Kolose 1:9 - Abun Scripture9 Men jam sukdu mwa ré subot nin re, sane anato men ki suk su Yefun Allah wa nin petok sor. Men ndek mo Yefun Allah subere Yefun Allah Gen kak nin bi sukjimnut wa nin jammo suk mwa ne sino gato Yefun Allah iwa nin ben ne rer kom mo mit. အခန်းကိုကြည့်ပါ။ |
Kolose 1:9
35 ပူးပေါင်းရင်းမြစ်များ
Men ben men bi suk-i tepsu yetu mo bur ré ben bi suk-i ne o nde, wo men bi men nggwa mo Yefun Allah subere Yefun Allah win men bi sukjimnut-i su sukjimnut-i gato be o re. Sane bere men ku os wa men jam suk mwa gato tepsu Yefun Allah mit re, bere men jam suk gato ndo, bere men jam suk gato Yefun Allah iwa men ben ne, kwa yo gwet mo nde.
Pakwerut, nin bi yenggras sokwa nin ete nin ben suk mone, wo nin bi yenggras yo sokwa nin nde ete nin yo ben suk o nde, bere siri re. Nin ben suk subere nin bi yenggras sokme ete un nin mone sor nde, wo nin anato tepsu Yesus Kristus bi pakwerut-i, sane nin ben suk wa nin bi yenggras su nin mit dik si nin onyar dik petok sor. Yefun Allah mit iwa nin ben nin bi suk-i sane.
Sukdu subot os ndo gato Yesus Kristus kak ne, ye ki frekbot yé mwa jam mo bur ré iwedewe re, anato ye mwa ne napyo simo os ndo ete ku sukndo mo sukdu ne re. Sane dom, nin waii jammo sukdu ne. Kadit kam ketke gato sukdu ne frekbotnin sa, nin simo os ndo ete nin ku sukndo mone re. Nin jam rer do, kapre nin yo ben suk yo nyim wa Yefun Allah nde, An dakai bi sukjimnut sye kas subot nin sor. Sukdu ne nin jam kom mo mit re.
Kristus bi sukduno-i gato ndo wai ne, nin nai ma nin grem pe mo nin mit si nin onyar et. Nin grem Kristus bi sukduno-i ne pe mo nin mit or wé ete nin duno yu e, nin ki suknapa wa yu e ne. Nin do ki Kristus bi sukduno-i nai yu yo, nin nutbot suk ne pare et. Nin kos sukos mazmur e, nin kos sukos gato nin un Yefun su si sukos gato Yefun Allah Gen ben nin mit it wa nin kos ne. Nin kos, ete nin mit at wa Yefun Allah dom et.
Epafras ki ndo mo nin. An ré, nin dakai bi ye-i. An ré tepsu Yesus Kristus bi pakwerut. An ki suk su Yefun sisu an mit dik si an onyar dik sisu sangge wa nin petok sor. An ndek mo Yefun Allah wa nin subere nin bi sukjimnut kem pe mo Yefun, tepsu yenggras gato bi sukjimnut kak, subere nin bi sukjimnut brek wokgan kadit Yefun Allah dom nde, ete nin benbot suk mwa ne sino gato Yefun iwa ne.
Men ki suk su Yefun Allah, men bi Ai sa, men napawa nin, we men jam do, nin sa, nin onyar kem mo Yefun Yesus, sane anato nin ben suk gato ndo. Men jam do, nin bi sukjimnut sye kas subot ye yi neya, sane anato nin samok wa nin ben sukndo. Men jam do, nin kwabom kam mo men bi Yekwesu Yesus Kristus, sane anato nin misyar Yefun mo nde, wo nin ben An bi suk-i petok sor.
Men jam do, nin sok mo Yefun bi rus-i, sane anato men ki suk su Yefun Allah wa nin petok sor. Men ki suk su Yefun wa nin subere Yefun Allah nut mo nin do, nin sa, tep wa nin ben suk gato An fro wa nin ben ne. Suk ne sor nde, wo men ki suk su Yefun Allah subere Yefun syo An bi suktinggi wa ben nin nggiwa nin ben sukndo mwa gato nin iwa nin ben ne dom. Men ki suk su Yefun subere nin nggiwa nin ben suk mwa gato nin iwa nin ben, we nin onyar kem mo Yefun Yesus ne dom.
Sarewo ye gato Yefun Allah kak bi sukjimnut ko wa jam suk mwa ne bere ben bi suk-i sare do, kwa gato sye wai anato an ben an bi suk-i ndo petok sor, kwa gato ibit yo mo nde. Sane dom, an werwa subere an si ye yi kem ndo su yu sino, an ben an bi suk-i njep, an nutbot ye yi bi sukdu-i, an dakai jimnotku ye yi sye wai o re, an ben suk mwa ne ndo sino bor mone, an ben an bi suk-i su yé mwa ne tepsu yu, an ben suk tepsu suk gato an ki ne.
Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.
ကြော်ငြာတွေ