Kolose 4:2 - Abun Scripture

² Nin ki suk su Yefun Allah petok sor. Nin ki suk su Yefun yo, nin mewa nin nggwa, nin ki suk su nin mit dik si nin onyar dik. Nin ki suk su Yefun yo, nin ki ndo mo Yefun Allah dom et.

Kolose 4:2 ပူးပေါင်းရင်းမြစ်များ

Matius 26:41

Nin mewa nin nggwa, nin ndekwa Yefun Allah mewa nin subere suk yo tik nin mit ete ben nin misyar Ji nde. Nin da bi sukjimnut dik wa nin jammo Ji, sarewo nin dakai yo nggiwa benbot nde.”

Markus 13:33

Sane nin frawa nin nggwa et! Nin jam nde kam gato Ji ma su ne re. Nin mewa sor!

Lukas 18:1

Orge Yefun Yesus gwat sukamno dik yo wa An duno An bi pakon, subere kamdik-kamdik pakon ne ki suk su Yefun petok sor, subere án bambraiwa ete misyar nde.

Lukas 21:36

Nin frawa nin nggwa pe et! Nin ki suk su Yefun Allah petok sor subere An ós nin titi fro wé kadit sukye gato bere ma ne. Nin ndek mo Yefun Allah dom subere su kam gato Ji, gato Yetu bi Pa ma ndobot nin yetu ne, nin yo damen mo suk gato nin ben ne nde.”

Suk Gato Yerasul Ben Ne 1:14

Án sino tepsu dik wa ki suk su Yefun petok sor. Nggon ge bok yo dom mone, sisu Maria gato Yefun Yesus bi im, sisu Yefun Yesus bi nji, án sino ki suk su Yefun petok sor.

Roma 12:12

Men kwabom kam mo Yefun Allah, ete men mit at mone. Men ku sukye yo, men misyar Yefun nde, wo men eswa sukye ne or kadit men. Men ki suk su Yefun Allah petok sor.

Efesus 6:18

Men jom suk e, men it suk bok ne, men ki suk su Yefun dom et. Men ki suk tepsu suk gato Yefun Allah Gen kadum nai men sor. Sane men fro men nggwa, men werwa men ki suk su Yefun petok sor, men misyar wokgan yo dom nde. Men ki suk su Yefun Allah wa ye gato onyar kem mo Yefun Yesus ne sino petok sor.

Filipi 4:6

Suk gato nin mitmo ne yo, nin nutbot teker nde, nin nutbot sor nin bi sukjimnut waiyu nde. Wo suk mwa gato nin yewa ne, nin ki napyo nai Yefun Allah jam et. Nin ndek mo Yefun Allah subere Yefun syo suk gato nin yewa ne nai nin, ete nin ki ndo mo An sor.

Kolose 1:9

Men jam sukdu mwa ré subot nin re, sane anato men ki suk su Yefun Allah wa nin petok sor. Men ndek mo Yefun Allah subere Yefun Allah Gen kak nin bi sukjimnut wa nin jammo suk mwa ne sino gato Yefun Allah iwa nin ben ne rer kom mo mit.

Kolose 2:7

Nin onyar kem pe mo An sato kwebrot marum kom krat mo bur ré ne et. Mo suk mwa gato nin ben ne, nin jammo An pe. Nin onyar kem mo An nggi o et, tepsu sukduno gato yé duno nin su ne. Nin ki ndo mo Yesus Kristus wam dik sor nde, wo nin ki ndo mo An petok sor.

Kolose 3:15

Kristus nai nin sok mo An bi rus-i subere nin kem ndo su yu. Sane mo suk mwa gato nin nai sukjimnut wa nin ben ne, sukjimnut ndo kadit Kristus ben nin bi sukjimnut not mo suk ne yo, nin ben sor, ete nin ki ndo mo An.

Kolose 3:17

Suk mwa ne sino gato nin ben e, nin kibot e ne yo, nin me mo suk gato men bi Yekwesu, Yefun Yesus dakai ben ne, orete nin waii ben nin bi suk-i tepsu An ben ne sor. Nin ki ndo mo men bi Ai, Yefun Allah, mo os ndo gato Yefun Yesus kadum nai nin ne et.

Kolose 4:12

Epafras ki ndo mo nin. An ré, nin dakai bi ye-i. An ré tepsu Yesus Kristus bi pakwerut. An ki suk su Yefun sisu an mit dik si an onyar dik sisu sangge wa nin petok sor. An ndek mo Yefun Allah wa nin subere nin bi sukjimnut kem pe mo Yefun, tepsu yenggras gato bi sukjimnut kak, subere nin bi sukjimnut brek wokgan kadit Yefun Allah dom nde, ete nin benbot suk mwa ne sino gato Yefun iwa ne.

1 Petrus 4:7

Karowa bur ré kru it, sane nin mewa nin nggwa, nin kem su nin fra, subere nin nggiwa nin ki suk su Yefun Allah sisu ndo et.