Lukas 11:18 - Abun Scripture

¹⁸ Sane dom, mo biris bi yekwesu bi rus-i, semda e, aboksye e, yerom e ne maskwa ket yu, ete duwer yu yo, bere biris bi yekwesu si an bi rus-i yo kem ndo su yu o nde, wo bere án sino ibit mo koirut or re. Sane nin ki do, Beelzebul gen pet mo Ji anato Ji nggiwa syun semda wé kadit nje wa suma ne? Nin ki do, Beelzebul gato biris bi yekwesu ne anato syo suktinggi nai Ji wa suma ne? Biris bi yekwesu ne yo syo suktinggi nai Ji wa ben an bi rus-i ibit yo mo nde.

Lukas 11:18 ပူးပေါင်းရင်းမြစ်များ

Matius 10:25

Sane ye gato farkor sane sor an gum sye tepsu an bi yeguru yo, wai mó re. Sane dom, pakwerut gato ku gum tepsu an bi yenggras yo, wai mó re. Rus dik yo bi yesu gato gum do Beelzebul ben sukibit, sane yo, bere yé mwa mo an bi rus-i ne sino ku gum ibit wai kadit an o re.”

Matius 12:26

Sane dom, mo biris bi yekwesu bi rus-i, semda e, aboksye e, yerom e ne duwer yu ete deyo syun deyo, bere biris bi yekwesu si an bi rus-i yo kem ndo su yu o nde, wo bere án sino ibit mo koirut or re.

Matius 4:10

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Matius 4:24

Yé ki sukdu subot Yefun frekbot bur Siria sino, sane yé gwat yé mwa gato i ne ma mo An. Yé gwat nje gato i su suki wisyo-wisyo e, nje gato kaim yó wai o re e, nje gato semda bok nggwa mó, nje gato semda ben e, nje gato út e ne, ete Yefun Yesus ben nje mwa ne sino ge re.

Lukas 11:15

Sarewo ye deyo ki do, ”Beelzebul gen pet mo Ye ré anato An nggiwa syun semda wé kadit nje. Beelzebul gato biris bi yekwesu ne anato syo suktinggi nai An.”