Lukas 10:17 - Abun Scripture

¹⁷ Yefun Yesus bi pakon ge musyu mufit satu ma sa, pakon ne mit ndo wai o re. Án ki do, ”Yenggras, men ki gum su Nan gum nai ye gato semda ben it yo, semda ne jammo men, semda ne nyu, ete titi or re.”

Lukas 10:17 ပူးပေါင်းရင်းမြစ်များ

Matius 4:24

Yé ki sukdu subot Yefun frekbot bur Siria sino, sane yé gwat yé mwa gato i ne ma mo An. Yé gwat nje gato i su suki wisyo-wisyo e, nje gato kaim yó wai o re e, nje gato semda bok nggwa mó, nje gato semda ben e, nje gato út e ne, ete Yefun Yesus ben nje mwa ne sino ge re.

Markus 16:17

Ye gato onyar kem mo Ji ne, bere Ji syo suktinggi nai án subere án ben suk gato ben yé yeket. Bere án ben suk sato ré do, án ki suk su Ji gum wa án syun semda wé, ete bere án ki su a be gato án yo farkorbot nde.

Lukas 10:1

Orete Yefun Yesus bes yetu ge musyu mufit o wa án mu ben Yefun bi suk-i. Yefun Yesus syogat pakon ne gewe-gewe mu nyim mo kota si nat mwa gato bere Yefun Yesus mu mone sino.

Lukas 10:20

Semda da jammo nin ete titi, sarewo nin mit at teker mone sor nde, wo ndo sa, nin mit at wa Yefun Allah krom nin gum mo An bi rus-i mo gu re.”

Lukas 10:9

Ye gato i mone, nin ben yé ne ge, ete nin ki nai nje mone do, ’Yefun Allah ma wa An jowa nin tepsu nin bi Yekwesu it anare!’

Lukas 9:1

Yefun Yesus kendo An bi pakon ge musyu dik sop we ne ma, orete Yefun Yesus syo suktinggi nai An bi pakon subere án nggiwa syun semda wé kadit ye gato semda ben ne, ete Yefun Yesus syo suktinggi nai An bi pakon subere án ben ye gato i ne ge re.

Roma 16:20

Yefun Allah gato ós men kem ndo su yu, bere Yefun Allah ne anato ben biris bi yekwesu, sane sor yekwesu ibit ne yo ku os o nde. Men bi Yekwesu Yesus Kristus ete mewa nin petok sor.

Efesus 5:24

Sane, tepsu men sino gato onyar kem mo Kristus jammo Kristus, sane dom nggon jammo bi ya mo suk mwa ne sino sor.