Kolose 4:8 - Abun Scripture

⁸ Bere ji syogat an ba ku nin subere nin jam sukdu subot suk gato bor mo men more, ete nin bi sukjimnut yo waiyu subot men nde, wo nin mit ndo sor.

Kolose 4:8 ပူးပေါင်းရင်းမြစ်များ

1 Korintus 4:17

Sane ji syogat Timotius ba ku nin mone subere an duno nin subot suk gato ji ben ne. Timotius anato tepsu ji bi pa gato ji jimnotku. Pa ne ben bi suk-i ri tepsu Kristus mit. Bere Timotius duno nin satu o subere nin napawa suk gato ji ben tepsu ye gato onyar kem mo Yesus Kristus ne. Ji dom duno nje mo nu ari mwa mo pe mwa ne sino gato ji mu mone, subere án waii benbot suk gato ji ben ne.

2 Korintus 1:4

Yefun Allah ben men nggi mo sukye mwa gato men ku ne sino, subere men nggiwa men waii mewa ye yi neya mo sukye mwa gato yé ne ku dom re. Bere men mewa yé ne tepsu Yefun Allah mewa men re.

2 Korintus 12:18

Ji syaugat Titus si ye Kristen yi ge dik yo gato tepsu men bi nji, an we ba ku nin mone, ete Titus meret os wa ku suk yo kadit nin bado? Yo mo nde, we ji si Titus, men ka we bi sukjimnut-i ne dik mo suk gato men ka we ben ne sor, men ka we ki men bi sukdu-i ne tepsu yu, yo tara kadit yu mo nde re. Men ka we yo iwa ndek sugum mo nin mo nde.

2 Korintus 2:7

Sane yo, su ré nin maskwa an mo sukibit gato an ben ne o nde, nin nutbot o nde, wo nin bidek an subere an yo mas tut mone teker eta o nde.

Efesus 6:22

Sane ji syogat an ba ku nin mone subere an ki sukdu subot men more nai nin sino jam, subere ben nin mit ndo wa nin jom Yefun bi sukdu-i nggi wai o.

Filipi 2:28

Sane yo ji syogat an satu mu mo nin kekro, subere nin ku an yo, nin iwa o, subere ji dom yo jimnotbot an teker o nde.

Kolose 2:2

Suk mwa ré ji ben subere nin si án sino bi sukjimnut nggi, eteyo nin si án bi sukjimnut sye kas subot yu tepsu yedik. Ji ben suk mwa ne subere sukdu gato Yefun Allah gurik kadit men suga nyim tuya ne, nin si án sino jam wa pe kom mo brot marum kai. Sane ji ben suk mwa ne subere án jam do, Kristus gato Yefun Allah yo kadum bor wa men jam suga nyim tuya ne nde, su ré án jam do Kristus bor it.

1 Tesalonika 2:11

Nin jam do, suk gato men ben su nin kadik-kadik mone, men ben suk ne tepsu yenggras ben suk su an dakai bi pa-i.

1 Tesalonika 3:2

ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

1 Tesalonika 3:5

Sane ji jimnotbot nin ndo nde anato ji syogat Timotius ba ku nin mone. Ji syogat an ba ku nin subere an jam kret nin do, nin onyar kem mo Yesus Kristus tó bado nde e? Ji nokwa sawe biris bi yekwesu meret os wa nin sawe ben nin ges mo os ibit re. Sane bere suk mwa gato men ben su nin yo ós nin o nde.

1 Tesalonika 4:18

Saneyo, nin ki sukdu ne nai yu, subere nin ós yu subere nin kwabom dek subot yekwop teker o nde.

1 Tesalonika 5:11

Sane it yo, ndo sa, nin ós yu, nin duno yu subere nin onyar kem mo Yefun Yesus nggi wai o et, tepsu nin ben su ré re.

1 Tesalonika 5:14

Men bi nji, men bi nyanggon, men kiwa nin ben suk sato ré do, nin duno ye gato bambrai, subere án iwa án ben suk; nin ós ye gato nyuwa suk mwa, subere an yo nyuwa suk yo o nde; nin ós ye gato yo nggi nde; nin ben nin bi suk-i sisu njep su yé mwa ne sino.

2 Tesalonika 2:17

Mo sukndo mwa gato nin ben si nin ki ne sino, Yefun Allah si Yesus Kristus ete ben nin nggi. Yefun Allah si Yesus Kristus ete ben nin mit iwa nin ben An bi suk-i mo suk mwa ne sor.