Kolose 2:20 - Abun Scripture

^20-21 Kristus kwop sa, ben sato nin si An kwop sino. Sane ben sato nin kwop kadit suk gato nggiwa jom bur ré gato i-mok mone si bi sukdu-i ne it. Nin yo jambot sukdu ne o nde. Sane, suma ben anato nin werwa nin jammo sukdu sane tó ne? Sukduno gato ye ki do, ”Nin jom suk ré nde! Nin rim suk ne nde! Nin rot suk ne nde!” Nin jambot sukdu gato ye ki sato ré wa suma ne?

Kolose 2:20 ပူးပေါင်းရင်းမြစ်များ

Yohanes 15:19

Nin si yetu mo bur ré bi sukjimnut-i tepsu dik yo, bere yé jimnotku nin, we nin bi sukjimnut-i tepsu yetu ne. Sarewo Ji nai nin kadit yetu bi de-i sok mo Ji bi de-i, sane nin bi sukjimnut-i si yetu bi sukjimnut-i yo tepsu dik o nde, sane anato yé mo bur ré bariket nin.

2 Korintus 10:3

Sangge, men kem mo bur ré, sarewo yetu ge bok yo duwer men yo, men duwer yé bok ne satu tepsu yetu gato kem mo bur ré duwer nje nde, wo men duwer yé bok ne su Yefun bi os-i ne sor.

Galatia 4:3

Men dom digane, men jam Yefun yo ri nde tó, ben sato men tepsu pa wokgan, sane suk gato mo gu nim ne si bur ré sino ben sato jom men tepsu pakwerut.

Galatia 6:14

Wo ji dakai yo bes sukdu daret sane kok mo nde, wo ji bes sukdu subot men bi Yekwesu Yesus Kristus gato kwop mo kwesukwin ne kok sor. Ji bes sukdu subot Yesus Kristus mo kwesukwin ne kok wai, sane anato ben sato ji kwop kadit sukdu daret gato ye ki subot sunat e ne. Sukdu daret gato yé ki mo bur ré, ji misyar or re.

Efesus 2:15

Ye Yahudi bi sukduno-i kwayo-kwayo mwa neya gato án jowa pe ne, Yesus Kristus rus wé re, subere An kak os be wa ye Yahudi si yewis yi ne sino tepsu yewis dik mone. Sane Ye Yahudi si Yesus Kristus tepsu dik, sane dom yewis yi si Yesus Kristus tepsu dik, sane anato Yesus Kristus ben án sino kem ndo su yu tepsu dik sor.

Kolose 2:14

Bit gato Yefun Allah syat mo sukibit mwa gato nin ben ne, An tik wé re. Sukduno gato ben sukye wa nin, An nai wé re. Nin ben suk tepsu An bi sukduno-i ne yé teker wa nin, wo Kristus kwop mo kwesukwin wa An tik bit gato Yefun Allah syat mo sukibit ne wé re.

Kolose 2:16

Sane nin jambot ye gato ma ki nin gum ibit mo suk gato nin git si suk gato nin da ne nde. Nin jambot ye gato ma ki nin gum ibit mo suk gato nin ben su kam sye gato nin som Yefun Allah su ne nde. Nin jambot sukdu gato ye ki nin gum ibit mo suk gato nin konwa aina be si kam sye kam Sabat ne nde.

Kolose 2:8

Nin mewa nggwa sisu ndo et, sawe ye deyo ma wergat nin subere nin jambot yetu bi sukdu-i gato bere yo ós nin nde. Yetu bi sukdu-i ne bere ben kidar nin ete gwat nin mu ges mo os ibit o re. Yetu bi sukdu-i ne yo ma kadit Kristus nde, wo sukdu ne ma kadit yenggras bi sukdu-i si suk gato nggiwa jom bur ré gato i-mok mone bi sukdu-i. Yé ne yo duno nin subot Kristus nde.

Kolose 3:3

we ben sato nin kwop kadit bur ré bi suk-i it. Ben sato nin si Kristus kem mo gu si Yefun Allah.

Ibrani 13:9

Sane men jammo sukdu daret gato tara kadit Yefun Yesus bi sukdu-i ne nde, sawe sukdu ne gwat men mu mo os siri kadit Yefun bi os-i. Sa ndo sa, men nutbot sukndo gato Yefun Allah ben su men dakai yi sor. Sane bere men bi sukjimnut nggi, wo sukduno daret subot sugit e neya bere yo ós men nde. Ye gato simo sukdu ne yo kom mo pe yo dom nde.

Yakobus 4:4

Nin anato ye gato ben suk siri kadit Yefun Allah mit. Nin mit iwa bur ré bi suk-i, anato nin tepsu ye gato bariket Yefun Allah re, nin jam bado, nde e? Ye to nai sukjimnut do, an mit iwa bur ré bi suk-i anato tepsu yeko wa Yefun Allah it.

1 Yohanes 5:19

Biris bi yekwesu jowa yetu mwa ne sino gato ben sukibit mo bur ré, sarewo men jam do, men ré anato sok mo Yefun Allah bi rus-i.