Kolose 3:5 - Abun Scripture

⁵ Bere nin si Kristus kem ndo sino, sane anato sukibit gato nin iwa nin ben mo bur ré, nin bare wé et. Nin bare sukibit gato jom nin ne wé sato ré: yebris si nggon ben siri su yu daret e, nin da bro wa ben sukdaret ket nin í e, nin da bro wa nggon bu e, nin bi sukjimnut nggiwa men nin sukibit bu e, nin gro sye wa nai suk mwa wa nin dakai sor e ne. (Nin gro sye wa nai suk mwa ne yo, tepsu nin onyar kem mo suk daret wai kadit Yefun Allah ne o re.)

Kolose 3:5 ပူးပေါင်းရင်းမြစ်များ

Matius 15:19

we sukibit gato ma kadit men mit si men onyar anato sukjimnut ibit gato ben men ben sukibit sato ré: men gu ye yi kwop e, men ben siri su nggon daret e, men syimsi suk e, men ndak nje su sukkidar e, men kiket yé yi e ne.

Roma 1:26

Men yetu ben sukibit ket men dakai í ne sor anato Yefun Allah misyar men da bro wa yu dakai daret. Yefun Allah misyar sane sor nggon deyo bariwa sem su yebris sagana ne o re, wo nggon ne dakai iwa ben siri su nggon yi neya daret sor.

Roma 1:29

Án ben bi suk-i ne ibit petok, án iwa ben sukdaret bu, án iwa ku suk mwa wa án dakai sor, án ben sukibit nai ye yi neya, án on sa ket ye yi mo suk mwa gato ye ne ku wai kadit án ne e, án iwa gu ye yi kwop e, án iwa ben sukndi e, án iwa kidar suk e, án mit iwa ben sukibit nai ye yi e, án iwa kiket ye yi e,

Roma 6:13

Men bi men gro e, men syim e, men gwes e ne wa benbot sukjimnut ibit ne o nde. Men bi men nggwa wa ben sukdaret o nde, wo men bi men nggwa sino mo Yefun Allah sor. Men anato tepsu ye gato Yefun Allah nai wé kadit os sukkwop wa kem ndo satu. Sane men bi men nggwa sino mo Yefun Allah sor. Men bi men nggwa sino wa men ben suk gato tepsu Yefun Allah mit sor.

Roma 6:6

Men jam do, men bi suk-i gato men ben suga nyim ne ben sato kwop si Yesus Kristus mo bi kwesukwin or wé kadit men re. Sane bere sukibit gato men ben nyim ne yo jom men o nde, men yo tepsu pakwerut wa ben sukibit ne o nde.

Roma 7:23

sarewo ji me mo ji dakai, sukjimnut gato bor mo suk gato ji gro e, ji syim e, ji gwes e ne ben ne tara re. Sukjimnut ibit ne ben sato duwer ji dakai bi sukjimnut-i. Sukjimnut ibit ne ben sato farket ji dakai anato ji tepsu pakwerut wa ben sukibit bu.

Roma 7:5

Suga nyim ne, sukjimnut gato tik men mit wa ben sukibit tepsu yetu mwa ne sino iwa ben ne jom men re. Sugane ye Yahudi bi sukduno-i ben sato tik men bi sukjimnut ibit mo men mit anato men ben sukibit mwa o re. Men bi men nggwa wa jammo sukjimnut ibit anato kom mo rut suk mwa gato men ben ne gwat os sukkwop wa men sor.

Roma 8:13

Men benbot suk gato Yefun Allah Gen kadum nai men ne sor, we men do benbot sukjimnut gato tik men mit wa ben sukibit ne yo, bere men kwop sor re. Sarewo men jammo Yefun Allah Gen sa, bere Yefun Allah Gen ben men nggiwa men kak sukibit gato men dakai ben ne wé kadit men re. Men do kak sukibit ne wé it yo, bere men kem sisu ndo it anane.

1 Korintus 5:1

Yé ma ki sukdu nai ji do, nin yé gato sok mo nu ari deyo ben suksiri su yu sato, pa ge dik yo ben siri su pa bi im gato kon su pa ne. Ye gato jam nde Yefun yo ben suksiri gato ibit teker sane nde.

1 Korintus 6:11

Suga nyim nin ge bok yo mone ben suk sane re, sarewo su ré, nin brek kadit os ibit gato nin ben suga nyim ne re. Yefun Allah nai nin sok mo An bi rus-i wa nin ben An bi suk-i sor. Men bi Yekwesu Yesus Kristus kak os wa nin subere Yefun Allah yo ben sukye nai nin tepsu sukibit gato nin ben ne nde, wo An ki do, nin sa, tep wa sok mo An bi rus-i. Yefun Allah gato jom men ne, An Gen ós nin onyar kem mo Yefun Yesus anato nin ku os wa sok mo Yefun Allah bi rus-i ne it.

