Kolose 3:17 - Abun Scripture

¹⁷ Suk mwa ne sino gato nin ben e, nin kibot e ne yo, nin me mo suk gato men bi Yekwesu, Yefun Yesus dakai ben ne, orete nin waii ben nin bi suk-i tepsu An ben ne sor. Nin ki ndo mo men bi Ai, Yefun Allah, mo os ndo gato Yefun Yesus kadum nai nin ne et.

Kolose 3:17 ပူးပေါင်းရင်းမြစ်များ

Matius 28:19

Sane nin mu mo yewis mwa ne sino mo bur ré iwedewe, ete nin duno nje subere yé ne tepsu Ji bi pakon, ete nin ras nje ne mo syur sisu men bi Ai, Yefun Allah gum, sisu Yefun Allah bi Gan gum sisu Yefun Allah Gen gum ne sino et.

Suk Gato Yerasul Ben Ne 19:17

Ye Yahudi si ye Yunani mwa ne sino mo kota Efesus jam yé nukbot sukdu ne sa, yé mwa ne nyu ndo nde. Yé mwa bes men bi Yekwesu Yefun Yesus gum kok, we yé jam do An sa, nggi wai o re.

Suk Gato Yerasul Ben Ne 4:30

Sane dom, Nan ben men nggiwa men ki Yefun Yesus gum mo ye gato i, subere ye ne ge. Nan ben men nggiwa men ki Yefun Yesus gum mo suk mwa neya subere kadum Nan bi suktinggi ne bor, subere yé mwa ne sino yeket ete nutbot ndo nde, sane sor yé jam do, suk ne ma kadit Yefun Yesus, Nan bi pakwerut gato Nan bes wa ben Nan bi suk-i.”

Roma 1:8

Ji ki suk su Yefun Allah sa, ketke, ji ki suk nai Yesus Kristus tepsu yemiten, subere Kristus waii ki ndo mo Yefun Allah, ji bi yenggras gato jom ji ne. Ji ki ndo mo Yefun Allah, we yé ki sukdu subot nin onyar kem mo Kristus ne frekbot yetu mo bur ré iwedewe jam o re.

1 Korintus 10:31

Sane ji bi sukdu-i sare, nin git sugit e, nin da syur e, suk mwa gato nin ben ne sino yo, nin ben wa nin bes Yefun Allah gum kok sor.

Efesus 1:17

Ji ndek mo men bi Yekwesu Yesus Kristus bi Ai, Yefun Allah gato kem kok ne, subere An Gen bok nggwa mo nin, subere nin bi sukjimnut kak ko, ete An Gen kadum Yefun Allah rer nai nin, subere nin jam An sisu ndo o et.

Efesus 5:20

Men bi Yekwesu mo Yesus Kristus, sane anato nin ki ndo mo nin bi Ai Yefun Allah mo suk mwa gato An ben mo bur ré petok sor.

Filipi 1:11

Ji ndek mo Yefun subere An ós nin subere suk mwa gato nin ben ne ndo sino tepsu Yefun Allah mit, sukibit yo mo nde, subere yé mwa un Yefun Allah ete bes An gum kok mo suk gato nin ben ne.

Filipi 2:11

Sane bere men yetu mwa ne sino ki rer do, sangge, Yesus Kristus anato tepsu men bi Yekwesu gato jom men. Sane bere men bes men bi Ai, Yefun Allah, gum kok mone re.

Kolose 1:12

nin ki ndo mo men bi Ai, Yefun Allah gato nai men gum wa men sok mo An bi rus-i it. Sane bere men ku suk gato An fro wa men yé gato onyar kem mo Yefun Yesus mo pe gato An jowa men mone. Bere men si An sino kem mo pe gato rer.

Kolose 2:7

Nin onyar kem pe mo An sato kwebrot marum kom krat mo bur ré ne et. Mo suk mwa gato nin ben ne, nin jammo An pe. Nin onyar kem mo An nggi o et, tepsu sukduno gato yé duno nin su ne. Nin ki ndo mo Yesus Kristus wam dik sor nde, wo nin ki ndo mo An petok sor.

