Kolose 4:11 - Abun Scripture

¹¹ Yetu ge dik yo gato gum do Yesus, an gum yo o do Yustus, an ki ndo mo nin. Ye Yahudi ka gri ré sor ete si ji ben suk sino. An ka gri si ji mu kibot Yesus Kristus subere kar nje sok mo Yefun Allah bi rus-i. An ka gri ré sa, os ji su sangge.

Kolose 4:11 ပူးပေါင်းရင်းမြစ်များ

Suk Gato Yerasul Ben Ne 10:45

Ye Yahudi gato onyar kem mo Yefun Yesus gato si Petrus ma mone, án yeket, we án me Yefun Allah Gen bok nggwa mo yewis yi gato ye Yahudi nde.

Suk Gato Yerasul Ben Ne 11:2

Sane tomgato Petrus mu mo Yerusalem, ye Yahudi gato onyar kem mo Yefun Yesus ne duwer Petrus mo suk gato an ben ne.

Roma 16:3

Nin ki nai Priska si Akwila do, ji ki ndo mo an we. Ye we ne si ji ben suk sino wa Yesus Kristus.

Roma 4:12

Abraham dom, an tepsu ye gato kadum os wa yé mwa gato simo sunat. Abraham kadum os wa yé mwa gato simo sunat sor nde, wo an kadum os wa yé mwa gato onyar kem mo Yefun dom. Men bi amui Abraham yo simo sunat nde tó, an onyar kem mo Yefun suga nyim tuya re.

2 Korintus 6:1

Men anato ye gato ben Yefun Allah bi suk-i, sane men ki nai nin do, nin kamo su os ndo gato Yefun Allah dakai fro yi wa nin nde. Yefun Allah dakai fro os ne wa nin, nin yo ben suk yo nyim wa An nde, sane nin misyar os ndo ne nde, wo nin simo os ne sisu sangge sor.

Efesus 2:11

Sane ji bi nji, ji bi nyanggon, nin yé gato sok mo yewis yi ne, nin napawa suga nyim ye Yahudi ki nin gum ibit sare do, ”Nin, yewis yi gato ye bisunat nde, nin yo sok mo Yefun Allah bi rus-i nde.” Ye Yahudi ki nin gum ibit sane, orete ye Yahudi dakai bes án gum kok, án ki do, ”Men sa, yé bisunat men it, sane Yefun nai men gum sok mo An bi rus-i it.” (Sunat ré anato suk gato yetu dakai ben mo yetu kaim de nden ne sor re.)

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.

Kolose 4:7

Tikhikus, men bi nji gato men jimnotku, bere an ba ku nin ete an kibot suk mwa gato ji ben ne nai nin jam. An si men sino ben suk wa Kristus, an ben an bi suk-i ne ri-roi tepsu Kristus mit.

1 Tesalonika 3:2

ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

1 Tesalonika 3:7

Saneyo, men bi nji, men bi nyanggon, kapre men ku sukye mwa gato ben men kwabom dek bot suk mwa neya, su ré men mit ndo satu, we men jam do, nin onyar kem mo Yesus Kristus sor, nin yo brek kadit Yefun bi os-i nde.

Titus 1:10

Nan bes yekwesu gato jom sukduno gato sangge ne, we yé mwa bariwa jammo sukduno gato ndo. Yé mwa ki sukdaret gato yo ós nje nde, yé mwa ne ki bi sukdu-i kidar nje sor re. Yé gato ki bi sukdu-i sane mwa wai kadit ye yi anato ye gato simo ye Yahudi bi sukduno-i. Yé gane duwer men subere men simo sunat.

Filemon 1:1

Ji gato gum do Paulus, gato ye rai ete bok mo sel mo gato ji ben Yesus Kristus bi suk-i ne, ji si men bi nji, gato gum do Timotius, men ka we anato krom surat ré wa nan. Men ka we krom sukdu ré wa nan, Filemon, men bi yesyim gato men jimnotku, gato si men ka we ben Kristus bi suk-i sino.

Filemon 1:24

Sane dom, yé gato si ji ben suk sino gato gum do, Markus, Aristarkhus, Demas si Lukas ki ndo mo nan dom.