1 Korintus 6:13

Yé deyo ki do, ”Yefun Allah ut sugit wa men git ngga mo men ondim. Sane dom Yefun ut men ondim fro ndek wa sugit.” Sarewo su kam sari ne ma Yefun Allah ben men ondim si sugit ne sino ibit or re. Sane dom Yefun fro yebris kaim wa nggon, ete nggon kaim wa yebris. Sarewo Yefun Allah yo ut men yebris si nggon kaim wa men ben siri su yu daret nde, wo An ut men kaim wa men ben men bi Yekwesu bi suk-i. Ete An mewa men kaim re.

1 Korintus 6:18

Sane men yebris si nggon mewa men nggwa kadit men ben siri su yu daret nde. Sukibit de yi neya men ben mo men kaim de nden sor re, wo sukibit gato men ben siri su yu daret ne ben men dakai kaim ibit re.

2 Korintus 12:21

Ji nokwa sawe, ji do ba ku nin yo, bere Yefun Allah ben ji damen mone. Ji nokwa sawe, ji do ba ku nin yo, bere ji wo subot nin yé mwa gato nyim ne ben sukibit, wo su ré, án yo kwet kadit sukibit ne mo nde tó, wo sukibit ne kas tó sato ré: án da bro wa án ben sukdaret ket án i e, yebris si nggon iwa ben siri su yu daret e, án ben suk siri dakai daret bu e ne sor.

Galatia 5:24

Ye gato sok mo Yesus Kristus bi nje-i it yo, ye ne bare sukjimnut gato tik an mit wa ben sukibit ne or wé kadit an re. Sukjimnut ne ben sato an mban mo kwesukwin, ete sukjimnut ne kwop or wé kadit an. An yo iwa ben suk ket an i o nde. Suk gato tik an mit wa an ben sukibit ne an bare wé re.

Efesus 4:19

Án jam nde án damen re, sane án ben sukdaret ket án i sor re. Án werwa án ben siri ket án i sor, án yo mewa án nggwa wokgan yo dom nde. Án da bro wa nggon petok sor, án mit iwa ben siri bu.

Kolose 2:11

Nin si Kristus tepsu dik it, sane tepsu ye bisunat nin it anane. Sunat gare yo tepsu sunat gato yetu ben mo yetu kaim ne nde, wo sunat ne ma kadit Kristus. Sunat gato ma kadit Kristus ben sato kum nin bi sukjimnut gato tik nin mit iwa nin ben sukibit bu ne toko wé re.

1 Tesalonika 4:3

Yefun Allah mit iwa nin ben nin bi suk-i sare do, nin ben Yefun bi suk-i tepsu Yefun mit petok sor, kwa gato ibit yo mo nde, nin mewa nin nggwa subere nin ben siri su yu nde, nin ben siri su yu wam dik yo dom nde.

1 Tesalonika 4:5

Nin da bro wa nggon tepsu ye gato jam nde Yefun da bro ne nde.

1 Timotius 6:10

we men bi sukjimnut sye kas subot sugum yo, bere men ben sukibit mwa bor mone. Yé bok yo werwa ku sugum mwa teker anato án misyar Yesus Kristus bi sukdu-i or re, ete án ku sukye mwa ndo nde. Án kem, án nderbot án nggwa ndo nde.

Ibrani 12:16

Nin mewa yu subere nin ge dik yo ben siri su nggon daret nde. Nin mewa yu subere nin deyo misyar Yefun bi suk-i sato Esau ben ne nde. Esau yo nutbot Yefun Allah nde anato Esau so sugit mbem dik su an bi sukrok gato bere an ku tepsu pa ketke ne.

Ibrani 13:4

Yetu ge we kra yu it yo, suk ne ndo wai, sane men sino mewa sukra sisu ndo sor. Yebris si bi nggon bi nggwa nai yu sor re. Yebris si bi nggon ne bi nggwa nai ye yi yo dom nde, we ye ben suk siri sane it yo, bere Yefun Allah syo sukye nai ye ne. Sane dom, bere Yefun Allah syo sukye nai yé mwa ne sino gato ben siri.

Ibrani 13:5

Men gro sye wa sugum nde, sawe bere men gum kwerut wa sugum or re. Suk sane yo ós men nde, wo sa ndo sa, suk gato men ku ne, men nut do, tep mone it, we Yefun Allah dakai sisu men petok sor, tepsu An ki do, ”Ji yo misyar nin nde, Ji yo mu kadit nin nde.”

Yakobus 4:1

Nin duwer yu ete nin ben sukndi su yu ne te, i-ke mo suk sato suma ne? Suk gato nin dakai mit iwa nin ben ne anato tik nin kadik-kadik mit ne anato nin ben sukndi su yu.

1 Petrus 2:11

Ji bi nji ji bi nyanggon gato ji jimnotku, nin tepsu yedamok gato muya-muma mo bur ré. Sane nin jammo suk gato ji krom ré et, nin ben suk ket nin í ne o nde. Suk gato nin ben ket nin i ben sato ben sukndi su nin bi sukjimnut gato ndo mo nin mit ne.

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.