Lukas 10:22 - Abun Scripture

²² ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.”

Lukas 10:22 ပူးပေါင်းရင်းမြစ်များ

Matius 11:25

Yefun Yesus ki sukdu ne or sa, An ki o do, ”Ji bi Ai, Nan anato Yekwesu mo gu nim ne si bur ré, Ji ki ndo mo Nan, we Nan gurik sukdu gato Ji ki ne bi sukjimnut-i kadit yepasye gato jam suk mwa, ete Nan kadum sukjimnut ne nai ye gato ben nggwa sato pa wokgan.

Matius 11:27

Orete Yefun Yesus ki do, ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Yohanes 1:18

Yetu yo ku Yefun Allah yo mo nde, wo Yefun Allah dakai bi Gan ge dik ne sor ete sisu Yefun Allah. Yesus Kristus si An bi Ai ben suk tepsu dik. Yesus Kristus anato kadum An bi Ai nai men yetu jam re.

Yohanes 10:15

Ji si Ji bi suksi jamwa yu tepsu Ji si Ji bi Ai jamwa yu re. Ji bi Ji nggwa kwop wa Ji bi suksi.

Yohanes 13:3

Yefun Yesus jam do, An bi Ai syo suk mwa ne sino nai An wa An jom. Sane dom, Yefun Yesus jam do, An ma kadit Yefun Allah, ete bere An satu mu mo Yefun Allah o.

Yohanes 17:10

Nan bi suk mwa ne sino anato Ji bi suk-i dom. Ji bi suk mwa ne sino anato Nan bi suk-i dom. Yé mwa gato Nan syo nai Ji, bere án bes Ji gum kok sye wai o re.

Yohanes 17:2

Nan bes Ji gum Yekwesu wa Ji jom yetu mwa ne sino mo bur ré re, subere yé mwa ne sino gato Nan syo nai Ji ne, Ji ós án kem gesyos.

Yohanes 17:26

Ji anato kadum Nan nai Ji bi pakon re. Bere Ji ki sukdu subot Nan petok sor subere án bi sukjimnut sye kas subot yu petok sor, tepsu Nan bi sukjimnut sye kas subot Ji, subere Ji si án tepsu dik.”

Yohanes 17:5

Ji bi Ai, Nan yo ut bur ré nde tó, Ji si Nan, ete Nan bes Ji gum kok mone re. Sane su ré, Nan bes Ji gum kok sye wai satu o et.

Yohanes 3:35

Men bi Ai, Yefun Allah jimnotku An bi Gan, ete An syo suk mwa mo An bi Gan syim wa An bi Gan jom sino.

1 Korintus 15:24

Kristus satu ma mo bur ré, An sun An bi yetuge-i, orete bur kru it anane. Sugane yepasye mwa gato jom men yetu e, biris bi yekwesu gato ben men ket kwayo-kwayo e, yerom e, aboksye e ne bi suktinggi gato jom men e ne, bere Yefun Yesus nai suk mwa gane bi suktinggi wé kadit, subere suk mwa ne jammo Kristus sor. Orge Kristus syo suk mwa ne ma mo men bi Ai, Yefun Allah ne syim.

2 Korintus 4:6

Yefun Allah ki bi sukdu-i do, ”Nyot rer ku pe gato ndendu ne et,” sane Yefun Allah anato tepsu rer gato ku men mit re, anato men tepsu An bi pakwerut. Rer ne ku men mit, ete kak men bi sukjimnut subere men jam Yefun Allah bi suktinggi gato bor mo Yesus Kristus sugato An gwat os be ne ma.

Efesus 1:21

Yesus Kristus gum kok sye wai kadit yekwesu mwa gato kem mo bur ré si gu nim ne sino. Ye yo gum kok sye tepsu An nde. Yesus Kristus nggi wai kadit yepasye mwa ne sino gato jom nje mo bur ré re. Kristus nggi wai kadit suk sato yerom e, aboksye e ne sino o re. Ye yo nggi tepsu Kristus nde. An gum-i anato kok wai kadit yekwesu mwa ne sino gato jom yetu. An gum-i kok wai kadit yekwesu mwa ne su ré sor to kapyo mato kapyo.

Ibrani 2:8

Nan ben yetu nggiwa yetu jom suk mwa ne sino or re, suk dik yo gato yetu yo jom nde ne yo mo nde.” Mo sukdu ne, ye ki do, Yefun Allah ben yetu nggiwa jom suk mwa ne sino or re. Sane sukdu ne bi sukjimnut do, suk dik yo gato yetu yo jom nde, bere yo mo nde, suk yo gwet mo nde, bere suk mwa ne sino jammo yetu. Sarewo su ré, men jam do, yetu yo jom suk mwa ne nde tó.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.

2 Yohanes 1:9

Ye gato yo jom Yesus Kristus bi sukdu-i pe nde, wo mu brek bot os yi kadit ne yo, ye ne yo si Yefun Allah tepsu dik nde. Ye gato jom Yesus Kristus bi sukdu-i krat yo, ye ne si men bi Ai, Yefun Allah si bi Gan ne tepsu dik sino.