Kolose 4:17 - Abun Scripture

¹⁷ Nin ki nai Arkhipus do, ”Nan ben suk gato men bi Yekwesu, Yefun Yesus syogat nan ben ne kom mo pe gato or mó et.”

Kolose 4:17 ပူးပေါင်းရင်းမြစ်များ

Matius 25:17

Sane dom, pa gato ku det we waii ben suk su sugum ne, ete ku det we yo tó o.

Suk Gato Yerasul Ben Ne 1:17

Yudas gato Yefun Yesus bes gum yerasul ne, an si men ben suk sino.”

Suk Gato Yerasul Ben Ne 14:23

Mo kota bok ne sino gato an we mu mone, Paulus si Barnabas bes yekwesu mo nu ari wa mewa ye gato onyar kem mo Yefun Yesus mo kota bok ne. An we mewa nggwa kadit sugit yei, an we ki suk su Yefun sor. An we ki suk su Yefun do, ”Yefun Allah, yekwesu ré onyar kem mo Nan it. Nan mewa án, Nan ben án nggiwa án ben suk tepsu yekwesu wa mewa ye gato onyar kem mo Yefun Yesus.”

Suk Gato Yerasul Ben Ne 20:28

Nin mewa nin nggwa subere nin jom sukdu ne petok sor. Nin mewa yé gato onyar kem mo Yefun Yesus. Nin mewa yé gato Yefun Allah Gen bes nin gum yekwesu wa ne sor. Nin mewa yé gato gum sok mo Yefun Allah bi rus-i ne sisu ri-roi tepsu ye gato mewa suksi ne mewa bi suksi sisu ri-roi ne sor. Ye gato gum sok mo Yefun Allah bi rus-i, Yefun Yesus bi nggwa kwop wa, Yefun Yesus dé sye wa anato ye ne gum sok mo Yefun Allah bi nje-i, sane nin mewa sisu ndo sor.

Efesus 4:11

An anato syo suktinggi bok yo nai men yetu mo bur ré subere men nggiwa ós An bi rus-i sato ré: deyo An bes gum yerasul gato ben Yesus Kristus bi suk-i win An mo bur ré; deyo o An bes gum yenabi gato gwat Yefun bi suktaru ma; deyo o An bes wa mu ki sukdu subot Yesus Kristus; deyo o An bes gum yekwesu wa mewa An bi rus-i; deyo o An bes gum yeguru wa duno An bi rus-i.

1 Timotius 4:14

Suktinggi gato Yefun Allah Gen syo nai nan sugato yekwesu mo nu ari sum ete ak syim mo nan ne, ete yenabi ki sukdu kadit Yefun Allah mone, nan ben suk su suktinggi ne, nan misyar nde.

1 Timotius 4:16

Nan mewa nan nggwa kadit nan ben sukibit, wo nan ben suk gato ndo petok sor. Nan mewa nan nggwa kadit sukduno gato siri, wo nan jom sukduno gato sangge krat sor. Nan werwa ben suk gato ndo, nan werwa jom sukduno gato sangge petok sor, we nan ben sane it yo, bere nan kak os wa Yefun Allah nai nan si yé gato jammo nan bi sukdu-i ne sino wé kadit bot gesyos, ete nin sino kem ndo to kapyo mato kapyo.

1 Timotius 4:6

Nan duno nan bi nji, nan bi nyanggon, ye gato onyar kem mo Kristus ne su sukduno mwa gane yo, bere nan tepsu ye gato ben Yesus Kristus bi suk-i sisu ndo. Nan ben Kristus bi suk-i sisu ndo, nan sibot Yefun Allah bi sukdu gato men onyar kem mone kadit nan pa wokgan sor kom mo nan sye it anare, nan benbot sukduno gato ndo ne.

1 Timotius 6:20

Timotius, Yefun Allah bi sukduno mwa gato Yefun grem kem su nan wa nan duno nje su ne, nan mewa sisu ndo et, nan jamwa pe sor. Sane ye ki subot sukduno gato siri kadit Yefun Allah mit yo, nan si nje kibot sukdu sino mone nde. Sane dom, ye duwer nan mo Yefun bi sukduno-i it yo, nan si nje duwer yu mo sukduno ne nde. Sukduno ne, yé bok ne ki do, ”Sukjimnut kru,” anane, sarewo ye kidar kone. Nan si nje duwer yu mo sukduno ne nde,

2 Timotius 1:6

Sane, ji krom suknapa wa nan do, nan wergat nan nggwa, subere suktinggi gato Yefun Allah Gen syo nai nan tomgato ji ak ji syim mo nan, nan misyar nde, wo nan werwa suktinggi ne bor mo suk gato nan ben ne mwa o et,

2 Timotius 2:2

Sukdu gato nan jam tomgatu ji duno nan mo yé mwa gwem ne, nan waii duno ye gato jam duno ye yi sisu ndo, gato ben bi suk-i ri-roi et, subere án waii duno nje su sukduno ne o.

Filemon 1:2

Men ka we krom surat ré wa yé gato onyar kem mo Yefun Yesus gato sum mo Filemon, nan bi nu ne sino. Men ka we anato krom surat ré wa Apfia, men bi nyanggon. Men ka we krom surat ré wa Arkhipus, men bi yesyim gato si men sino werwa ben Yefun Allah bi suk-i.