Lukas 1:80 - Abun Scripture

⁸⁰ Pa gato Elisabet kem su ne sye, an bi sukjimnut nggi, an jammo Yefun Allah. An kem mo pe gato kwe yo kom mo nde, sane sor tepsu kam gato an ben suk, ete an syesyar an ki Yefun Allah bi suktaru nai ye Israel jam.

Lukas 1:80 ပူးပေါင်းရင်းမြစ်များ

Matius 11:7

Yohanes bi pakon mu kadit Yefun Yesus sa, Yefun Yesus ki subot Yohanes nai yé mwa gato sum mone do, ”Nin mu me suma mo pe gato kwe yo kom mo nde ne? Nin mu me es gato nofuf ti mo, bado?

Matius 3:1

Orete Yohanes gato ras nje mo syur ne mu mo pe gato kwe yo kom mo nde mo bur Yudea. Yohanes duno nje mone.

Lukas 1:15

Pa gato nan bi nggon kem su ne, bere Yefun Allah bes pa ne tepsu yepasye. Yefun Allah duyawa pa ne da nau anggur si nau krat. Kadit ketke bi im kem su pa ne yo, Yefun Allah Gen bok nggwa mo pa ne re.

Lukas 2:40

Mone Pa ne sye, Pa kaim nggi o, Pa jam suk mwa wai o. Yefun Allah bi sukjimnut sye kas subot Pa ne, Yefun Allah mewa An.

Lukas 2:52

Sane Yefun Yesus sye o, An jam suk mwa wai o. Yefun Allah iwa An, yetu dom iwa An.

Yohanes 1:31

Ji dakai jam nde An. Sarewo ji ma wa ji ras nje mo syur subere ji kadum An nai ye Israel jam.”

Suk Gato Yerasul Ben Ne 18:28

Apolos ós nje mone, we Apolos ki bi sukdu-i ne nggi. An duwer ye Yahudi mo bi sukdu-i ne nggi mo yé mwa gwem. An nai sukdu mo Yefun Allah bi sukdu, ete an ki subot sukdu ne subere yé jam rer kom mo mit do, Yefun Yesus anato Yekwesu gato Yefun Allah syogat ma mo bur ré wa nai men yetu kadit sukye ete jowa men.