Kolose 3:18 - Abun Scripture

¹⁸ Nggon kra, nin jammo nin bi ya et, we nggon gato jammo Yesus Kristus bere ben bi suk-i sane et.

Kolose 3:18 ပူးပေါင်းရင်းမြစ်များ

Suk Gato Yerasul Ben Ne 5:29

Petrus si yerasul yi ne ki do, ”Men jammo yetu nde, wo men jammo Yefun Allah anato men ki sukdu subot Yefun Yesus.

1 Korintus 11:3

Sarewo ji iwa nin jam sukdu kwa dik yo sare do, men yebris ne sino bi Yekwesu mo Kristus; nggon bi yekwesu mo bi ya; ete Kristus bi Yekwesu mo Yefun Allah.

Efesus 5:22

Nggon kra, nin jammo nin bi ya tepsu nin jammo men bi Yekwesu Yesus Kristus et,

Efesus 5:3

Men sok mo Yefun Allah bi rus-i it, sane men mewa men nggwa kadit men ben siri su yu nde. Sane dom, men mewa men nggwa subere men da bro wa ben sukdaret su yu nde. Men gro sye wa men nai suk mwa wa men dakai nde. Men ben sukdaret yo, bere siri kadit Yefun Allah bi os-i. Sane men ben sukibit sane wokgan yo dom nde, subere ye yi ku os wa ki men gum ibit mone nde.

Efesus 5:9

Nin kem mo pe gato nden rer it yo, bere nin ben nin bi suk-i ne ndo bor wa nje me, tepsu kwe syesyar i-bo, bere nin ben suk sato ré: nin ben sukndo su nje, nin ben nin bi suk-i ndo tepsu Yefun Allah mit, nin ben nin bi suk-i ri-roi sor.

1 Timotius 2:12

Ji bariwa ye bes nggón gum kok wa duno yebris su Yefun Allah bi sukduno-i, we yebris yo jammo nggón nde, wo nggón kem not ete jammo sukdu gato yebris duno nggón su ne sor,