Kolose 2:4 - Abun Scripture

⁴ Ji ki ji bi sukdu-i ré nai nin jam nyim subere ye yi do ma ki bi sukdu-i meret os wa ben kidar nin yo, nin jambot nde. Kapre án ki suk su án syokwet ndo, nin jambot dom nde.

Kolose 2:4 ပူးပေါင်းရင်းမြစ်များ

Matius 24:24

Ye gato ben kidar do, an dakai anato Kristus gato Yefun Allah syogat ma mo bur ré wa nai men yetu kadit sukye ete jowa men ne bere mó. Sane dom yenabi gato ma wa kidar nin bere mó. Yé bok ne bere kadum bi suktinggi, ete ben suk gato ben nje yeket ndo nde. Yé bok ne ben bi suk-i, bergan án ben kidar nje gato Yefun fro suga nyim wa Yefun nai sok mo Yefun bi rus-i, sarewo án yo ku os mone nde.

Matius 24:4

Yefun Yesus ki do, ”Nin mewa nin nggwa sawe yé yo ma kidar nin.

Markus 13:22

Ye gato ben kidar do, an dakai anato Kristus gato Yefun Allah syogat ma mo bur ré wa nai men yetu kadit sukye ete jowa men ne bere mó. Sane dom yenabi gato ma wa kidar nin bere mó. Yé bok ne bere kadum bi suktinggi gato ben yé yeket ndo nde. Yé bok ne ben bi suk-i, bergan án ben kidar nje gato Yefun Allah fro suga nyim wa Yefun nai sok mo Yefun bi rus-i, sarewo bere yé bok ne yo ku os mone nde.

Suk Gato Yerasul Ben Ne 20:30

Sane sor nde, wo kadit nin miten, bere yé bok yo bes án nggwa kok, ete ki Yefun Allah bi sukdu brek kadit sukdu gato sangge, subere án ben kidar ye gato onyar kem mo Yefun Yesus, subere ye ne misyar Yefun Yesus ete simo án.

1 Korintus 2:4

Ji ki sukdu subot Yesus Kristus nai nin sa, ji duno nin, ji yo wergat nin tepsu ye gato jam suk mwa ne duno nje nde, wo ji ki ji bi sukdu-i ndaf yi sor, ji yo ki su kwa gato kru nde. Ji ki ji bi sukdu-i, ete nin me Yefun Allah Gen bi suktinggi ne bor mone, we sukdu ne pet mo nin mit re.

2 Korintus 11:3

Sarewo ji nokwa sawe yé bok yo ma su bi sukdu-i, ete brek nin bi sukjimnut mu nden wé kadit Kristus o re, tepsu suga nyim tuya kwis ne meret os wa ben kidar Hawa, ete nggon ne brek kadit Yefun Allah bi os-i o re.

Galatia 2:4

Sarewo ye deyo werwa ye bi sunat Titus. Yé ne ben kidar do, án si men ye gato onyar kem mo Kristus tepsu dik sino, sarewo án mit-i tara kadit men mit-i re. Án syeret os wa jam suk gato men ben ne kom mo mit. Men yo jambot sukduno gato rok ne o nde, we men sok mo Yesus Kristus bi rus-i. Sane án syeret os wa jam suk gato ben anato men yo jambot sukduno gato rok ne o nde. Yé ne iwa meret os subere tik men sino brek satu ma tepsu pakwerut wa sukduno rok ne o re.

Efesus 4:14

Sane bere men bi sukjimnut tepsu pa wokgan o nde. Yé gato werwa ben kidar men su bi sukduno gato siri, án syeret os wa men, sarewo bere yé ne yo ku os wa tik men muya-muma saga sem bak si nofuf gwat kwem muya-muma ne o nde.

Efesus 4:17

Sane nin jammo sukdu gato ji ki ré et, ji dakai bi sukdu-i anare nde, wo men bi Yekwesu Yefun Yesus anato syogat ji krom sukdu ré wa nin benbot et. Nin ben suk tepsu yé gato jam nde Yefun o nde. Yé gato jam nde Yefun bi sukjimnut yo kom mo pe yo nde.

Efesus 5:6

Ye yi do ma werwa kidar nin subere nin misyar sukdu gato ji ki ré subot Yefun bi sukdu-i ne yo, nin jambot nde, we ye gato ben bi suk-i siri kadit Yefun Allah bi sukdu-i ne, bere an ku sukmaskwa kadit Yefun Allah.

