Kolose 1:16 - Abun Scripture

¹⁶ Yefun Allah anato tepsu i-ke wa fro suk mwa gato mo bur ré si gu nim ne sino, wo Ye gato ut suk mwa ne anato Yesus Kristus, sane anato An gum kok wai o re. Yesus Kristus ut suk gato men me su men gro. An ut suk gato men yo me su men gro nde. An ut suk mwa gato i-mok mone. An ut malaikat mwa ne sino. An ut suk mwa ne sino gato nggiwa jom yetu mo bur ré si gu nim ne. Kristus ut suk mwa gato mo gu nim ne si bur ré sino, subere Kristus tepsu Yekwesu wa jom sukmwa gane.

Kolose 1:16 ပူးပေါင်းရင်းမြစ်များ

Yohanes 1:10

Ye gato rer sangge kai ma mo bur ré, su ketke Yefun Allah ut bur ré su An, sarewo nje mo bur ré yo jam nde An re.

Yohanes 1:3

Yefun Allah ut suk mwa ne sino, su Yefun Yesus gato ye kendo do Sukdu ne. Sukdu do yo mo nde yo, Yefun Allah yo ut suk mo gu nim si bur ré mo nde.

Roma 11:36

Yefun Allah ut suk mwa ne sino. Yefun ut suk mwa ne su An bi suktinggi. Yefun ut suk mwa ne wa An dakai. Sane men bes Yefun Allah gum kok petok sor to kapyo mato kapyo. Sangge.

Roma 8:38

Ji jam rer do, Yesus Kristus mewa men pe sor, sukye yo ku os wa yawa miten wa men si Kristus nde, ji jam ware. Kapre men kwop o, men mbau o, bere Yesus Kristus mewa men mone tó. Malaikat e, suk gato i-mok mone sato yerom e, aboksye e ne yo ku os wa yawa miten wa men si Kristus dom nde. Suk gato bor su ré e, suk gato bor su kam sari e, suktinggi yi neya e,

Roma 9:5

Men ye Israel anato bi amui mo yepasye sato Abraham e, Isak si Yakub. Men bi amui ne anato pe Kristus. Kristus anato Yefun gato jom suk mwa ne sino, men sino un An to kapyo mato kapyo. Sangge.

1 Korintus 8:6

sarewo men yé gato onyar kem mo Kristus jam do, Yefun Allah ne ka dik sor. An anato nggi wai o re. Yefun Allah anato men bi Ai. An anato ut suk mwa mo bur ré si gu nim ne. Men kem mo bur ré wa men ben An bi suk-i sor. Men bi Yekwesu gato men jammo ne ka dik sor. Men bi Yekwesu ne anato Yesus Kristus. Yesus Kristus ne anato ós Yefun Allah ut suk mwa mo bur ré si gu nim. Kadit Yesus Kristus ne anato men mbau mó tó re.

Efesus 1:10

Yefun Allah fro os ré, subere kom mo bi kam-i gato tepsu yo, bere Yesus Kristus wadigan gum Yekwesu wa jom suk mwa mo gu nim ne si bur ré sino.

Efesus 6:12

Yeko gato ma wa gu men ne, án yetu nde, wo yeko ne anato suk gato i-mok mó gato werwa jom yetu mo bur ré sato: yerom e, aboksye e, malaikat ibit gato bi suktinggi mo gu nim ne si bur ré e ne. Biris mwa ne sino iwa meret os wa ben men brek wé kadit Kristus bi os-i.

Filipi 2:10

Sane bere yetu e, malaikat e, yerom e ne sino mo bur ré si gu nim ne, mo bur desnak, mo pe mwa ne sino tu án umsu mo Yefun Yesus gwem. Yé mwa si suk bok ne sino un Yefun Yesus gum mone, án sino ki do, sangge Yefun Yesus gum kok sye wai o re.

Kolose 1:15

Men yo me Yefun Allah su men gro nde, sarewo Kristus gato men ku ne, An tepsu Yefun Allah dakai. Kristus ré, An gum kok wai kadit suk mwa gato Yefun Allah ut ne sino, sane anato ye kendo An gum do, Yefun Allah bi Pa doketke.

Kolose 1:20

An syo An bi Gan ma wa kak os subere suk mwa gato mo bur ré si gu nim ne sino kem ndo su Yefun Allah satu. An syo An bi Gan ma kwop mo kwesukwin ete An bi Gan de sye tepsu suktot anato kak os wa suk mwa ne sino si Yefun Allah kem ndo satu.

Kolose 2:10

Sane dom, nin gum sok mo Kristus bi rus-i anato nin ku suktinggi ne, kwa yo gwet mo nde. Kristus anato Yekwesu gato nggi wai kadit suk mwa ne sino gato i-mok mone. Kristus anato nggi wai kadit yekwesu mwa ne sino gato jom nje mo bur ré re.

Kolose 2:15

Yesus Kristus kwop mo kwesukwin ne anato suk gato i-mok mone yo nggiwa jowa bur ré o nde. Biris si bi suktinggi ne yo nggiwa jowa bur ré o nde. Kristus nai biris bi suk gato i-mok mone bi suktinggi ne wé re. Ben sato Kristus gwat suk gato i-mok mó sato yerom e, aboksye e, suk yi e ne ma kadum nai ye mwa ne sino. Sane tepsu yepasye kadum pakwerut gato an but ne wa ye mwa me do, yepasye ne nggi digane, ye mwa ne sino jam do, suk gato Kristus ben mo kwesukwin ne kadum do, Kristus anato nggi wai kadit suk mwa ne o re.

Ibrani 1:2

Wo su kam gato karowa bur kru ré sa, Yefun Allah syo An bi Gan ma, An tarubot An bi Gan wa men re. Su ketke Yefun Allah syo suktinggi nai An bi Gan anato su ketke An bi Gan ut suk mwa mo bur ré si gu nim ne sino. Yefun Allah bes An bi Gan subere suk mwa ne sok mo An bi Gan bi suk-i ne sino.

Ibrani 2:10

Yefun Allah sa, ben bi suk-i tep sino. Yefun gato ut suk mwa ne sino wa An dakai, An misyar yé ben sukye mwa nai Yefun Yesus subere kadum do, Yefun Yesus gum ndo wai o re, kwa yo gwet mo nde, sane Yefun Allah bes Kristus wa kak os ndo wa men yetu. Yefun Yesus ku sukye ket kwayo-kwayo ete An bi An nggwa subere An kak os wa Yefun Allah kar bi pa mwa si Yefun Yesus sino kem mo bi nat-i gato ndo wai o re.

1 Petrus 3:22

Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.