Lukas 1:76 - Abun Scripture

⁷⁶ {Orge Zakaria ki nai an bi pa do,} ”Nan, ji bi pa, bere yé kendo nan gum do yenabi, bere nan gwat Yefun Allah gato gum kok sye wai ne bi suktaru ma ki nai nje mo bur ré re. Yefun Allah syogat nan mu nyim mo men bi Yekwesu ne gwem, subere nan fro os wa An.

Lukas 1:76 ပူးပေါင်းရင်းမြစ်များ

Matius 14:5

Sane Herodes da iwa gu Yohanes kwop mone, sarewo an nyuwa ye Yahudi, we ye Yahudi bes Yohanes gum yenabi.

Matius 21:26

Wo men do ki do, ’Yetu anato bes Yohanes,’ it yo, bere men nyuwa yetu mwa more, sawe yé mwa ne maskwa, we yé mwa ne onyar kem mo Yohanes tepsu yenabi gato Yefun Allah bes ne.”

Matius 3:11

Ji anato ras nje mo syur tepsu bi sukjimnut do, ye ne kwet kadit os ibit it. Wo bere Ye yo gato gum kok sye wai kadit ji waii ma bori. Ji gum yo tep wa ji jom An bi sepatu nde. Ji gum wok teker mu bur ware. Ye gato gum kok sye wai kadit ji ne, bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Matius 3:3

Yenabi gato gum do Yesaya anato krom sukdu subot Yohanes ré. Yesaya krom do, ”Mo pe gato kwe yo kom mo nde, ye yo saiye do, ’Men fro os gato ndo wa Yefun, men bi Yekwesu ne se! Men duk os wa An muket se!’ ”

Markus 11:32

Sarewo men do ki do, ’Yetu anato bes Yohanes,’ it yo, bere sukye mone wa men dom.” Yekwesú si yepasye ne nyuwa yetu mwa mone, sawe yé mwa ne maskwa, we yé mwa ne onyar kem mo Yohanes tepsu yenabi gato Yefun Allah bes ne.

Lukas 1:32

Bere Pa ne gum yepasye, bere yé kendo An do, Yefun Allah gato gum kok sye wai ne bi Gan. Bere Yefun Allah, Ye gato gesyos, bes Pa ne gum Yekwesu wa An jowa nje mwa, tepsu yeraja jowa nje mwa, sato An bi amui, yeraja Daud ne.

Lukas 1:35

Malaikat ne ki do, ”Bere Yefun Allah Gen ma mo nan. Bere Yefun Allah Gen bi suktinggi ben nan, subere nan ku Pa. Bere nan ku Pa gato yé kendo do Yefun Allah bi Gan. Pa ne Yefun Allah fro dor wa ben Yefun bi suk-i sor re.

Lukas 6:35

Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

Yohanes 1:23

Yohanes ki sukdu gato yenabi Yesaya krom suga nyim sare do, ”Ji anato ye gato saiye mo pe gato kwe yo kom mo nde do, ’Men duk os wa men bi Yekwesu muket se!’ ”

Yohanes 1:27

Ye ne anato ma boribot ji, sarewo An gum kok sye wai kadit ji. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde.”

Yohanes 3:28

Nin dakai jam suk gato ji ki mó re, sane bere nin ki rer nai ye yi jam do, ’Ji anato Kristus nde. Yefun Allah yo syogat ji ma mo bur ré wa nai men yetu kadit sukye ete jowa yetu nde. Wo Yefun Allah syogat ji ma nyim, orete Kristus ma wari.’

Suk Gato Yerasul Ben Ne 16:17

Nggon ne boribot Paulus si men, mom saiye bot os do, ”Yé ré anato Yefun Allah gato nggi wai ne bi pakwerut anare. Yefun Allah syogat yé bok ré ma wa ki sukdu subot os ndo gato An fro wa men yetu subere men kem ndo to kapyo mato kapyo.”