Kolose 3:25 - Abun Scripture

²⁵ Ye to ben sukibit, bere Yefun Allah ben sukye nai ye ne tepsu sukibit gato ye ne ben ne, we kapre ye ne gum pasye e, ye ne gum wok e, Yefun yo nutbot yetu gum nde re, An ben suk su ye gato gum pasye sor kom mo gum wok ne tepsu yu sino.

Kolose 3:25 ပူးပေါင်းရင်းမြစ်များ

Matius 16:27

We sare, Ji, gato Yetu bi Pa, bere Ji si Ji bi malaikat si Ji bi Ai bi suktinggi ne ma, ete syo suk gato ndo nai nje tepsu sukndo gato án ben ne.

Lukas 20:21

Sane yé bok ne gato meret os wa ben kidar Yefun Yesus, yé ne ma ete ki nai Yefun Yesus do, ”Yeguru, men jam do, suk mwa gato Nan duno men su ne ndo sino. Nan duno men yetu, yepasye si ye gato wok ne sino, Nan duno men su Yefun Allah bi sukdu-i ne rer sor. Nan duno yé mwa ne sino tepsu yu.

Suk Gato Yerasul Ben Ne 10:34

Sane Petrus ki do, ”Ré ne, ji jam it. Yefun Allah ben An bi suk-i su yewis mwa ne sino tepsu yu re. An yo bes yewis dik yo kok wai kadit yewis deyo dom nde.

Roma 2:11

we Yefun Allah ben suk su yewis mwa ne sino tepsu yu re.

2 Korintus 5:10

we su kam gato Kristus ma ne, bere An ndobot men yetu mwa ne sino. Mone yetu gedik-gedik ku suk tepsu suk gato án ben mo bur ré. Men yé gato ben sukndo, bere men ku suk gato ndo mone, wo yé gato ben sukibit, bere yé ne ku sukye mone.

Efesus 6:8

Nin ben sane, we nin jam do, kapre nin gum kwerut e, nin gum kwerut nde e ne, bere nin yé mwa ne sino ku sukndo kadit men bi Yekwesu Yesus Kristus mo sukndo gato nin ben ne.

Efesus 6:9

Nin yenggras gato bi pakwerut, nin ben sukndo su nin bi pakwerut ne tepsu pe gato Kristus imo ne dom et. Nin ki sukot su nin bi pakwerut ket kwayo-kwayo nde. Nin napawa do, nin si nin bi pakwerut ne sino bi Yekwesu ka dik mo gu sor. Men bi Yekwesu ne ben bi suk-i su men sino tepsu yu, An bes ge yo gum kok wai kadit ge yo nde, An ben suk su yepasye e, pakwerut e, ye yi e ne, tepsu yu sor.

Kolose 4:1

Yenggras gato bi pakwerut ne, nin ben nin bi suk-i ri-roi su pa ne et. Nin ben nin bi suk-i su pa mwa ne sino tepsu yu et, we nin jam do, nin dom tepsu pakwerut wa nin bi yenggras mo gu.

1 Tesalonika 4:6

Sane nin ben siri su nin bi nji mo Kristus bi rus-i ne bi nggon nde. Nin kidar yé ne dom nde. Tomga nyim men ki suknapa wa nin wam bok yo mó re, sare do, bere Yefun Allah syo sukye nai ye gato ben suk siri kadit sukduno ne.

2 Tesalonika 1:6

Yefun Allah syo sukye nai nje tepsu sukibit gato yé ben ne sor. Sane yé gato ben sukye nai nin ne, bere Yefun Allah waii ben sukye satu nai yé ne.

Filemon 1:18

Pa ben suk yo ibit mu nai nan, ete nan bi suktik yo kem mo pa ne it yo, bere ji win re.

Ibrani 2:2

Suktaru rok gato malaikat ki nai men bi amui {gato Musa krom ne}, suktaru rok ne sangge sor, men jam rer it. Sane ye gato yo simo Musa bi sukdu-i ne nde, ye gato yo benbot sukdu ne nde, án ku sukye mo suk gato án ben siri kadit suktaru rok gato malaikat ki ne, Yefun ben sukye nai án re.

1 Petrus 1:17

Nin ki suk su Yefun Allah yo, nin kendo An gum do, nin bi Ai. Bere Yefun ndobot nin si yé mwa ne sino tepsu yu re. Ye gato ben sukibit bere An syo sukye nai ye ne. Yefun yo ben An bi suk-i su ye gato gum sye si ye gato gum wok tara kadit yu nde, wo An ben suk su yé mwa ne tepsu yu sino. Sane nin kem mo bur ré tepsu yedamok yo, nin jammo Yefun Allah, nin bes An gum kok et.

Yudas 1:16

Yé gato ben sukibit ré, án iwa kibot suk gato ibit bu, án duwer yé yi daret, án ki suk gato ndo mo nde, án ki kom mo sukibit gato yé yi ben ne petok sor. Án ben sukibit ket án í sor. Án ki án bi sukdu-i, án dakai bes án nggwa kok. Án ki án bi sukdu-i, án bes ye yi gum kok subere meret os wa án ku suk kadit ye ne sor.