Kolose 2:16 - Abun Scripture

¹⁶ Sane nin jambot ye gato ma ki nin gum ibit mo suk gato nin git si suk gato nin da ne nde. Nin jambot ye gato ma ki nin gum ibit mo suk gato nin ben su kam sye gato nin som Yefun Allah su ne nde. Nin jambot sukdu gato ye ki nin gum ibit mo suk gato nin konwa aina be si kam sye kam Sabat ne nde.

Kolose 2:16 ပူးပေါင်းရင်းမြစ်များ

Matius 15:11

Yefun Allah yo bariket men mo sugit gato men git ete ngga mo men syokwet ne nde, wo suk gato syesyar kadit men syokwet anato bere ben Yefun Allah bariket men mone.”

Markus 7:19

We suk gato men nai kadit men kaim de nden, gato ges mo men mit anato sugit gato men git ne. Yefun Allah yo bariket men mo sugit gato men git ne nde. Sugit gane yo sok mo men bi sukjimnut nde, sarewo sugit gato men git ne ges ete sok mo men mit si men ondim, orge syesyar mu nden re.” Sane Yefun Yesus ki bi sukdu-i mone anato men jam do, sugit mwa ne sino ndo wa men git.

Suk Gato Yerasul Ben Ne 15:20

Men syogat yewis yi sibot ye Yahudi bi sukduno-i sino nde, wo kwa bok yo sor re. Men krombot kwa bok ne mo surat dik yo wa án sare do, án git sugit gato ye som sukdaret bok neya su ne nde, án git suge ku gato i-dé mó tó ne nde, án git suge dé nde; yebris si nggon ben siri su yu daret nde.

Roma 14:10

Sane men bi nji gato men si án sino onyar kem mo Yefun Yesus ne te, men ki án gum ibit mo sukduno wokgan gato án jom tara kadit men ne wa suma ne? Men kiket án do, án jam nde suk wa suma ne? Su kam gato bere men sino ti mo Yefun Allah gwem, bere Yefun ndobot men gedik-gedik ne sino, sane men iwa ki ye yi gum ibit wa suma ne? Men do ki ye yi gum ibit it yo, bere men ku sukye mone sor!

Galatia 4:10

Nin bi sukjimnut sye teker mo kam sye yo e, kam sye su aina yo e, kam sye su tahun yo e ne. Nin bi sukjimnut sye mo sukdaret ne wa suma ne?

Kolose 2:20

Kristus kwop sa, ben sato nin si An kwop sino. Sane ben sato nin kwop kadit suk gato nggiwa jom bur ré gato i-mok mone si bi sukdu-i ne it. Nin yo jambot sukdu ne o nde. Sane, suma ben anato nin werwa nin jammo sukdu sane tó ne? Sukduno gato ye ki do, ”Nin jom suk ré nde! Nin rim suk ne nde! Nin rot suk ne nde!” Nin jambot sukdu gato ye ki sato ré wa suma ne?

Ibrani 13:9

Sane men jammo sukdu daret gato tara kadit Yefun Yesus bi sukdu-i ne nde, sawe sukdu ne gwat men mu mo os siri kadit Yefun bi os-i. Sa ndo sa, men nutbot sukndo gato Yefun Allah ben su men dakai yi sor. Sane bere men bi sukjimnut nggi, wo sukduno daret subot sugit e neya bere yo ós men nde. Ye gato simo sukdu ne yo kom mo pe yo dom nde.

Ibrani 9:10

Sane os nyim gato Musa krombot ne bi sukduno-i kom mo men de nden sor re. Yé sibot sukduno subot sugit si syur e, yé de syur mo suk yo tepsu bi acara bok yo mone. Sarewo yé ben suk bok ne mo de nden sor re. Suk bok ne Yefun Allah syogat men benbot sane sor kas kom mo kam gato Kristus ma wa kak os be ne sor re.

Yakobus 4:11

Ji bi nji, ji bi nyanggon, men kiket yu nde, we ye gato kiket yu ne, an ki an bi nji mo Kristus bi de-i ne gum ibit it yo, tepsu an kiket Yefun Allah bi sukduno-i it anane. Nin do ki do Yefun Allah bi sukduno-i ne kwa yo ibit it yo, tepsu nin yo benbot sukduno ne nde, wo nin dakai bes nin nggwa kok tepsu yepasye gato kibot sukduno ne anane.