Kolose 3:3 - Abun Scripture

³ we ben sato nin kwop kadit bur ré bi suk-i it. Ben sato nin si Kristus kem mo gu si Yefun Allah.

Kolose 3:3 ပူးပေါင်းရင်းမြစ်များ

Matius 11:25

Yefun Yesus ki sukdu ne or sa, An ki o do, ”Ji bi Ai, Nan anato Yekwesu mo gu nim ne si bur ré, Ji ki ndo mo Nan, we Nan gurik sukdu gato Ji ki ne bi sukjimnut-i kadit yepasye gato jam suk mwa, ete Nan kadum sukjimnut ne nai ye gato ben nggwa sato pa wokgan.

Yohanes 14:19

Yo nam nde ge, yetu mo bur ré yo ku Ji o nde. Sarewo nin sa, bere nin ku Ji mone tó, we bere Ji mbau kadit sukkwop o re. Sane bere nin kem gesyos dom.

Yohanes 3:16

Yefun Allah bi sukjimnut sye kas subot men yetu mo bur ré ndo nde anato An syo An bi Gan ge dik ne ma. An bi Gan ne ma wa kwop win men mo sukibit gato men ben ne, subere ye to onyar kem mo An bi Gan yo, bere ye ne yo ges mo bot gesyos nde, wo ye ne si Yefun Allah kem ndo to kapyo mato kapyo.

Yohanes 4:14

Wo ye gato da syur gato Ji syo ne yo, an yo sosa o nde to kapyo mato kapyo. Syur gato Ji syo nai an ne tepsu syur gro mo an mit. Syur gro ne syé ete ben an kem ndo, an kem ndo to kapyo mato kapyo.”

Yohanes 5:21

Ji bi Ai Yefun Allah anato sun yekwop mbau satu, ete ben ye ne kem ndo to kapyo mato kapyo. Sane dom, An bi Gan to Ji ré ben yetu gato An mit iwa ne kem gesyos.

Yohanes 5:24

Suk gato Ji ki ré suksangge anare, ye gato jammo Ji bi sukdu, orete an onyar kem mo Ji bi Ai gato syogat Ji ma mo bur ré it yo, ye ne kem gesyos it. Bere Ji yo syo sukye nai ye ne mo bot gesyos nde. Ye ne brek kadit os gato mu mo bot gesyos, ete an muket os gato mu mo pe gato an kem ndo to kapyo mato kapyo it.

Yohanes 5:40

Ji da kak os wa nin kem ndo to kapyo mato kapyo, sarewo nin bariwa nin jammo Ji.

Roma 5:10

Suga nyim men bariket Yefun Allah, sarewo Yefun Allah syo An bi Gan ma kwop kak os wa men si Yefun Allah kem ndo su yu. Sane su ré, Kristus mbau, ete men si Yefun Allah kem ndo su yu it, sane bere Kristus kak os wa men kem ndo mo Yefun Allah bi nat-i ne o re.

Roma 5:21

Sane anato tepsu sukibit gato men ben ne jom men anato men kwop mone, Yefun Allah bi sukjimnut sye kas subot men dakai yi dom, men yo ben suk yo wa An nyim nde, anato An fro os wa men subere An nai men wé kadit sukye. Orete An ki mo men do, men sa, tep wa men gum sok mo An bi rus-i it. Sane men kem gesyos mo os ndo gato men bi Yekwesu Yesus Kristus kak ne, sane anato men si Yefun Allah kem ndo to kapyo mato kapyo.

Roma 6:11

Sane men nutbot men dakai do, sukibit gato men ben nyim ne, or wé kadit men it. Ben sato men bi sukjimnut-i wa men ben sukibit kwop wé kadit men re. Sarewo su ré men kem wa men si Yesus Kristus sino ben Yefun Allah bi suk-i sor.

Roma 6:2

Sane nde re. Ben sato men tepsu ye gato kwop, sukibit yo jom men o nde. Sane men ben sukibit gat pe o wa suma ne?

Roma 8:2

we Yesus Kristus kak os ndo wa men anato Yefun Allah Gen nai men wé kadit sukjimnut ibit gato jom men. Yefun Allah Gen sombok men wé kadit ye Yahudi bi sukduno gato gwat sukkwop wa men re.

1 Korintus 15:45

Sane ye krom mo Yefun Allah bi sukdu do, ”Ye ketke gato gum do Adam, Yefun Allah ben an tepsu ye gato mbau mo bur ré,” wo ye gato men kendo do Adam doga wari ne, An tepsu ye gato ben men mbau sor to kapyo mato kapyo.

1 Korintus 2:14

Yé gato Yefun Allah Gen yo bok nggwa mo nde yo, yé ne yo ku os wa jammo sukdu gato Yefun Allah Gen kadum nai án nde. Ye gato sane jam nde ware, án nut do, men ki sukdu dakai daret kaii, we Yefun Allah Gen yo kem mo án mit nde.

