Kolose 3:9 - Abun Scripture

⁹ nin kidar yu o nde. Nin ben nin bi suk-i saga nyim ne o nde, we sukibit mwa ne nin bare wé it.

Kolose 3:9 ပူးပေါင်းရင်းမြစ်များ

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

Roma 6:6

Men jam do, men bi suk-i gato men ben suga nyim ne ben sato kwop si Yesus Kristus mo bi kwesukwin or wé kadit men re. Sane bere sukibit gato men ben nyim ne yo jom men o nde, men yo tepsu pakwerut wa ben sukibit ne o nde.

Efesus 4:22

Sane suk gato nin ben nyim neya, nin bare wé et. Su kam nyim nin sibot nin dakai bi sukjimnut daret. Sukjimnut ne gwat nin ges mo os ibit mo koirut, sane nin bare sukjimnut ne wé et.

Efesus 4:25

Sane yo, nin sino kidar yu o nde, wo nin ki nin bi sukdu-i ri-roi nai yu sor, we nin sino tepsu yedik mo Kristus bi rus-i it.

Kolose 3:8

Sarewo, su ré nin ben sukibit bok yo ó gato ji krom more ne o nde. Nin bare sukibit sato ré wé kadit nin dakai et: nin grem sukmaskwa nde, nin maskwa ete saiye su nde, nin iwa ben suk ibit nai ye yi nde, nin kiket ye yi nde, nin njak ye yi gum nde,

1 Timotius 1:10

yekra gato ben siri su nggon daret si nggonkra gato ben siri su ye daret e; yebris si yebris gato ben siri su yu e; nggon si nggon gato ben siri su yu e; ye gato but pakwerut ete so mo ye yi e; ye gato kidar suk e; ye gato ki do, án sa, bi sukdu-i sangge, ondewo án syeret os wa nje e; ye gato ben suk siri kadit Yefun Allah bi sukduno gato sangge e ne. Ye krom Yefun Allah bi sukduno ne wa yé mwa gato ben sukibit sane, subere án jammo sukduno ne et.

Wahyu 21:27

Sarewo yé gato ben bi suk-i siri kadit Yefun mit ne, bere yé ne yo sok mo kota ne nde, wam dik yo dom nde. Yé gato som sukdaret e, kidar suk e ne yo sok mo kota ne nde. Sarewo yé gato ye krom gum mo Domba Gan bi Buku Yegesyos sor anato sok mo kota ne.

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.