Lukas 1:17 - Abun Scripture

¹⁷ Bere pa ne fro os wa Yefun, ye Israel bi Yekwesu, gato bere ma ne. Bere Yefun Allah Gen bok nggwa mo pa subere an ki Yefun Allah bi suktaru. Bere an ben an bi suk-i tepsu Elia, gato yenabi kam nyim ne. Yefun Allah Gen bok nggwa mo pa ne, subere pa ben yenggras gato maskwa ket bi pa ne kem ndo satu. Ye gato bariwa jammo Yefun, bere pa ne kar yé ne satu kadit os ibit ma mo os ndo, ete án ben sukndo tepsu Yefun mit. Bere pa ne fro yé mwa subere án kak án mit wa Yefun gato bere ma mo án.”

Lukas 1:17 ပူးပေါင်းရင်းမြစ်များ

Matius 11:14

Nin onyar kem mo sukdu ne yo, bere nin nut do, sangge, kwa yo gato bor su ré anato Yohanes tepsu yenabi Elia gato nin eswa ne.

Matius 14:4

Sane Yohanes ndantom Herodes wam bok yo mó re do, ”Nan kra su Herodias, gato nan bi nji bi nggon ne nde. Nan kra su nan bi nji bi nggon anato siri kadit men ye Yahudi bi sukduno-i re.”

Matius 3:3

Yenabi gato gum do Yesaya anato krom sukdu subot Yohanes ré. Yesaya krom do, ”Mo pe gato kwe yo kom mo nde, ye yo saiye do, ’Men fro os gato ndo wa Yefun, men bi Yekwesu ne se! Men duk os wa An muket se!’ ”

Matius 3:4

Yohanes it san gato ye jom kadit unta go. An far an jakuke su suge da det yo. Yohanes bi sugit-i gato an git kamdik-kamdik anato yoi si for rom.

Lukas 1:16

Pa ne sye yo, bere pa kar ye Israel mwa satu kadit os ibit ma, ete jammo Yefun Allah, Ye gato gesyos, án bi Yekwesu ne.

Lukas 1:76

{Orge Zakaria ki nai an bi pa do,} ”Nan, ji bi pa, bere yé kendo nan gum do yenabi, bere nan gwat Yefun Allah gato gum kok sye wai ne bi suktaru ma ki nai nje mo bur ré re. Yefun Allah syogat nan mu nyim mo men bi Yekwesu ne gwem, subere nan fro os wa An.

Yohanes 1:13

Ye gato gum tepsu Yefun Allah bi pa-i ne, yetu anato kra yu, ete kem su nde. Pa ne yo ma kadit yetu nde, wo pa ma kadit os gato Yefun Allah dakai fro ne.

Yohanes 1:34

Ji dakai me suk ne bor su ji gro mó re. Sane ji ki rer wa yé mwa ne sino jam do, Ye ne anato Yefun Allah bi Gan.”

Yohanes 3:28

Nin dakai jam suk gato ji ki mó re, sane bere nin ki rer nai ye yi jam do, ’Ji anato Kristus nde. Yefun Allah yo syogat ji ma mo bur ré wa nai men yetu kadit sukye ete jowa yetu nde. Wo Yefun Allah syogat ji ma nyim, orete Kristus ma wari.’

Suk Gato Yerasul Ben Ne 10:33

Sane, sugane it, ji syogat yé bok yo mu kar nan ma. Ji ki ndo mo nan, we nan ma ku men it are. Ré yo, men sino sum mo Yefun Allah gwem more wa men jam suk gato Yefun syogat nan ki nai men ne.”

Roma 9:23

Yefun Allah iwa kadum suk gato ndo yé, An iwa kadum nai men yé gato An dakai jimnotku. Yefun Allah fro men wa men ku suk gato ndo yé ne, An fro men suga nyim ne wé re.

Kolose 1:12

nin ki ndo mo men bi Ai, Yefun Allah gato nai men gum wa men sok mo An bi rus-i it. Sane bere men ku suk gato An fro wa men yé gato onyar kem mo Yefun Yesus mo pe gato An jowa men mone. Bere men si An sino kem mo pe gato rer.

2 Timotius 2:21

Ye gato mewa nggwa kadit an ben sukibit mwa neya, an tepsu mbem gato tep wa yepasye git mone. Ye gato mewa nggwa sane, an tepsu an bi yenggras bi suk-i gato yenggras grem wa ben suk gato ndo su. Yenggras ne grem ye ne kem ndek sane sor yenggras ne iwa ben suk gato ndo, ete yenggras nai ye ne wa ben suk ne.

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.

1 Yohanes 2:28

Sane ji kiwa nin, ji bi pá nin do, nin si Kristus tepsu dik petok sor, subere su kam gato An satu ma ne yo, bere nin ku An tepsu nin bi yesyim, bere nin damen wa An nde.

Wahyu 20:4

Orete ji sokme yekwesu bi kursi bok yo. Yé gato kem mone anato yé gato ku suktinggi wa jom ete ndobot yetu. Sane dom ji sokme yetu ge bok yo gato ye gu kwop. Ye tot yé bok ne su toko wé su mbam, we yé bok ne ki subot suk gato Yefun Yesus ben ne, án ki subot Yefun Allah bi sukdu-i. Yé bok ne yo som suge doketke si suk gato ye ut ka sa suge ne nde. Ye yo syat suge doketke bi ja mo yé bok ne git det nde. Ye yo syat ja mo yé bok ne syim rut ne dom nde. Yé bok ne Yefun sun kadit sukkwop o re, án si Kristus jom nje tepsu yekwesu sane sor kom mo tahun ribu dik.