Kolose 3:1 - Abun Scripture

¹ Yefun Allah sun Kristus kadit sukkwop, sane dom, ben sato nin si Kristus sun mone sino. Sane nin bi sukjimnut sye mo suk gato ndo mo gu nim ne sor. Mone Kristus kem tak Yefun Allah de syim ge. An si Yefun Allah jom suk mwa ne sino.

Kolose 3:1 ပူးပေါင်းရင်းမြစ်များ

Matius 22:44

’Yefun Allah, Ye gato gesyos ki nai ji bi Yekwesu do, Nan kem tak Ji de syim ge. Nan si Ji tepsu Yekwesu sino mone sane sor Ji syo yeko gato iwa gu Nan mo Nan syim, subere án jammo Nan et.’

Matius 26:64

Yefun Yesus ki do, ”Sangge, suk gato nan ki ne sangge. Sane sor nde, wo Ji ki nai nin sare do, bere nin me Yetu bi Pa to Ji ré kem tak Yefun Allah gato nggi wai ne de syim ge, ete bere Ji satu is ma mo bur ré su nyotem kadit gu.”

Matius 6:20

Sane nin sum suk mwa mo bur ré nde, wo nin sum suk mwa mo gu, we mo gu nim ne kundun yo ku os wa ben suk ne ibit nde. Sane dom ye yo ku os wa sok mo gu, ete gitsi nin bi suk dom nde.

Matius 6:33

Sane, nin bi sukjimnut sye mo suk mwa ne nde, wo nin werwa subere nin bi sukjimnut sye wa nin jammo Yefun Allah tepsu nin bi Yekwesu, ete nin ben sukndo tepsu Yefun mit sor. Sane bere Yefun syo suk mwa gato nin mitmo ne nai nin dom re.

Markus 12:36

Suga nyim tuya, Yefun Allah Gen pet mo Daud, ete Daud dakai ki do, ’Yefun Allah Ye gato gesyos ki nai ji bi Yekwesu do, Nan kem tak Ji de syim ge. Nan si Ji tepsu Yekwesu sino mone sane sor Ji syo yeko gato iwa gu Nan mo Nan syim, subere án jammo Nan et.’

Markus 14:62

Yefun Yesus ki nai án do, ”Ji ana gane it! Bere nin me Yetu bi Pa to Ji ré kem tak Yefun Allah gato nggi wai ne de syim ge, ete bere Ji satu is ma mo bur ré su nyotem kadit gu.”

Markus 16:19

Yefun Yesus ki An bi sukdu nai An bi pakon, or Yefun Yesus it mu mo gu, ete Yefun Yesus kem tak Yefun Allah de syim ge subere Yefun Yesus si Yefun Allah, An we jowa suk mwa ne sino.

Lukas 12:33

Sane nin mu nin so nin bi suk mwa gato nin ku ne, orete sugum gato nin ku mone nin syo nai ye gato yo ku suk yo mo nde, sane bere nin ku suk mwa mo gu. Nin do ben sane, bere tepsu nin grem nin bi suk mwa ne mo gu, tepsu nin bok mbre mo sun bafar gato kem to kapyo. Nin ku suk mwa mo gu ne, suk mwa ne kem pe, yo or nde. Sane dom ye yo ku os wa sok mo gu ete gitsi nin bi suk nde. Kundun yo ku os wa ben suk ne ibit dom nde.

Lukas 20:42

We Daud dakai krom mo buku Mazmur do, ’Yefun Allah Ye gato gesyos ki nai ji bi Yekwesu do, Nan kem tak Ji de syim ge.

Lukas 22:69

Wo kadit kam ré bere Ji, gato Yetu bi Pa kem tak Yefun Allah gato nggi wai ne de syim ge.”

Suk Gato Yerasul Ben Ne 2:34

wo Daud yo it su kaim mu mo gu nde. Daud ki subot Yefun Yesus sare do, ’Yefun Allah gato gesyos ki nai Ji bi Yekwesu do,

Suk Gato Yerasul Ben Ne 7:55

Sarewo Yefun Allah Gen bok nggwa mo Stefanus, orete Stefanus sok mu nim mo gu. Stefanus me Yefun Allah gato gum kok sye wai o re, an me Yefun Yesus ti tak Yefun Allah de syim ge, Yefun Yesus bi suktinggi tepsu Yefun Allah sino mone.

