Kolose 4:5 - Abun Scripture

⁵ Nin ben suk su ye gato yo onyar kem mo Yefun nde tó yo, nin nutbot suk gato nin ben ne sisu ndo et. Nin kamo su án sor nde, wo nin werwa nin ben suk su án subere án waii jammo Yefun et.

Kolose 4:5 ပူးပေါင်းရင်းမြစ်များ

Matius 10:16

”Nin jammo suk gato Ji ki ré et, Ji syogat nin mu, nin tepsu jot gan gato yo nggi nde mu mo ndar krok miten. Sane nin kem fra tepsu kwis bam, nin ben suk-i njep tepsu ndabu.

Markus 4:11

Sane Yefun Yesus ki nai án do, ”Sukdu gato Yefun Allah gurik suga nyim subot os ndo gato bere Yefun Allah fro wa yetu sok mo An bi rus-i ne, Yefun Allah tarubot Ji, subere Ji ki rer wa nin dakai jam kom mo mit. Sarewo ye gato yo sok mo Yefun Allah bi rus-i nde, Ji duno án su sukamno sor,

Roma 16:19

Yé mwa ne sino jam do, nin sa, nin bi nin nggwa wa nin benbot Yefun Allah bi sukduno-i re, yé mwa ne jam it. Sane ji mit at mo suk mwa gato nin ben ne. Ji iwa nin bi sukjimnut kak subot suk mwa gato ndo sor, wo ji bariwa nin bi sukjimnut kom mo suk gato ibit. Ndo sa, nin jam nde subot suk gato ibit ne re.

Kolose 3:16

Kristus bi sukduno-i gato ndo wai ne, nin nai ma nin grem pe mo nin mit si nin onyar et. Nin grem Kristus bi sukduno-i ne pe mo nin mit or wé ete nin duno yu e, nin ki suknapa wa yu e ne. Nin do ki Kristus bi sukduno-i nai yu yo, nin nutbot suk ne pare et. Nin kos sukos mazmur e, nin kos sukos gato nin un Yefun su si sukos gato Yefun Allah Gen ben nin mit it wa nin kos ne. Nin kos, ete nin mit at wa Yefun Allah dom et.

1 Tesalonika 4:12

Nin ben suk sane sor, subere nin yo git mo ye yi syim nde. Sane bere ye gato jam nde Yefun un nin gum mone o re.

1 Timotius 3:7

Sarewo ye gato men bes gum yekwesu mo nu ari ne, men me ye gato ben bi suk-i ndo anato yé mwa kas mo an gum ne, ete men bes ye ne et. Wo men bes ye gato gum ndo nde yo, bere ye ki ye ne gum ibit ket kwayo-kwayo. Sane bere biris bi yekwesu ku os wa ben sukye nai ye ne tepsu bus sip suge.

Yakobus 1:5

Nin yé gato jam suk yo ri nde tó, nin ndek mo Yefun Allah subere An kak nin bi sukjimnut et. Sane bere Yefun kak nin bi sukjimnut re. Yefun Allah yo nutbot sukibit gato men ben ne nde, wo An iwa An dakai ben sukndo su men sor, subere men jam suk.

Yakobus 3:13

Mo men ré, te je u anato jam suk mwa ne? Je u anato bi sukjimnut ko ne? Ye gato bi sukjimnut ko ete jam suk mwa mó it yo, an ben an bi suk-i ne ndo sor. An nutbot sukndo gato an ben ne sisu ndo, an bes an nggwa kok su nde. Sane bere ye jam do, sangge, an jam suk mwa re.

Yakobus 3:17

Sarewo ye gato Yefun Allah kak bi sukjimnut ko wa jam suk mwa ne bere ben bi suk-i sare do, kwa gato sye wai anato an ben an bi suk-i ndo petok sor, kwa gato ibit yo mo nde. Sane dom, an werwa subere an si ye yi kem ndo su yu sino, an ben an bi suk-i njep, an nutbot ye yi bi sukdu-i, an dakai jimnotku ye yi sye wai o re, an ben suk mwa ne ndo sino bor mone, an ben an bi suk-i su yé mwa ne tepsu yu, an ben suk tepsu suk gato an ki ne.

1 Petrus 3:1

Nin jammo Yefun Allah sor. Sane dom, nin, nggonkra nin waii jammo nin bi ya et, subere kapre nin bi ya deyo yo jambot Yefun Allah bi sukdu nde, bere an brek ma jammo Yefun Allah o re. Nin bi ya do me nin jammo án ete nin ben sukndo mone yo, bere án brek ma jammo Yefun re. Nin yo mitwa nin ki sukdu kwa dik yo dom nde,