Kolose 4:6 - Abun Scripture

⁶ Nin ki suk su yé gato jam nde Yefun yo, nin ki nin bi sukdu-i njep, nin ki sukdu gato ben yé ne mit ndo, nin ki sukdu gato tik án mit sor. Nin fro nin nggwa subere án do ndo nin subot suk yo, nin owa nin ki sukdu gato ndo satu nai án.

Kolose 4:6 ပူးပေါင်းရင်းမြစ်များ

Matius 5:13

”Nin anato tepsu bók wa yé mwa ne sino gato kem mo bur ré. Wo bók ne yo wik o nde yo, bere ye ben suma subere bók ne wik satu o ne? Bók gato yo ndo o nde, ye yo mitmo o nde, ye bare wé, ete bere yé yakos o re.

Markus 9:50

Bók ne ndo, sarewo bók ne yo wik o nde, bere men ben suma subere bók ne wik satu o ne? Nin duwer yu subot kwayo-kwayo sato ye gato gum sye e ne yo, bere nin kem ndo su yu sa u ne? Sa ndo sa nin sino tepsu bók gato wik ne, nin duwer yu o nde, nin kem ndo su yu sor.”

Lukas 4:22

Yé mwa mone sino un Yefun Yesus gum. Yé mwa mone yeket Yefun Yesus mo An bi sukdu ne. Yé ne ki do, ”An ki An bi sukdu-i ndo wai o re.” Orete yé ne ndo mo yu do, ”Ye gare te, An anato Yusuf bi gan, fe? {Ben sa u anato An ki An bi sukdu-i ndo teker sare ne?}”

Efesus 4:29

Nin ki subot sukdu yo, nin ki subot sukdu gato ibit su nje nde, wo nin ki subot sukdu gato ndo wa ós nje su et. Nin ki suk yo, nin ki sukdu gato ós yé gato ku sukye, subere án mit at mo sukdu gato nin ki ne.

Kolose 3:16

Kristus bi sukduno-i gato ndo wai ne, nin nai ma nin grem pe mo nin mit si nin onyar et. Nin grem Kristus bi sukduno-i ne pe mo nin mit or wé ete nin duno yu e, nin ki suknapa wa yu e ne. Nin do ki Kristus bi sukduno-i nai yu yo, nin nutbot suk ne pare et. Nin kos sukos mazmur e, nin kos sukos gato nin un Yefun su si sukos gato Yefun Allah Gen ben nin mit it wa nin kos ne. Nin kos, ete nin mit at wa Yefun Allah dom et.

1 Petrus 3:15

Sarewo nin jammo Yesus Kristus su nin mit dik si nin onyar dik, nin jammo An tepsu nin bi Yekwesu gato gum kok wai o re. Nin fro nin nggwa ndek, sawe ye ndobot nin do, ”Suma ben anato nin kwabom kam mo Yesus Kristus ne?” Nin fro nin nggwa ndek su sukdu gato bere nin ki nai ye ne jam, nin fro sukdu ne nyim wé et.