Lukas 1:46 - Abun Scripture

⁴⁶ Maria ki do, ”Ji bes Yefun Allah gum kok wai o re.

Lukas 1:46 ပူးပေါင်းရင်းမြစ်များ

Roma 5:11

Men mit at mo suk ne sor nde, wo men mit at wa Yefun Allah mo suk mwa gato men bi Yekwesu Yesus Kristus ben ne dom re. Kristus kak os ndo wa men, anato men si Yefun Allah kem ndo su yu it.

1 Korintus 1:31

Sane mo Yefun Allah bi sukdu yé krom do, ”Ye to iwa bes an gum mo suk gato an ben ne, sa ndo sa, an bes an dakai gum sane nde, wo an bes Yefun Allah gum kok mo suk gato Yefun ben ne sor.”

2 Korintus 2:14

Men ki ndo mo Yefun Allah, we An gwat men tepsu Kristus bi rus-i gato An but ne ma wa yé mwa neya sokwa ete bes Kristus gum kok mone. Yefun Allah nai men wa men ki sukdu subot Yesus Kristus frekbot peyo-peyo. Men ki sukdu ne frekbot pe mwa ne tepsu nofuf gwat suk gato grik ndo frekbot peyo-peyo.

Filipi 3:3

Men ré anato yé gato simo sunat gato sangge, wo án yo simo sunat gato sangge nde re. {Men yo onyar kem mo suk gato án ben sato sunat nde. Ye Israel gato simo sunat, án nut do, án sok mo Yefun Allah bi rus-i it anane. Sarewo sunat ne ye ben mo men kaim de nden ne sor re.} Wo men sa, Yefun Allah Gen bok nggwa mo men anato men bes Yefun Allah gum kok. Men si Yesus Kristus tepsu dik ete men un An, sane men sok mo Yefun Allah bi rus-i mone it, tepsu ye bisunat men sisu sangge anane. Men yo onyar kem mo sunat gato yetu ben mo men kaim de nden ne nde.

Filipi 4:4

Men bi Yekwesu Yefun Yesus nai nin sok mo An bi rus-i it, sane kamdik-kamdik nin mit at wa sor. Ji ki nai nin wam dik yo o do, nin mit at wa petok sor.

1 Tesalonika 5:23

Yefun Allah gato ós men kem ndo su yu, Yefun dakai ete kak nin bi sukjimnut subere nin ben An bi suk-i sisu nin mit dik nin onyar dik petok sor. Yefun Allah ete mewa nin da kridek si nin da gesyos sino sane sor subere nin ben nin bi suk-i ibit yo mo nde, kwa dik yo dom nde, subere men bi Yekwesu Yesus Kristus satu ma mo bur ré it yo, ye yo ku os wa ki nin gum ibit mo suk yo mo nde.

1 Petrus 1:8

Kapre nin yo me Kristus su nin gro mo nde, nin bi sukjimnut sye kas subot An re. Kapre nin yo me An su nin gro su ré nde, nin onyar kem mo An re. Nin onyar kem mo Yefun sor, sane anato An nai nin gum sok mo An bi rus-i, ete bere An nai nin wé kadit bur ré sok mo An bi nat-i re. Sane anato nin mit at wa, nin wi, nin ambre, nin mit iwa teker mone et. Nin mit iwa nin un Yefun gum mone.