Kolose 3:19 - Abun Scripture

¹⁹ Yekra, nin bi sukjimnut sye kas subot nin bi nggon et. Nin ben nin bi suk-i ot su nin bi nggon nde.

Kolose 3:19 ပူးပေါင်းရင်းမြစ်များ

Lukas 14:26

”Ye to iwa simo Ji, sarewo ye ne bi sukjimnut sye mo bi ai si bi im wai kadit Ji it yo, Ji bariwa ye ne simo Ji tepsu Ji bi pakon re. Ye to bi sukjimnut sye mo bi nggon, si bi pa wai kadit Ji it yo, Ji bariwa ye ne simo Ji tepsu Ji bi pakon re. Ye to iwa simo Ji, sarewo ye ne bi sukjimnut sye mo bi nji si bi nyanggon it yo, Ji bariwa ye ne simo Ji tepsu Ji bi pakon re. Ye to jimnotku an nggwa wai kadit Ji it yo, Ji bariwa ye ne simo Ji tepsu Ji bi pakon re.

Roma 3:14

Án ki bi sukdu-i, án kabor nje, án syi suk mo nje petok sor.

Efesus 4:31

Nin grem sukmaskwa mo nin mit o nde. Nin on sa ket yé yi o nde. Nin maskwa ket yé yi o nde. Nin saiye ket ye yi nde. Nin ki ye yi gum ket kwayo-kwayo nde. Nin iwa nin ben sukibit wisyo-wisyo nai ye yi o nde, wokgan yo dom nde.

Efesus 5:25

Nin, yebris gato kra, nin bi sukjimnut sye kas subot nin bi nggon sor, tepsu Kristus bi sukjimnut sye kas subot men sino gato onyar kem mo An ne. Nin, yekra, nin bi nin nggwa wa nin bi nggon tepsu Kristus bi An nggwa wa men sino gato onyar kem mo An ne.

Efesus 5:33

Suk ne sor nde, wo sukdu ne bi sukjimnut wa nin yekra si nin bi nggon dom. Sane nin yekra ne sino bi sukjimnut sye kas subot nin bi nggon tepsu nin bi sukjimnut sye kas subot nin dakai et. Sane dom, nggon ne sino werwa jammo bi ya sor.

Kolose 3:21

Yenggras, nin du ot nai nin bi pa nde, sawe bere pa ne bi sukjimnut ibit mo koi rut o re.

Yakobus 3:14

Wo ye gato ki do an jam suk mwa, ete an on sa ket ye yi mo suk mwa gato ye ne ku wai kadit an, si an on sa ket ye yo gato gum yepasye, we an iwa an gum yepasye dom et, suk gato an ben ne siri kadit Yefun Allah bi sukduno gato sangge ne, sane an mit at mo suk mwa gato an jam ne nde.

1 Petrus 3:7

Sane dom, nin yebris gato kra ne, nin nutbot nin bi nggon sisu ndo et. Nin bi nggon yo ben bi suk-i nggi saga nin yebris nde. Sane nin nutbot suk gato nin ben su nin bi nggon sisu ndo et. Nin mewa nin bi nggon sisu ndo sor, we Yefun Allah dakai kak os wa nin si nin bi nggon ne sino sok mo An bi rus-i, ete nin sino kem ndo to kapyo mato kapyo. Nin mewa nin bi nggon ne sisu ndo et, subere nin do ki suk su Yefun Allah yo, nin ki suk sisu ndo sor, suk yo yawa suk gato nin ki su Yefun ne nde, wo bere Yefun iwa jam sukdu gato nin ki ne.