Roma 8:34

Ye yo ku os wa ki men gum ibit ne mó e? Yo mo nde, we Yesus Kristus gato kwop wa men ete mbau satu o, Yesus Kristus ne kem tak Yefun Allah de syim ge, anato Kristus gwa yawa men gum mo sukdu gato ye kiket men daret re.

Roma 8:6

Men bi sukjimnut-i kem pe mo sukjimnut ibit ne yo, bere gwat sukkwop wa men. Sarewo men bi sukjimnut-i ne kem pe mo Yefun Allah Gen ne yo, bere Yefun Allah Gen jom men, sane men kem not, ete men si Yefun Allah kem ndo su yu.

2 Korintus 4:18

Sane men bi sukjimnut sye mo sukye gato men ku mo bur ré nde, wo men bi sukjimnut sye mo suk gato bere men ku mo gu, gato men yo me su men gro nde tó, we suk gato men me su men gro ne, bergan sor eteyo or wé kadit men o re, wo suk gato men yo me su men gro nde tó, bere kem to kapyo mato kapyo.

Efesus 4:10

Yesus Kristus dakai anato is kom mo bur ré desnak re, ete An waii it satu o. An it sane sor kom mo pe gato kok wai o re. Sane mo bur ré si gu nim ne, mo pe mwa ne sino, An kom mo pe mwa ne or re.

Efesus 5:22

Nggon kra, nin jammo nin bi ya tepsu nin jammo men bi Yekwesu Yesus Kristus et,

Kolose 2:20

Kristus kwop sa, ben sato nin si An kwop sino. Sane ben sato nin kwop kadit suk gato nggiwa jom bur ré gato i-mok mone si bi sukdu-i ne it. Nin yo jambot sukdu ne o nde. Sane, suma ben anato nin werwa nin jammo sukdu sane tó ne? Sukduno gato ye ki do, ”Nin jom suk ré nde! Nin rim suk ne nde! Nin rot suk ne nde!” Nin jambot sukdu gato ye ki sato ré wa suma ne?

Kolose 3:2

Nin bi sukjimnut kem pe mo Yefun bi suk-i mo gu nim ne sor, nin bi sukjimnut kem mo bur ré bi suk-i o nde,

Ibrani 1:13

Yefun Allah yo ki sukdu tepsu sukdu ré nai malaikat ge dik yo dom nde, wo Yefun ki sukdu ré nai An bi Gan sor re, sare do, ”Nan kem tak Ji de syim ge, Nan si Ji tepsu Yekwesu sino mone sane sor Ji syo yeko gato iwa gu Nan mo Nan syim, subere án jammo Nan et.”

Ibrani 1:3

Yefun Allah dakai ben sato An rer-rik wai o re tepsu kam, ete An bi Gan ne ben sato An rer-rik wai o re dom tepsu kam yor gato gat men. Yefun Yesus gwat Yefun Allah bi rer ne ma wa men jam. Sane An bi Gan ré anato tepsu Yefun Allah dakai ne it, tara kadit Yefun Allah wokgan yo dom nde. An bi Gan ki bi sukdu-i gato nggi wai subere An bi Gan mewa suk mwa mo bur ré si gu nim ne sino subere suk mwa ne kas sisu ndo sor. An bi Gan kak os wa men yetu subere Yefun Allah yo nutbot sukibit gato men ben ne o nde, ete Yefun Allah nai men gum sok mo An bi rus-i. Orete An bi Gan ne kem tak An de syim ge mo gu, mone An bi Gan si Yefun Allah gato sye wai o re, jom suk mwa ne sino.

Ibrani 10:12

Suge bok neya dé gato sye yo ós men nde, wo Kristus dakai bi nggwa kwop tepsu suktot wa men sa, tep mó re, sane bere Yefun Allah yo maskwa men o nde, An yo nutbot sukibit gato men ben ne o nde. Kristus bi nggwa ne wam dik sor re, tep wa kapyo mato kapyo. Kristus bi nggwa kwop or wé, ete An kem tak Yefun Allah de syim ge, An si Yefun Allah jom suk mwa neya mo gu ne it.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Ibrani 8:1

Sukdu subot men bi Yekwesu gato men ki ne, i-ke mó, sare do, men bi Yekwesu gato gum kok wai ne mó re. An kem tak Yefun Allah de syim ge mo gu, An si Yefun Allah gato sye wai mo gu ne jom suk mwa neya sino re.

1 Petrus 3:22

Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.