Lukas 1:22 - Abun Scripture

²² Zakaria syesyar kadit nu mit sa, an syokwet mbut, an yo ki suk ndo nde. An ef su an syim sor re. Sane yé mwa mone jam do Yefun Allah kadum suk yo nai Zakaria mo nu mit, anato Zakaria ef su an syim, sarewo an yo du nde, an syokwet mbut ware.

Lukas 1:22 ပူးပေါင်းရင်းမြစ်များ

Lukas 1:21

Malaikat si Zakaria nuk sukdu saresa, yé mwa mo nu de nden eswa Zakaria syesyar kadit nu mit. Yé mwa nut do, ”Suma ben anato Zakaria ben suk nam mo nu mit ne?”

Lukas 1:23

Zakaria ben an bi suk mo Yefun Allah bi nu gato an bi yesu syogat an ben ne or sa, an satu mo an bi nu re.

Lukas 1:62

Orge yé mwa ne ef syim nai Zakaria subere yé jam Zakaria bi sukdu-i do, Zakaria iwa kendo pa ré gum sa u ne?

Yohanes 13:24

Simon Petrus gwi an su nai an bi yesyim ne, ete Petrus ndo mo an do, ”Nan ndo mo Yefun Yesus do, An kibot je u ne?”

Suk Gato Yerasul Ben Ne 12:17

Petrus bes an syim wa nje mone subere yé not, ete jammo an bi sukdu-i. An nuk sukdu subot suk gato Yefun Allah kar an wé kadit penjara ne. Petrus nuk sukdu ne, or an ki o do, ”Nin mu nuk sukdu ne nai Yakobus si ye gato onyar kem mo Yefun Yesus jam sino et.” Petrus ki sane, orge an mu mo pe yi o re.

Suk Gato Yerasul Ben Ne 19:33

Ye Yahudi syogat Aleksander ti mo yé mwa gwem wa ki sukdu nai yé mwa ne, ye Yahudi yi mone saiye su bi sukdu-i nai Aleksander, subere Aleksander waii ki sukdu ne. Sane Aleksander bes an syim, subere yé mwa ne not ete jam suk gato an ki ne, ware,

Suk Gato Yerasul Ben Ne 21:40

Padosye ne bi os wa Paulus ki suk su yé mwa ne, orete Paulus ti mo jip, an bes an syim subere yé mwa ne not. Yé mwa ne not, orete an ki nai yé mwa ne su ye Yahudi bi a, gato ye kendo do a Ibrani sare do,