Lukas 1:35 - Abun Scripture

³⁵ Malaikat ne ki do, ”Bere Yefun Allah Gen ma mo nan. Bere Yefun Allah Gen bi suktinggi ben nan, subere nan ku Pa. Bere nan ku Pa gato yé kendo do Yefun Allah bi Gan. Pa ne Yefun Allah fro dor wa ben Yefun bi suk-i sor re.

Lukas 1:35 ပူးပေါင်းရင်းမြစ်များ

Matius 1:18

Ji krom sukdu subot Maria kem su Yesus Kristus. Yusuf nggorwa Maria nyim wé re, wo an we yo kra nde tó, Maria syimfar re. Yefun Allah Gen anato ben Maria syimfar re.

Matius 1:20

Yusuf nutbot os yo wa an sombok Maria wé sa, an semda ku Yefun bi malaikat ge dik yo. Malaikat ne ki nai an do, ”Yusuf, nan bi amui mo Daud, nan nyu nde, nan kra su Maria sor, we Pa gato Maria syimfar su ne anato ma kadit Yefun Allah Gen.

Matius 14:33

Sane Yefun Yesus bi pakon mo kwem ne un Yefun Yesus, án ki do, ”Sangge, Nan anato Yefun Allah bi Gan.”

Matius 27:54

Sane ye Roma bi yesukmise si bi yesu gato mewa Yefun Yesus me sui juwai bur si suk mwa gato bor mone sa, án nyu ndo nde, án yeket, ete án ki do, ”Sangge, Ye ré anato Yefun Allah bi Gan sor.”

Matius 4:3

Sugane biris bi yekwesu ne ma ku Yefun Yesus, ete ki nai do, ”Nan tepsu Yefun Allah bi Gan sangge it yo, Nan syogat jok mwa ré tepsu roti wa Nan git et.”

Markus 1:1

Mo buku ré, ji krom sukdu subot os ndo gato Yesus Kristus kak wa men yetu ne. Yesus Kristus, gato Yefun Allah bi Gan, anato kak os subere Yefun Allah nai men gum sok mo An bi rus-i. {Su ketke, Yesus Kristus yo ma mo bur ré nde tó, Yefun Allah fro yetu ge dik yo ma nyim.}

Markus 1:24

”Yesus, ye Nazaret, Nan ma more wa suma ne? Te, Nan ma more wa Nan gu men e? Ji jam do Yefun Allah fro Nan ma mo bur ré wa Nan gwat Yefun Allah bi suktaru.”

Lukas 1:27

Yefun Allah syogat malaikat Gabriel gwat suktaru mu ki nai nggonnak dik yo mone. Nggonnak ne gum do Maria. Nggonnak ne, Yusuf nggorwa re. Yusuf bi amui mo yeraja Daud.

Lukas 1:34

Maria ki nai malaikat ne do, ”Ji nggonnak gato ben siri yo mo nde. Ji kem yi, bere ji ku pa sa u ne?”

Lukas 1:36

Nan napawa nan bi om gato gum do Elisabet. Elisabet syimfar kom mo aina mumat it anare. Kapre mom ka nggongras ete yé ki do, mom nukwerit pe re, mom syimfar re,

Yohanes 1:34

Ji dakai me suk ne bor su ji gro mó re. Sane ji ki rer wa yé mwa ne sino jam do, Ye ne anato Yefun Allah bi Gan.”

Yohanes 1:49

Natanael ki do, ”Yeguru, Nan anato Yefun Allah bi Gan, sangge, Nan anato ye Israel bi Yekwesu.”

Yohanes 20:31

Sarewo ji krom suk bok gare subere nin jam do, sangge, Yefun Yesus anato Ye gato Yefun Allah syogat ma mo bur ré wa kak os ndo wa men yetu ete jom men, subere nin jam do, sangge, Yefun Yesus anato Yefun Allah bi Gan. Sane dom, ji krom sukdu bok gare subere nin jam do, nin nai sukjimnut dik do, nin onyar kem mo An it yo, bere nin kem ndo to kapyo mato kapyo it anane.

Suk Gato Yerasul Ben Ne 8:36

Yepasye ne si Filipus simo kwem muket os mit saresa, an we ma kom mo pe gato syur ok mó. Sane yepasye ne ki do, ”Syur anare, nan ras ji mo syur ré et, suk yo yawa nan ras ji mo syur ré bado?” [

Roma 1:4

Sarewo Pa ne tepsu yetu sor nde, wo Pa ne anato Yefun Allah bi Gan, men jam rer mo gato Yefun Allah Gen ben Pa ne nggi wai kadit sukkwop, Yefun Allah Gen sun Pa ne kadit sukkwop o re.

Galatia 2:20

Ben sato ji si Yesus Kristus kwop sino mo kwesukwin it. Sane ji dakai anato kem ré nde, wo Yesus Kristus anato kem mo ji mit. Ji onyar kem mo Yefun Allah bi Gan gato bi sukjimnut sye kas subot ji ete bi An nggwa kwop wa ji anato ji nggiwa ji kem mo bur ré re.

Efesus 2:3

Suga nyim men sino ben sukibit tepsu yé mwa ne mó re. Sukjimnut gato tik men mit wa men ben sukibit jom men sino mó re. Suga nyim men sibot sukjimnut ne sor, men dakai ben suk ket men bi sukjimnut-i, men ben sukibit ket men i sor. Sane men si yé mwa ne ku sukmaskwa kadit Yefun Allah mone.

Ibrani 4:15

Men bi yegweswai gato gum kok wai mo Yefun Allah bi nu ne, An kem mo bur ré sa, An da kridek tepsu men yetu gato yo nggi nde. An kaim rere tepsu men yetu kaim rere. Sane suk yo da ma tik Yefun Yesus mit wa ben sukibit ket kwayo-kwayo tepsu men yetu sino mó re, sarewo An yo ben sukibit yo mo nde.