.

1 Petrus 5:8

Nin kem su nin fra et. Nin fro nin nggwa petok sor. Biris bi yekwesu iwa ben sukibit nai nin. Biris bi yekwesu muya-muma sato suge krok gato mise, gato gum do singa. Biris bi yekwesu ne meret yetu ge dik yo wa ben an sukye nai, tepsu suge singa sok suge dik yo wa an gu kwop, ete an git.