Kolose 1:8 - Abun Scripture

⁸ Epafras anato ma ki nai men more do, Yefun Allah Gen ben nin mo kota Kolose ne nggiwa nin bi sukjimnut sye kas subot yu re.

Kolose 1:8 ပူးပေါင်းရင်းမြစ်များ

Markus 4:22

Sane suk gato ye gurik ne bere Yefun Allah kak bor wa yé mwa me rer. Sane dom sukdu gato Yefun Allah gurik suga nyim tuya, bere Yefun Allah kadum rer wa yé mwa jam re.

Roma 15:30

Ji bi nji ji bi nyanggon, ji ndekwa nin ki suk su Yefun Allah wa ji, nin ki su nin mit dik si nin onyar dik. Nin werwa nin ki suk su Yefun wa ji subere ji nggiwa ji ki subot Yefun bi sukdu-i. Nin benadi wa ji yo, tepsu nin si ji ben suk mone sino anane. Nin ki suk su Yefun yo, bere men bi Yekwesu Yesus Kristus ben nin nggi mone. Sane o, Yefun Allah Gen bi sukjimnut sye kas subot men anato nin ku suktinggi wa nin benadi ne dom.

Roma 5:5

Men kwabom kam mo Yefun Allah sane bere men damen mone nde, we bere suk gato An tom ne bor mone tó, we men jam do, Yefun Allah Gen gato bok nggwa mo men anato kadum nai men do, Yefun Allah bi sukjimnut sye kas subot men re.

Galatia 5:22

Sarewo men nai sukjimnut dik do, suk gato Yefun Allah Gen kiwa men ben ne yo, bere men ben suk sato ré: Men bi sukjimnut sye kas subot ye yi e; men mit at wa suk gato ndo petok sor e; men si ye yi neya mit ndo su yu e; men yo maskwa kekro nde e; men jimnotku ye gato ku sukye e; men ben sukndo su nje e; suk gato men tom ne men benbot e;

2 Timotius 1:7

we Yefun Allah Gen gato bok nggwa mo men, yo ben men nyuwa suk nde, wo An Gen ben men nggi wai kadit suk bok neya. An Gen ben men nggiwa men bi sukjimnut kas subot ye yi neya. An Gen ben men nggiwa men mewa men nggwa subere men ben sukdaret nde.

1 Petrus 1:22

Nin benbot Yefun Allah bi sukdu gato sangge it, sane anato nin bare sukibit gato ben nin ne wé kadit nin re, nin onyar kwo re. Sane dom, ye yi gato onyar kem mo Yefun Allah ne, nin mewa sisu sangge re. Sane nin mewa yu su nin mit dik si nin onyar dik sisu ndo wai o et.