Lukas 1:31 - Abun Scripture

³¹ Bere nan syimfar, nan kem su Pa yebris, orete nan kendo Pa ne gum do Yesus.

Lukas 1:31 ပူးပေါင်းရင်းမြစ်များ

Matius 1:21

Bere Maria kem su pa yebris, orete nan kendo pa ne gum do Yesus, we Pa ne ma mo bur ré wa ós An bi nje-i. Bere An tepsu suktot wa tot sukibit gato An bi yetuge-i ben ne wé re.”

Matius 1:23

”Nggonnak ge dik yo gato sem su yebris mo nde, bere syimfar, orete nggon ne kem su pa yebris. Pa ne bere ye kendo gum do, Imanuel.” (Imanuel bi sukjimnut do, ”Yefun Allah sisu men kem sino.”)

Matius 1:25

An we kra pe, sarewo Maria kem su pa nde tó, Yusuf si Maria yo sem su yu nde tó. Maria kem su Pa ne, orete Yusuf kendo Pa ne gum do Yesus.

Lukas 1:13

Sarewo malaikat ki nai Zakaria do, ”Zakaria, nan nyu nde. Suk gato nan ndek mo Yefun Allah ne, Yefun Allah jam re. Bere nan bi nggon Elisabet ku pa yebris dik yo mone tó. Bere nan kendo pa ne gum do Yohanes.

Lukas 1:27

Yefun Allah syogat malaikat Gabriel gwat suktaru mu ki nai nggonnak dik yo mone. Nggonnak ne gum do Maria. Nggonnak ne, Yusuf nggorwa re. Yusuf bi amui mo yeraja Daud.

Lukas 2:21

Maria kem su Pa ne or, kam munggwo rek eteyo, yesu mo nu ari bisunat Pa ne. Yesu ne tot Pa da naprut wé, ete Maria si Yusuf kendo Pa ne gum do, Yesus, tepsu gum gato malaikat ki nai Pa bi im sugato Pa bi im yo pe Pa nde tó.

Lukas 20:44

Sane mo Mazmur ne, Daud kendo Kristus tepsu an bi Yekwesu. Sane men kendo Kristus do, ’Daud bi dat’ sor nde, wo An tepsu ’Daud bi Yekwesu’ dom.”

Galatia 4:4

Sarewo tepsu kam gato Yefun Allah fro ne, Yefun Allah syo An bi Gan ma mo bur ré. Nggon dik yo kem su An. An kem mo bur ré, An jammo ye Yahudi bi sukduno.