Kolose 1:26 - Abun Scripture

²⁶ An syogat ji ki subot sukdu gato kam nyim tuya Yefun Allah gurik kadit yetu mwa ne sino, wo su ré, An ki An bi sukdu ne rer nai yé gato onyar kem mo Yefun Yesus ne jam it.

Kolose 1:26 ပူးပေါင်းရင်းမြစ်များ

Lukas 8:10

Sane Yefun Yesus ki nai An bi pakon do, ”Sukdu gato Yefun Allah gurik suga nyim subot os gato bere Yefun Allah fro wa yetu sok mo An bi rus-i ne, Yefun Allah tarubot Ji, subere Ji ki rer wa nin dakai jam kom mo mit. Sarewo ye yi neya yo jam sukdu ne rer kom mo mit nde tó. Ji duno án su sukamno sor, subere án da me sare, án yo me rer kom mo koirut nde; án da jam sare, án yo jam sukdu ne rer kom mo mit nde.”

Matius 13:11

Yefun Yesus ki do, ”Sukdu gato Yefun Allah gurik suga nyim subot os ndo gato bere Yefun Allah fro wa yetu sok mo An bi rus-i ne, Yefun Allah tarubot Ji, subere Ji ki rer wa nin dakai jam kom mo mit, sarewo ye yi neya yo jam sukdu ne rer kom mo mit nde tó.

2 Timotius 1:10

Sane su ré, Yefun Allah bi sukjimnut sye gato kas subot men dakai yi ne bor re. An syogat Yesus Kristus ma mo bur ré subere Kristus kak os ndo wa men kem ndo to kapyo mato kapyo ne it. Yesus Kristus kak os ndo wa men, An ben suktinggi gato gu men yetu kwop ne ibit or re, ete An kak os wa men kem gesyos sor.

1 Korintus 2:7

Sarewo men ki men bi sukdu-i gato ma kadit Yefun Allah dakai bi sukjimnut-i gato ko ne sor. Sukdu ne suga nyim tuya yo bor wa yetu jam nde, wo Yefun Allah fro sukdu ne wa men suga bur ré yo mo nde tó, subere men duno nje su, ete yé mwa ne bes men gum kok mone re.

Markus 4:11

Sane Yefun Yesus ki nai án do, ”Sukdu gato Yefun Allah gurik suga nyim subot os ndo gato bere Yefun Allah fro wa yetu sok mo An bi rus-i ne, Yefun Allah tarubot Ji, subere Ji ki rer wa nin dakai jam kom mo mit. Sarewo ye gato yo sok mo Yefun Allah bi rus-i nde, Ji duno án su sukamno sor,

Kolose 2:2

Suk mwa ré ji ben subere nin si án sino bi sukjimnut nggi, eteyo nin si án bi sukjimnut sye kas subot yu tepsu yedik. Ji ben suk mwa ne subere sukdu gato Yefun Allah gurik kadit men suga nyim tuya ne, nin si án sino jam wa pe kom mo brot marum kai. Sane ji ben suk mwa ne subere án jam do, Kristus gato Yefun Allah yo kadum bor wa men jam suga nyim tuya ne nde, su ré án jam do Kristus bor it.

Kolose 4:3

Nin do ki suk su Yefun yo, nin ki suk su Yefun wa men more dom, subere Yefun Allah kak os ndo wa men ki sukdu subot Kristus ne frek subot ye yi neya. Sukdu ne, suga nyim neya Yefun Allah gurik re. Ji kibot sukdu ne anato ye sok ji mo sel.

Matius 20:7

Yé bok ne ki do, ’Ye yo ma kendo men wa ben suk yo mo nde.’ An ki do, ’Sane, nin mu ben suk mo ji bi nggwe et.’