2 Korintus 5:14

Kristus bi An nggwa wa men anato men wergat men nggwa wa ben Kristus bi suk-i ne pe sor. Kristus wadigan kwop win men yetu sino, men jam ware. Sane dom, ben sato men sino kwop su An, men bi men nggwa wa An it.

2 Korintus 5:7

Sane men kem mo bur ré tó, men ben men bi suk-i yo, men nai sukjimnut mo suk gato men me su men gro nde, wo men onyar kem mo Kristus, men nai sukjimnut mone, ete ben men bi suk-i tepsu An mit ne sor.

Galatia 2:20

Ben sato ji si Yesus Kristus kwop sino mo kwesukwin it. Sane ji dakai anato kem ré nde, wo Yesus Kristus anato kem mo ji mit. Ji onyar kem mo Yefun Allah bi Gan gato bi sukjimnut sye kas subot ji ete bi An nggwa kwop wa ji anato ji nggiwa ji kem mo bur ré re.

Efesus 3:9

Ji mu ji ki subot os ndo ne sor nde, wo Yefun Allah bes ji wa ji ki subot suk gato Yefun ben subere An bi os-i ne kas sisu ndo mo bur ré, ji kibot rer wa yé mwa jam. Suga nyim tuya, Yefun Allah, gato ut suk mwa mo bur ré, An gurik sukdu ne kadit men, wo su ré, os gato An fro wa men ne An kadum bor it, orete ji mu ki subot sukdu ne rer wa yé jam o re.

Filipi 4:7

Sane bere sukjimnut ndo kadit Yefun Allah ben nin bi sukjimnut not satu. Suk gato Yefun Allah ben su men yetu ne, men yo jam kom mo mit nde. Nin si Yesus Kristus tepsu dik it, sane bere sukjimnut ndo kadit Yefun mewa nin mit si nin onyar subere nin bi sukjimnut waiyu o nde.

Kolose 1:5

Nin jam sukdu subot os ndo gato Yesus Kristus kak ne, sukdu ne sangge, Yefun Allah fro suk gato ndo wa bere nin ku mo gu. Nin bi sukjimnut kem pe mo sukdu ne, sane anato nin onyar kem pe mo Kristus ete nin bi sukjimnut sye kas subot Yefun Allah bi rus-i ne.

Kolose 2:20

Kristus kwop sa, ben sato nin si An kwop sino. Sane ben sato nin kwop kadit suk gato nggiwa jom bur ré gato i-mok mone si bi sukdu-i ne it. Nin yo jambot sukdu ne o nde. Sane, suma ben anato nin werwa nin jammo sukdu sane tó ne? Sukduno gato ye ki do, ”Nin jom suk ré nde! Nin rim suk ne nde! Nin rot suk ne nde!” Nin jambot sukdu gato ye ki sato ré wa suma ne?

Kolose 2:3

Kristus anato kadum suk mwa gato Yefun Allah gurik suga nyim tuya ne, ete An ki bor wa men jam, subere kak men bi sukjimnut ko ete ós men jam suk mwa.

Kolose 3:4

Kristus anato kak os wa nin anato nin kem ndo. Sane An satu ma mo bur ré yo, bere Yefun Allah bes nin si An gum kok sino.

Ibrani 7:25

Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.

1 Petrus 3:4

Wo nggon gato kur mek sisu sangge anato nggon gato mbrau mom mit su suk sato ré, nggon ne kem not ete ben bi suk-i sisu njep sor. Nggon ben bi suk-i sane bere tepsu nggon ne kur mek mo an mit to kapyo mato kapyo anane. Yefun Allah nut do, nggon gato ben bi suk-i sane anato ndo wai,

1 Petrus 4:2

Sane nin kem mo bur ré yo, nin benbot suk gato Yefun Allah mit iwa ne kadit suk gato yetu iwa ne nde.

1 Yohanes 3:2

Ji bi nji ji bi nyanggon gato ji jimnotku, su ré men anato Yefun Allah bi pá-i it, sarewo suk gato bere bor mo men su kam sari ne ma, men jam ri nde tó. Su kam gato Yesus Kristus satu ma it yo, bere men kaim-i ne tepsu An kaim-i ne re.

Wahyu 2:17

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji syo sugit gato ye kendo gum do, ’manna’ ne napyo nai án git. Sugit ne yo bor wa yé mwa jam nde, wo tepsu suga nyim tuya Yefun syo manna nai ye Israel wa án kem mo bur ré, bere Ji syo manna nai yé gato nggi wai kadit bur ré bi suk-i subere yé ne nggiwa simo Yefun bi os-i pe sor. Sane dom, bere Ji syo jok kwo dik yo nai án. Mo jok ne ye krom gum be mó, wo yé gato ku jok ne sor ete jam gum gato ye krom mone.”