Kolose 2:18

Ye gato ma ki do, malaikat gato an som ne kadum suk bok yo rer wa an me re, ete an kidar do, an yo bes an nggwa kok mo suk ne nde, sane yo, nin jambot ye ne bi sukdu-i nde, we sukdu ne gwat nin ko kadit sukndo gato bere Yefun Allah syo nai nin ne. Ye gato ki bi sukdu-i sane jam nde Yefun. An dakai bes an nggwa kok mo suk mwa gato an me ne, sarewo sukkidar sye yo ko ré. An ki subot malaikat bi sukdu-i sane sor kom mo mit kai,

Kolose 2:8

Nin mewa nggwa sisu ndo et, sawe ye deyo ma wergat nin subere nin jambot yetu bi sukdu-i gato bere yo ós nin nde. Yetu bi sukdu-i ne bere ben kidar nin ete gwat nin mu ges mo os ibit o re. Yetu bi sukdu-i ne yo ma kadit Kristus nde, wo sukdu ne ma kadit yenggras bi sukdu-i si suk gato nggiwa jom bur ré gato i-mok mone bi sukdu-i. Yé ne yo duno nin subot Kristus nde.

2 Timotius 2:16

Ye ki subot sukduno gato siri kadit Yefun Allah mit yo, nan si nje kibot sukdu sane nde. Yé gato iwa nukbot sukdu sane yo, bere án ben bi suk-i ibit mwa wai kadit nyim ne o re.

2 Timotius 3:13

Sarewo yé gato ben sukibit bere ben bi suk-i ibit wai kadit nyim ne o re. Sane dom yé gato kidar nje ket kwayo-kwayo, bere kidar nje mwa wai kadit nyim ne o re. Án kidar ye yi neya, or o ye yi waii kidar án dakai dom.

1 Yohanes 2:18

Ji bi pá, karowa bur ré kru it. Ye ki sukdu ré nai nin jam suga nyim sare do, karowa bur ré kru yo, yekwesu mo yeko wa Kristus ma. Ré ne biris bi yekwesu bi yeko wa Kristus ne deyo ma mó re. Sane men jam do, karowa bur ré kru it.

1 Yohanes 2:26

Ji krom sukdu ré wa nin subot ye gato werwa ben kidar nin brek kadit os gato ndo ete simo os ibit.

1 Yohanes 4:1

Ji bi nji ji bi nyanggon gato ji jimnotku, yé mwa ki do, Yefun Allah Gen bok nggwa mo án, sane sukdu gato án ki ne ma kadit Yefun Gen. Sarewo nin jammo án bi sukdu-i kekro nde, nin watbot sukdu ne kom-kem et, subere nin jam do, án ku án bi sukdu-i kadit Yefun Allah Gen bado, án ku án bi sukdu-i kadit suk yi neya e? Sane nin watbot sisu ndo et, we su ré yenabi mwa gato kidar suk mu ki bi sukdu-i bot peyo-peyo mó re.

2 Yohanes 1:7

Yé mwa gato kidar suk frekbot bur ré iwedewe mó re. Ye gane ki bi sukdu-i sare do, ”Yesus Kristus ma mo bur ré yo, An yo ma su kaim tepsu yetu nde.” Ye gato ki sukdu sane, an kidar, an ki bi sukdu-i tepsu yekwesu mo yeko wa Kristus.

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Wahyu 13:8

Yetu mwa ne sino gato kem mo bur ré bere bes suge ne gum kok, wo yetu bok gato Yefun Allah krom gum mo Domba Gan gato ye gu kwop wé ne bi Buku Yegesyos suga nyim tuya Yefun ut bur ré nde tó, bere yé bok ne yo bes suge krok ne gum kok nde.

Wahyu 20:3

Malaikat rai naga ne pe ete am mo kwoye sye mo bur desnak. Orete an domwa kwoye sye mo bur desnak ne syo krat wari wa naga ne. An ben syik mone subere ye yo ma kak o nde, subere naga yo ku os wa ben kidar nje mo bur ré iwedewe o nde, sane sor tahun ribu dik or. Tahun ribu dik or wé, ete ye kak kwoye sye mo bur desnak ne syo wa naga syesyar wikgan.

Wahyu 20:8

Biris bi yekwesu bere mubot bur mwa ne sino ete ben kidar nje mo bur ré iwedewe. Biris bi yekwesu ben kidar yewis deyo gato gum do Gog si yewis deyo o gato gum do Magog. Biris bi yekwesu ben kidar yewis mwa ne sino subere án sino sum wa gu Yefun bi rus-i mone. Yetu ne mwa wai o re. Yetu ne mwa tepsu yen mo sem de.