Kolose 2:3 - Abun Scripture

³ Kristus anato kadum suk mwa gato Yefun Allah gurik suga nyim tuya ne, ete An ki bor wa men jam, subere kak men bi sukjimnut ko ete ós men jam suk mwa.

Kolose 2:3 ပူးပေါင်းရင်းမြစ်များ

Matius 10:26

”Sane nin nyuwa yetu nde. Yefun Allah jam suk mwa ne sino, sane suk gato yé gurik su ré, ri ma bere bor wa yé mwa jam. Suk gato ye dumik wa yu waré, bere yé mwa jam or re.

Lukas 11:49

Yefun Allah jam suk mwa ne sino, sane anato An ki do, ’Bere Ji syogat yenabi deyo si yerasul deyo gwat Ji bi suktaru ma, wo bere yé gu deyo kwop, deyo o yé ben sukye nai.’

Roma 11:33

Yefun Allah jam suk mwa wai o re, men yetu yo karowa dom nde. Yefun Allah bi sukjimnut-i ne ko wai o re, men yetu bi sukjimnut-i yo kom mone nde. Suk gato Yefun Allah ki do, kwop mone it, je u anato nggiwa duwer Yefun mo ne? Yefun Allah fro suk mwa ne, je u anato nggiwa jam kom mo ne?

1 Korintus 1:24

Sarewo ye Yahudi si yewis yi gato Yefun Allah nai sok mo An bi rus-i jam sukdu subot Kristus gato Yefun Allah bi ma kwop mo kwesukwin anato án sino jam mone do, Yefun Allah sa, bi sukjimnut ne ko, Yefun Allah sa, bi suktinggi ne nggi wai o re.

1 Korintus 1:30

Yefun Allah dakai fro os wa men si Yesus Kristus tepsu dik. Yesus Kristus ne kak men bi sukjimnut. Yesus Kristus ne kak os wa men sok mo Yefun Allah bi rus-i. Yesus Kristus kak os wa men ben Yefun Allah bi suk-i sor. Yesus Kristus tot suktot wa men mo sukibit gato men ben ne wé. Men dakai yo ben suk gato ben to Yefun Allah nai men gum sok mo An bi rus-i nde.

Efesus 1:8

Yefun Allah ben sukndo mwa yé su men dakai yi. Yefun jam suk mwa kom mo mit, Yefun bi sukjimnut ne ko dom, sane anato An ben suk mwa ne ndo sino su men dakai yi.

Kolose 1:19

Yefun Allah dakai mit iwa suk mwa gato An ki ne, si, suk mwa gato An ben ne sino, An bi Gan waii ki ete ben sane petok dom.

Kolose 1:28

Sane men kibot Yesus Kristus nai yé mwa ne sino jam. Men ki suknapa wa nje e, men duno nje e, men ki men bi sukdu-i ne, men nutbot sisu ndo, orete men kibot. Men ki men bi sukdu-i sane subere men kar yetu kadik-kadik ma mo Yefun Allah tepsu ye gato onyar kem pe mo Kristus, subere án sino tepsu yenggras gato bi sukjimnut kak mo Kristus bi suk-i.

Kolose 1:9

Men jam sukdu mwa ré subot nin re, sane anato men ki suk su Yefun Allah wa nin petok sor. Men ndek mo Yefun Allah subere Yefun Allah Gen kak nin bi sukjimnut wa nin jammo suk mwa ne sino gato Yefun Allah iwa nin ben ne rer kom mo mit.

Kolose 3:16

Kristus bi sukduno-i gato ndo wai ne, nin nai ma nin grem pe mo nin mit si nin onyar et. Nin grem Kristus bi sukduno-i ne pe mo nin mit or wé ete nin duno yu e, nin ki suknapa wa yu e ne. Nin do ki Kristus bi sukduno-i nai yu yo, nin nutbot suk ne pare et. Nin kos sukos mazmur e, nin kos sukos gato nin un Yefun su si sukos gato Yefun Allah Gen ben nin mit it wa nin kos ne. Nin kos, ete nin mit at wa Yefun Allah dom et.

Kolose 3:3

we ben sato nin kwop kadit bur ré bi suk-i it. Ben sato nin si Kristus kem mo gu si Yefun Allah.

2 Petrus 1:5

An syo suk mwa nai men ne, sane yo, men onyar kem mo Yesus Kristus sor nde, wo men werwa men ben sukndo dom et. Men ben sukndo sor nde, wo men werwa men jam suk mwa kom mo mit dom et.

Wahyu 2:17

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji syo sugit gato ye kendo gum do, ’manna’ ne napyo nai án git. Sugit ne yo bor wa yé mwa jam nde, wo tepsu suga nyim tuya Yefun syo manna nai ye Israel wa án kem mo bur ré, bere Ji syo manna nai yé gato nggi wai kadit bur ré bi suk-i subere yé ne nggiwa simo Yefun bi os-i pe sor. Sane dom, bere Ji syo jok kwo dik yo nai án. Mo jok ne ye krom gum be mó, wo yé gato ku jok ne sor ete jam gum gato ye krom mone.”