Lukas 1:78 - Abun Scripture

⁷⁸ Yefun Allah gato jom men ne, An dakai jimnotku men ndo nde anato An fro os ndo wa men. An syogat Yetu ge dik yo is kadit gu ma mo bur ré. Yefun Allah syogat Ye ne ma ós ete jowa men tepsu Yefun Allah syogat kam it, ete kam gat men.

Lukas 1:78 ပူးပေါင်းရင်းမြစ်များ

Yohanes 3:16

Yefun Allah bi sukjimnut sye kas subot men yetu mo bur ré ndo nde anato An syo An bi Gan ge dik ne ma. An bi Gan ne ma wa kwop win men mo sukibit gato men ben ne, subere ye to onyar kem mo An bi Gan yo, bere ye ne yo ges mo bot gesyos nde, wo ye ne si Yefun Allah kem ndo to kapyo mato kapyo.

Efesus 5:14

we sukru rer ku suk mwa ne sino yo, bere ben sukibit ne rer wa men jam kom mo mit re. Sane ye ki do, ”Nin yé gato sem ne, nin sun tom! Tepsu nin sun satu kadit sukkwop, bere Kristus tepsu sukru rer ku nin.”

Filipi 1:8

Yefun Allah jam do, sangge, ji da o ku nin, ji bi sukjimnut sye kas subot nin tepsu Yesus Kristus bi sukjimnut sye kas subot nin ne.

Filipi 2:1

Nin sok mo Kristus bi rus-i, sane nin kwabom kam mo An do, bere An mewa nin, sane nin nokwa suk teker nde. Yefun Allah Gen bok nggwa mo nin, sane nin tepsu dik su An, An ós nin subere nin jimnotku yu, nin ben sukndo su yu.

Kolose 3:12

Nin anato sok mo Yefun Allah bi rus-i, An dakai jimnotku nin ndo nde, An bes nin wa nin ben An bi suk-i. Sane anato, nin dakai jimnotku ye yi, nin ben sukndo su ye yi et. Nin bes nin nggwa kok nde, nin ben nin bi suk-i njep su ye yi sor. Kapre nin ku sukye, nin benbot Yefun bi sukdu-i petok sor.

2 Petrus 1:19

Men dakai jam sukdu ne mo banbo anato men jam do, suktaru gato Yefun Allah tarubot yenabi ne sangge it. Sa ndo sa, men jom suktaru ne pe, we suktaru ne tepsu sukru gato rer ku pe gato ndendu sor kom mo nden rer mone. Men jammo suktaru ne sor kom mo kam gato Kristus satu ma ete An waii ru nggi o sor kom mo men mit, tepsu men me bí ik it, bergan nyot rer ku men it.

1 Yohanes 3:17

Sane ye gato ku suk mwa mo bur ré, ete an me an bi nji mo Kristus bi rus-i deyo gato yewa suk, wo an yo jimnotku ye ne nde, ete an yo ós ye ne su suk yo mo nde, or an ki do, an bi sukjimnut sye kas subot Yefun Allah, sane yo, men jam do, ye ne kidar ko ne.

Wahyu 22:16

”Ji, gato gum do Yesus, Ji anato syogat Ji bi malaikat ma wa kibot sukdu mwa mo buku ré wa ye gato onyar kem mo Ji mo nu ari mo bur ré jam re. Ji anato yeraja Daud bi dat. Ji anato kak os ndo wa yetu tepsu bí ik gato it ben sato kak os wa nombrak ne ma.”