Lukas 10:21 - Abun Scripture

²¹ Sugane Yefun Yesus mit at ndo nde, we Yefun Allah Gen pet mo An, ete Yefun Yesus ki nai Yefun Allah do, ”Ji bi Ai, Nan anato Yekwesu mo gu nim ne si bur ré, Ji ki ndo mo Nan, we Nan gurik sukdu gato Ji ki ne bi sukjimnut-i kadit yepasye gato jam suk mwa, ete Nan kadum sukjimnut ne nai ye gato ben nggwa sato pa wokgan. Ji bi Ai, Nan ben suk tepsu Nan mit anato Ji ki ndo mo Nan ne.” {Yefun Yesus ki suk su An bi Ai, orete An ki nai nje mone do:}

Lukas 10:21 ပူးပေါင်းရင်းမြစ်များ

Matius 16:17

Yefun Yesus ki do, ”Simon, gato Yona bi gan, yetu yo kadum sukjimnut ne nai nan jam nde, wo Ji bi Ai mo gu ben sukndo su nan anato An kadum sukjimnut ne nai nan jam re.

Matius 21:16

Sane án ndo mo Yefun Yesus do, ”Nan jam suk gato pa saiye ne, bado?” Yefun Yesus ki do, ”Ji jam re. Nin jam Yefun Allah bi sukdu gato duwe do, ’Yefun Allah, Nan anato duno pa wokgan si pabom wa un Ji ndo wai o re.’ Nin baca sukdu ré mó bado, nde tó e?”

Matius 3:7

Ye Farisi si ye Saduki mwa ma mo Yohanes wa Yohanes ras án mo syur, sarewo Yohanes me án ma sa, Yohanes ki do, ”Nin yé gato kidar suk nggi, nin tepsu kwis jan, nin nut do, nin ma wa ji ras nin mo syur, bere ós nin titi fro kadit Yefun Allah bi sukmaskwa mo sukibit gato nin ben ne bado? Sane nde, nin kwet kadit sukibit gato nin ben ne dom et.

Markus 10:15

Suk gato Ji ki ré suksangge anare, ye to bariwa jammo Yefun Allah tepsu pa wokgan jammo bi ai ne yo, bere ye ne yo ku os wa an sok mo Yefun Allah bi rus-i nde.”

Lukas 15:5

An do ku domba ne sa, an bes an sam satu ma, an mit at wa wai o re.

Lukas 15:9

Nggon ne do ku sugum ne sa, mom kendo mom bi yesyim si ye gato kem mo kampung ne ma sum sino, ete nggon ne ki do, ’Ji ku ji bi sugum gato ges satu it, sane nin ma men mit at wa sino et.’

Yohanes 11:41

Sane yé kak jok gato kewa i-syo ne mo nden wé. Orete Yefun Yesus sok mu nim mo gu, ete An ki do, ”Ji bi Ai, ndo mo Nan, we Nan jam Ji bi sukdu gato Ji ki nai Nan ré it.

2 Korintus 4:3

Men da ki subot os ndo gato Yesus Kristus kak wa men yetu ne nai nje jam, sarewo yé deyo gato bere ges mo bot gesyos, yé ne bi sukjimnut yo kak wa but sukdu ne nde.

Efesus 1:11

Yefun Allah fro Yesus Kristus wa men sane anato Yefun Allah nai sukjimnut ete ben suk mwa ne sino tepsu pe gato An ki kwop mone it. Kadit ketke it, An iwa nai men sok mo An bi rus-i tepsu pe gato An dakai fro ne. Sane An ben suk mwa ne kas subere suk gato An fro ne bor.

Efesus 1:5

kadit ketke ne it, anato An bi sukjimnut wa nai men tepsu An dakai bi pá-i, we men sibot os gato Yesus Kristus kak ne. Yefun Allah mit iwa An fro os ne wa men.