Kolose 1:7 - Abun Scripture

⁷ Sukdu ne Epafras ki nai nin jam mó re. Epafras ré gato men ka we jimnotku, an si men ka we ben suk wa Kristus. Epafras ben bi suk-i ne ri-roi tepsu Kristus mit wa os men sino.

Kolose 1:7 ပူးပေါင်းရင်းမြစ်များ

Matius 18:29

Pa we wok bare nggwa mo pa we sye gwem ete ki do, ’Nan misyar yei, bere ji bi nan bi bon mone tó.’

Matius 24:45

Yefun Yesus ki o do, ”Pakwerut gato jam suk mwa, ete ben bi suk-i ri-roi tepsu bi yenggras mit ne te, men jam pa ne sa u ne? Pa ne ben bi suk-i sa u ne? Pa ne anato tepsu pa gato yenggras bes tepsu yesu wa yenggras bi pakwerut sino. Pa ne mewa pakwerut bok neya sisu ndo, pa syo sugit tep wa pakwerut git ne sino.

Matius 25:21

Yenggras ki do, ’Nan sa, pakwerut gato ben sukndo, nan ben nan bi suk-i ri tepsu ji mit. Nan ben nan bi suk-i ri su sukwokgan gato ji syo nai nan, sane ré yo, ji bes nan wa mewa suk mwa. Nan ma men konwa sino et.’

1 Korintus 4:17

Sane ji syogat Timotius ba ku nin mone subere an duno nin subot suk gato ji ben ne. Timotius anato tepsu ji bi pa gato ji jimnotku. Pa ne ben bi suk-i ri tepsu Kristus mit. Bere Timotius duno nin satu o subere nin napawa suk gato ji ben tepsu ye gato onyar kem mo Yesus Kristus ne. Ji dom duno nje mo nu ari mwa mo pe mwa ne sino gato ji mu mone, subere án waii benbot suk gato ji ben ne.

1 Korintus 4:2

Ye bes yetu ge dik yo gum wa ben suk yo, ye ne bere jammo ye gato bes an ne sor, an yo brek kadit wokgan yo dom nde.

1 Korintus 7:25

Ji bi sukdu wa yemsok si nggonnak gato yo kra mo nde tó. Yefun Allah bi sukdu-i anare nde, wo ji dakai bi sukdu-i anare. Yefun Allah dakai jimnotku ji, sane Yefun kak ji bi sukjimnut anato ji bi sukdu-i ré bere ndo wa nin jammo.

2 Korintus 11:23

Yé ne, Kristus bi pakwerut-i bado? Ji ré, Kristus bi pakwerut-i dom, sarewo ji ben ji bi suk-i ndo wai kadit yé mwa ne o re. (Mban! Ji ki ji bi sukdu-i ne tepsu ye gato jimgon ko ré go!) Sarewo ji samok wa ji ben suk mwa wai kadit yé bok ne o re. Ji ré anato ye sok mo sel wam bok yo mó re, mwa wai kadit án o re. Ye kwam kete is ji wam bok yo mó re, mwa wai kadit án o re. Ji ré anato ku sukye mwa wam bok yo mó re, karowa ji kwop rok. Ji ku sukye mwa wai kadit án o re.

Efesus 5:21

Nin jammo Kristus, sane yo nin waii jammo yu dom et.

Filipi 2:25

Sarewo ji nut do, ndo sa, ji syokom Epafroditus satu ba ku nin. Epafroditus ré, an tepsu ji bi yesyim, ji si an ben suk wa Yefun Yesus sino. Men ka we tepsu Yesus Kristus bi yesukmise gato ben An bi suk-i. Nin dakai syokom Epafroditus ma ku ji more wa ós ji mo suk gato ji yéwa,

Kolose 4:12

Epafras ki ndo mo nin. An ré, nin dakai bi ye-i. An ré tepsu Yesus Kristus bi pakwerut. An ki suk su Yefun sisu an mit dik si an onyar dik sisu sangge wa nin petok sor. An ndek mo Yefun Allah wa nin subere nin bi sukjimnut kem pe mo Yefun, tepsu yenggras gato bi sukjimnut kak, subere nin bi sukjimnut brek wokgan kadit Yefun Allah dom nde, ete nin benbot suk mwa ne sino gato Yefun iwa ne.

Kolose 4:7

Tikhikus, men bi nji gato men jimnotku, bere an ba ku nin ete an kibot suk mwa gato ji ben ne nai nin jam. An si men sino ben suk wa Kristus, an ben an bi suk-i ne ri-roi tepsu Kristus mit.

Kolose 4:9

Onesimus bere si Tikhikus ba ku nin. Onesimus anato nin dakai bi nje-i. An sa, ben an bi suk-i ri-roi tepsu Kristus mit, men jimnotku an. An si Tikhikus bere kibot suk mwa gato men ben more ne nai nin jam.

1 Timotius 4:6

Nan duno nan bi nji, nan bi nyanggon, ye gato onyar kem mo Kristus ne su sukduno mwa gane yo, bere nan tepsu ye gato ben Yesus Kristus bi suk-i sisu ndo. Nan ben Kristus bi suk-i sisu ndo, nan sibot Yefun Allah bi sukdu gato men onyar kem mone kadit nan pa wokgan sor kom mo nan sye it anare, nan benbot sukduno gato ndo ne.

2 Timotius 2:2

Sukdu gato nan jam tomgatu ji duno nan mo yé mwa gwem ne, nan waii duno ye gato jam duno ye yi sisu ndo, gato ben bi suk-i ri-roi et, subere án waii duno nje su sukduno ne o.

Filemon 1:23

Epafras gato ye rai ete bok mo sel mo gato an ben Yesus Kristus bi suk-i ne, an si ji kem mo sel tó. An ki ndo mo nan.

Ibrani 2:17

Sane An ma tepsu yetu gato da kridek. Mo suk mwa ne sino An kaim tepsu men yé gato sok mo Yefun Allah bi rus-i. Sane bere An ku os wa An ben suk tepsu Yekwesu gato gum kok wai kadit yekwesu yi neya mo Yefun Allah bi nu. An sa, tepsu yegweswai gato ben bi suk-i ri-roi wa men si Yefun Allah, subere men si Yefun kem ndo. An dakai jimnotku yetu ndo nde. An kak os wa men yetu, An bi nggwa win men, subere Yefun Allah yo maskwa men mo sukibit gato men ben ne o nde, Yefun yo nutbot sukibit ne o nde.

Ibrani 3:2

Yefun Allah bes Yesus Kristus wa ben Yefun Allah bi suk-i ne sino. Yesus Kristus ben suk mwa ne sisu ri-roi sor, tepsu suga nyim tuya Musa dom ben bi suk-i ri-roi sor. Yefun Allah bes Musa wa an fro suk mwa ne sino gato yesu ben mo Yefun Allah bi nu. Yesus Kristus si Musa, an we ka we ne sino jammo Yefun Allah.