Lukas 10:11 - Abun Scripture

¹¹ ’Nin bariwa wa men, sane bofuf kadit os ré gato út mo men gwes, bofuf ne men ndot ges wé kadit men gwes tak re, subere nin jam do, nin ben sukibit nai men re. Kapre nin ben sukibit nai men, nin jammo sukdu gato men ki ré et, Yefun Allah ma wa An jowa nin tepsu nin bi Yekwesu it anare!’

Lukas 10:11 ပူးပေါင်းရင်းမြစ်များ

Matius 10:14

Nin mu kadit pe gato yé bariwa nin si nin bi sukdu-i ne yo, nin tet nin gwes tak su bofuf ne ges kadit nin gwes satu subere yé gato kem mone jam do, án ben sukibit nai nin.

Matius 10:7

Nin mu yo, nin kibot Ji bi sukdu do, ’Yefun Allah ma jowa men tepsu men bi Yekwesu it anare!’

Matius 3:2

An ki do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, nin jammo Yefun Allah et.”

Markus 6:11

Sarewo nin do kom mo kota dik yo, ete mone yé yo kendo nin ma si án kem nde, ete yé mone bariwa jammo nin bi sukdu-i ne yo, nin tet nin gwes tak su bofuf ne ges wé kadit nin gwes satu, subere yé gato kem mone jam do, án ben sukibit nai nin re.”

Lukas 10:10

Sarewo nin mu kom mo kota dik yo, ete yé mone do bariwa nin it yo, nin mu mo os sye mo kota mit, ete nin ki sare do,

Lukas 10:9

Ye gato i mone, nin ben yé ne ge, ete nin ki nai nje mone do, ’Yefun Allah ma wa An jowa nin tepsu nin bi Yekwesu it anare!’

Lukas 9:5

Nin mu ré, nin do kom mo kota dik yo, ete nje mone bariwa nin yo, nin mu kadit kota ne, nin tet nin gwes tak su bofuf ne ges wé kadit nin gwes satu, subere yé gato kem mone jam do, án ben sukibit nai nin re.”

Suk Gato Yerasul Ben Ne 13:26

Paulus ki o do, ”Ji bi nji, men yé gato bi amui mo Abraham si nin yewis yi gato som Yefun Allah, men sino anato jam suktaru gato ma kadit Yefun Allah sare do, Yefun Yesus ma mo bur ré wa kak os ndo wa men subere men kem ndo to kapyo mato kapyo.

Suk Gato Yerasul Ben Ne 13:40

Nin mewa nin dakai, sawe suk gato yenabi ki ne bor mo nin re. Yenabi ki Yefun Allah bi suktaru sare do,

Suk Gato Yerasul Ben Ne 13:46

Orge Paulus si Barnabas ki suk, an we yo nyu nde, an we ki pet mo nje mone do, ”Men ka we ki Yefun Allah bi sukdu nai nin ye Yahudi nyim sor, wo nin bariwa sukdu ne. Nin nai sukjimnut do, nin bariwa nin kem ndo to kapyo mato kapyo, sane it yo, men ka we misyar nin it anare. Ré ne, men ka we mu ki sukdu ne nai yewis yi jam,

Suk Gato Yerasul Ben Ne 13:51

Sane, an we tet an we gwes tak su bofuf ges wé kadit an we gwes subere nje mone jam do, ye we ne yo iwa sukibit gato yé mone ben nde. An we ben sane, orge an we mu kadit nat ne, mu mo kota Ikonium.

Roma 10:21

Sarewo Yesaya krom sukdu gato Yefun Allah ki subot ye Israel ne dom sare do, ”Noru nombrak Ji eswa án, yewis dik gato su krat ne, Ji eswa án, yewis gato bariwa jammo Ji, subere án satu ma wa si Ji kem ndo ware, án yo ma nde.”

Roma 10:8

Sarewo men yé gato simo os ndo gato Kristus kak ne, men ki sare do, ”Sukdu subot Kristus ne ma kom mo nin it, nin ki subot sukdu ne petok sor, nin grem sukdu ne pe mo nin mit mó re.” Sukdu gato men ki frekbot nin anato nin onyar kem mo sukdu subot Yesus Kristus sor.

Ibrani 1:3

Yefun Allah dakai ben sato An rer-rik wai o re tepsu kam, ete An bi Gan ne ben sato An rer-rik wai o re dom tepsu kam yor gato gat men. Yefun Yesus gwat Yefun Allah bi rer ne ma wa men jam. Sane An bi Gan ré anato tepsu Yefun Allah dakai ne it, tara kadit Yefun Allah wokgan yo dom nde. An bi Gan ki bi sukdu-i gato nggi wai subere An bi Gan mewa suk mwa mo bur ré si gu nim ne sino subere suk mwa ne kas sisu ndo sor. An bi Gan kak os wa men yetu subere Yefun Allah yo nutbot sukibit gato men ben ne o nde, ete Yefun Allah nai men gum sok mo An bi rus-i. Orete An bi Gan ne kem tak An de syim ge mo gu, mone An bi Gan si Yefun Allah gato sye wai o re, jom suk mwa ne sino.