Lukas 1:33 - Abun Scripture

³³ Bere Pa ne jowa yewis ye Israel to kapyo mato kapyo, An jowa nje petok sor.”

Lukas 1:33 ပူးပေါင်းရင်းမြစ်များ

Ibrani 1:8

Sarewo Yefun Allah ki sukdu subot An bi Gan sare do, ”Pa, Nan anato tepsu Ji, Yefun Allah, Nan kem mo yekwesu bi kursi, we Nan gum Yekwesu to kapyo mato kapyo. Nan jom Nan bi rus-i sa, Nan ben Nan bi suk-i mu nai Nan bi rus-i mone ri-roi pe sor.

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Galatia 3:29

Men do sok mo Yesus Kristus bi rus-i it yo, sane men ré tepsu Abraham bi pá dom, ete men ku os ndo gato Yefun Allah tom su men ne, Yefun nut mo men do, men sa, tep wa sok mo An bi rus-i it.

Roma 9:6

Suk gato Yefun Allah tom su ye Israel ne, ye Israel deyo ki do, Yefun Allah yo benbot nde, sarewo ji yo bi sukdu-i sane nde re. Yefun Allah benbot suk gato An tom ne, An yo nai ye Israel bi pa-i mwa ne sino tepsu Yefun dakai bi pa-i nde.

Galatia 6:16

Yefun Allah ete mewa ye gato jammo sukdu gato ji krom ré. Yefun Allah ete dakai jimnotku yé mwa gato jammo sukdu ré. Yefun Allah ete mewa An bi rus-i ne sino.

Filipi 3:3

Men ré anato yé gato simo sunat gato sangge, wo án yo simo sunat gato sangge nde re. {Men yo onyar kem mo suk gato án ben sato sunat nde. Ye Israel gato simo sunat, án nut do, án sok mo Yefun Allah bi rus-i it anane. Sarewo sunat ne ye ben mo men kaim de nden ne sor re.} Wo men sa, Yefun Allah Gen bok nggwa mo men anato men bes Yefun Allah gum kok. Men si Yesus Kristus tepsu dik ete men un An, sane men sok mo Yefun Allah bi rus-i mone it, tepsu ye bisunat men sisu sangge anane. Men yo onyar kem mo sunat gato yetu ben mo men kaim de nden ne nde.

Matius 1:1

Men krombot Yesus Kristus bi amui. Yesus Kristus bi amui dik yo mo yeraja Daud. Daud waii bi amui mo Abraham. Yesus Kristus bi amui kadit Abraham sor kom mo yeraja Daud anare:

Lukas 1:34

Maria ki nai malaikat ne do, ”Ji nggonnak gato ben siri yo mo nde. Ji kem yi, bere ji ku pa sa u ne?”