Kolose 3:15

Kristus nai nin sok mo An bi rus-i subere nin kem ndo su yu. Sane mo suk mwa gato nin nai sukjimnut wa nin ben ne, sukjimnut ndo kadit Kristus ben nin bi sukjimnut not mo suk ne yo, nin ben sor, ete nin ki ndo mo An.

Kolose 3:23

Suk gato nin bi yenggras ki ne, dogato sye kom mo wok, nin ben sor, nin ben su nin mit dik si nin onyar dik et. Suk mwa gato nin ben ne, nin nut do, nin yo ben suk wa yenggras mo bur ré nde, wo nin ben suk ne wa nin bi Yekwesu mo gu sor,

1 Tesalonika 1:1

Men ka gri gato gum do, Paulus, Silas si Timotius anato krom surat ré wa nin. Men ka gri krom sukdu ré wa nin yé gato onyar kem mo men bi Yekwesu Yesus Kristus, nin yé gato sok mo men bi Ai, Yefun Allah bi rus-i mo kota Tesalonika. Men bi Ai, Yefun Allah si men bi Yekwesu Yesus Kristus ete mewa nin. Yefun Allah si Yesus Kristus ete uttok nin petok sor.

1 Tesalonika 5:18

Mo suk mwa ne sino gato nin ku ne, nin ki ndo mo Yefun Allah, we Yefun iwa men yé gato onyar kem mo Yesus Kristus ne ki ndo mo An petok sor.

2 Tesalonika 2:17

Mo sukndo mwa gato nin ben si nin ki ne sino, Yefun Allah si Yesus Kristus ete ben nin nggi. Yefun Allah si Yesus Kristus ete ben nin mit iwa nin ben An bi suk-i mo suk mwa ne sor.

Ibrani 1:5

we, Yefun Allah ki sukdu ré nai malaikat dik yo dom nde, wo An ki nai An bi Gan sor re, sare do, ”Nan anato Ji bi Gan. Su kam ré it, Ji anato tepsu Nan bi Ai it.” Sane dom, Yefun Allah ki sukdu ré subot malaikat dik yo mo nde, wo An ki subot An bi Gan sor re, sare do, ”Ji anato Pa ne bi Ai, Pa ne anato tepsu Ji bi Pa-i,” Yefun Allah yo ki sukdu kwa we ne subot malaikat yo mo nde.

Ibrani 13:15

Yefun Yesus kak os wa men sane it yo, men un Yefun Allah mone petok sor. Tepsu suga nyim ne, ye gwat suge ma wa som Yefun Allah su ne, su ré men bes Yefun Allah gum kok, men un Yefun gum su sukdu gato men ki nai An ne sor. Sane su ré men yo gwat suge ma wa men som Yefun Allah su o nde, wo men ki sukdu gato ndo wa som An su ne sor.

1 Petrus 2:5

Nin dom, nin tepsu jok mwa gato mbau. Ben sato yé nggo Yefun Allah bi nu su nin. Sane nin tepsu yesu gato ben Yefun Allah bi suk-i mo An bi nu ne. Yesus Kristus kak os wa nin subere nin syo suksom gato tepsu Yefun Allah mit mo nu ne.

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.

1 Petrus 4:11

Ye gato ku suktinggi wa ki subot Yefun bi suktaru it yo, ye ne nutbot suktaru ne do, suktaru ne ma kadit Yefun Allah dakai, orete án ki suktaru ne sisu suktinggi ne sor. Ye gato ós ye yi yo, án ós ye yi su suktinggi ne et. Nin ben suk sane subere yé bes Yefun Allah gum kok mo suk mwa gato nin ben tepsu Yesus Kristus bi yetuge-i ne. Yefun Allah sa, bi suktinggi nggi wai o re. Yefun anato gum kok wai su ré sor to kapyo mato kapyo. Sangge.

1 Yohanes 2:23

Ye gato bariket Yefun Allah bi Gan, bere ye ne si Yefun Allah yo tepsu dik nde. Sarewo ye to ki do, an onyar kem mo Yefun Allah bi Gan yo, bere ye ne si Yefun Allah tepsu dik dom.

1 Yohanes 3:18

Ji bi pa, men ki su men syokwet do, men bi sukjimnut sye kas subot ye yi sane sor nde, wo men bi sukjimnut kas subot ye yi sisu sangge et, sane bere men ben suk yo bor mone.