Kolose 2:1 - Abun Scripture

¹ Ji iwa nin jam do, ji wergat ji nggwa wa ji ben sukndo su nin si ye gato kem mo kota Laodikia, si yé yi neya gato yo ku ji nde tó.

Kolose 2:1 ပူးပေါင်းရင်းမြစ်များ

Lukas 22:44

Yefun Yesus kwabom dek subot sukye gato bere An ku ne, sane Yefun Yesus ki suk su Yefun Allah sisu sangge sane sor, An babrut ndo nde. An babrut ne sye mo bur tepsu yetu dé.]

Suk Gato Yerasul Ben Ne 20:25

Suga nyim ne, ji mu ku nin sino, ji duno nin subot os ndo gato Yefun Allah fro wa men sok mo An bi rus-i nai nin jam it. Sarewo su ré yo, ji jam do, bere ji yo ku nin o nde.

Suk Gato Yerasul Ben Ne 20:38

Sukdu gato ben án jimnotbot Paulus ndo nde, anato Paulus bi sukdu do, án yo ku Paulus gro o nde. Orete yekwesu bok ne top Paulus mu mo kwem.

Galatia 4:19

Ji bi pá, nin gato ji jimnotku, ji nutbot nin sor, ji yo ndo nde tepsu nggon far gato nukwe i su pa. Ji bi sukjimnut waiyu subot nin, ji yo ndo nde sane sor ji jam do, nin bi sukjimnut-i gato kem pe mo nin mit tepsu Yesus Kristus bi sukjimnut-i ne et.

Filipi 1:30

Su ré yé gato bariwa Yesus Kristus, án ben sukye nai nin tepsu wam ga nyim nin me do yé ne ben sukye nai ji dom. Su ré dom, nin jam do, ye gato bariwa Yesus Kristus ne ben sukye nai ji tó.

Kolose 1:24

Su ré ji mit at mo sukye gato ji ku wa nin, we sukye gato Kristus ku ne anato ji waii ku nap ta ré. Kristus ku sukye nap sye wa bi rus-i or re. Or o ji waii ku sukye ne napta wa yé mwa gato onyar kem mo Kristus, yé mwa ne tepsu Kristus kaim.

Kolose 1:29

Ji samok, ji wergat ji dakai su suktinggi gato ma kadit Kristus ne. Kristus ben ji nggiwa ji benbot suk bok yo gato ji kibot ré kas sisu ndo.

Kolose 2:5

Ji kaim yo si nin kem mone nde, wo ji gen ne kem sisu nin mone re. Ji mit at, we ji jam do, nin bi sukjimnut dik tepsu yu ete nin onyar kem pe mo Yesus Kristus re.

1 Tesalonika 2:2

Men yo ba ku nin mo Tesalonika nde tó, yé ben sukye nai men, yé kabor men ket kwayo-kwayo mo kota Filipi wé re, nin dakai jam re. Sarewo kapre yé mwa duwer men kete sane, men bi Ai, Yefun Allah syo suktinggi nai men anato men nggiwa men ki sukdu subot os ndo gato Yesus Kristus kak wa men yetu, gato Yefun Allah fro ne, men ki nai nin jam re.

Ibrani 5:7

Yefun Yesus kem mo bur ré tó sa, An ki suk su Yefun Allah, An benadi, ete An wo su. An ki suk nggi su Yefun Allah gato nggiwa nai An wé kadit yé gato iwa gu An kwop ne. Yefun Yesus iwa jammo Yefun Allah, sane anato Yefun Allah iwa jam suk gato An ki nai Yefun Allah ne.

1 Petrus 1:8

Kapre nin yo me Kristus su nin gro mo nde, nin bi sukjimnut sye kas subot An re. Kapre nin yo me An su nin gro su ré nde, nin onyar kem mo An re. Nin onyar kem mo Yefun sor, sane anato An nai nin gum sok mo An bi rus-i, ete bere An nai nin wé kadit bur ré sok mo An bi nat-i re. Sane anato nin mit at wa, nin wi, nin ambre, nin mit iwa teker mone et. Nin mit iwa nin un Yefun gum mone.

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”