Lukas 10:28 - Abun Scripture

²⁸ Yefun Yesus ki do, ”Nan bi sukdu ne sangge. Nan benbot sor, subere nan kem ndo to kapyo mato kapyo.”

Lukas 10:28 ပူးပေါင်းရင်းမြစ်များ

Matius 19:17

Yefun Yesus ki do, ”Nan ndo Ji subot suk gato ndo ne wa suma ne? Yefun Allah sor ete ndo. Nan do iwa nan kem ndo to kapyo mato kapyo it yo, nan benbot An bi sukduno-i sor.”

Markus 12:34

Yefun Yesus nut do, sukdu gato yeguru agama ki ne ndo re. Yeguru ki an bi sukdu-i ne tepsu ye gato bi sukjimnut ko. Sane Yefun Yesus ki nai yeguru agama ne do, ”Nan sa, nan jam suk, sane karowa nan sok mo Yefun Allah bi rus-i it anare.” Sane kadit kam ne, ye yo ma ndobot Yefun Yesus wa meret os wa An o nde, yé mwa ne damen ware.

Lukas 7:43

Simon ki do, ”Ji nut do ye we sye gato bi bon sye gato ye ne misyar ne.” Yefun Yesus ki do, ”Nan bi sukjimnut ne sangge.”

Roma 10:4

Yefun Allah fro bi os-i anato Yefun Allah bi Yesus Kristus ma mo bur ré. Yesus Kristus ma fro os gato tara kadit ye Yahudi bi sukduno-i. Sane su ré, men ku os wa men gum sok mo Yefun Allah bi rus-i mo os ndo gato Kristus kak ne sor re. Os nyim gato ye benbot ye Yahudi bi sukduno-i ne yo tep o nde. Kristus ma kak os be subere ye gato onyar kem mo Yesus Kristus sa, bere Yefun Allah nai ye ne gum sok mo An bi rus-i mone.

Roma 3:19

Men jam do, sukduno mwa mo ye Yahudi bi sukduno-i ne, ye krom wa yé gato sukduno ne kem su ne, subere án jam ete benbot sukduno ne. Ye Yahudi mwa ne jam sukduno ne, sane anato án yo ku os wa án ki do, án jam nde re. Bere Yefun Allah ki men yetu mwa ne mo bur ré syen Yefun bi sukduno ne.

Roma 7:10

Ji nut do Musa krom ye Yahudi bi sukduno-i subere ós men kem ndo, ondewo, kom mo rut sa, sukduno ne yo ós ji kem ndo nde, wo gwat sukkwop wa ji o re,

Galatia 3:12

Ye krom mo Yefun Allah bi sukdu ne o do, ”Ye gato benbot ye Yahudi bi sukduno-i mwa ne sino, siri kadit wokgan dom nde, bere an kem ndo.” Sarewo os ne yé teker wa men ware, men yo ku os mone nde. Wo os dik yo gato tara kadit ne anato men onyar kem mo Yefun Yesus sor.