Kolose 1:12 - Abun Scripture

¹² nin ki ndo mo men bi Ai, Yefun Allah gato nai men gum wa men sok mo An bi rus-i it. Sane bere men ku suk gato An fro wa men yé gato onyar kem mo Yefun Yesus mo pe gato An jowa men mone. Bere men si An sino kem mo pe gato rer.

Kolose 1:12 ပူးပေါင်းရင်းမြစ်များ

Matius 25:34

Sugane Ji, gato Yekwesu mone bere Ji ki nai nje gato tak Ji de syim ge do, ’Nin ma, nin yé gato Ji bi Ai ben sukndo su. Nin ma nin nai suk gato Yefun Allah fro wa nin ne. Yefun fro nat wa nin si An gum yekwesu mone sino, An fro nat ne ndek kadit kam gato An ut bur ré re.

Yohanes 14:6

Yefun Yesus ki nai an do, ”Ji dakai anato tepsu os gato mu mo Yefun Allah. Ji anato tepsu os gato sangge. Ji anato kak os wa yetu kem ndo mone. Yetu yo ku os wa an mu kom mo Ji bi Ai nde, wo an sibot os gato Ji kak ne sa, bere an kom mo Ji bi Ai re.

Yohanes 20:17

Yefun Yesus ki nai Maria do, ”Nan jom Ji nde, we Ji yo satu mu mo Ji bi Ai nde tó. Nan mu mo Ji bi nji, ete nan ki nai án do, ’Ji satu mu mo Ji bi Ai, gato nin bi Ai dom it anare. Ji satu mu mo Yefun Allah gato jom Ji si nin sino it anare.’ ”

Yohanes 4:23

Bere kapyo tak o nde, wo su re it, men som Yefun Allah sisu men mit dik si men onyar dik sor. Pe gato men som Yefun mone Yefun yo nutbot nde, wo An mit iwa men yé gato som An. Yefun Allah Gen ben men nggiwa som An sisu men mit dik si men onyar dik sor re.

Suk Gato Yerasul Ben Ne 20:32

Sane, ji syo nin mo Yefun Allah syim-i, bere An mewa nin tepsu sukdu gato An ki ne. Nin jammo An bi sukdu ne sa, bere sukdu ne ós nin onyar kem mo Yefun Yesus nggi wai o, ete bere An syo sukndo nai nin si yé mwa ne sino gato sok mo An bi rus-i ne.

Suk Gato Yerasul Ben Ne 26:18

subere nan ki sukdu subot Ji kak án bi sukjimnut, subere án kwet kadit ndendu bi os-i ete brek ma simo os gato ndo ne sor. Ji syogat nan mu mo án, subere án misyar yerom e, aboksye e ne bi suktinggi-i ete brek ma jammo Yefun Allah bi suktinggi-i. Án onyar kem mo Ji, sane bere Yefun Allah ki do, sukibit gato án ben ne or kadit án, Yefun Allah yo nutbot o nde. Sane dom, án gum sok mo Yefun Allah bi rus-i.’ ”

Roma 11:17

Men ye Yahudi tepsu kwe zaitun guk gato ye tot wé. Orete ye gwat kwe zaitun gato dakai kom mo nden guk-i bok yo ma but dom kweke win kwe zaitun guk gato ye tot wé ne. Nin yewis yi tepsu kwe zaitun guk gato ye gwat kadit nden ne ma. Yefun Allah but nin yewis yi dom kweke ne subere nin waii ku suk mwa gato ndo kadit kwe zaitun ke ne, tepsu nin ku os wa nin sok mo Yefun Allah bi rus-i anane.

Roma 15:27

Án iwa sum sugum wa yé mwa ne. Suk ne ndo wa án ben dom re, we ye Yahudi ne kak os wa Yefun Allah ós yewis yi kem ndo to kapyo mato kapyo. Sa ndo sa, yewis yi ne waii kak os wa ye Yahudi ku suk gato án yewa mo bur ré dom.

Roma 8:17

Men tepsu Yefun Allah bi pa it yo, bere men ku Yefun Allah bi sukrok gato An fro wa syo nai An bi pa-i. Men si Kristus sino bere ku suk gato Yefun Allah fro wa men, we men ku sukye tepsu Yesus Kristus ku ne. Sane yo, bere men ku suk gato ndo wai ne tepsu Kristus ku suk gato ndo wai mone dom.

Roma 9:23

Yefun Allah iwa kadum suk gato ndo yé, An iwa kadum nai men yé gato An dakai jimnotku. Yefun Allah fro men wa men ku suk gato ndo yé ne, An fro men suga nyim ne wé re.

1 Korintus 8:6

sarewo men yé gato onyar kem mo Kristus jam do, Yefun Allah ne ka dik sor. An anato nggi wai o re. Yefun Allah anato men bi Ai. An anato ut suk mwa mo bur ré si gu nim ne. Men kem mo bur ré wa men ben An bi suk-i sor. Men bi Yekwesu gato men jammo ne ka dik sor. Men bi Yekwesu ne anato Yesus Kristus. Yesus Kristus ne anato ós Yefun Allah ut suk mwa mo bur ré si gu nim. Kadit Yesus Kristus ne anato men mbau mó tó re.

1 Korintus 9:23

Ji ben suk mwa ré subere yé mwa sibot os ndo gato Yesus Kristus kak ne, subere ji si ye gato jammo sukdu ne, men sino ku suk gato ndo kadit Yefun mone.

2 Korintus 11:14

Men yeket suk gato án ben ne nde, we biris bi yekwesu dakai ben nggwa tepsu Yefun Allah bi malaikat gato ben Yefun bi suk-i ri-roi ne re.

2 Korintus 5:5

Yefun Allah dakai anato fro kaim dobe ne wa men. Yefun Allah syo An Gen ma mo men mit subere men jam do, sangge, suk gato An fro ne, bere men ku mone sor.

Efesus 1:11

Yefun Allah fro Yesus Kristus wa men sane anato Yefun Allah nai sukjimnut ete ben suk mwa ne sino tepsu pe gato An ki kwop mone it. Kadit ketke it, An iwa nai men sok mo An bi rus-i tepsu pe gato An dakai fro ne. Sane An ben suk mwa ne kas subere suk gato An fro ne bor.

Efesus 1:18

Ji ki suk su Yefun, ji ndek mo Yefun Allah subere Yefun kak nin bi sukjimnut-i ne rer, subere nin kwabom kam mo Yefun Allah gato nai nin sok mo An bi rus-i ne. Ji ki suk su Yefun subere Yefun Allah kak nin bi sukjimnut subere nin jam subot suk mwa gato ndo wai, si suk mwa gato Yefun Allah fro wa An syo nai yé gato onyar kem mo Yefun Yesus ne.

Efesus 2:18

Yefun Allah Gen ka dik ne gwat men subot os gato Yesus Kristus kak wa men sino, ye Yahudi si yewis yi ne, subere men sino karowa men bi Ai, Yefun Allah ne.

Efesus 3:6

Sukdu gato Yefun Allah Gen ki ne bor it anare. Suga nyim tuya Yefun Allah fro os gato ndo wa yewis ye Yahudi sor re, wo su ré An syogat Yesus Kristus kak os ndo ne wa nin yewis yi gato jammo sukdu ne dom. Sane anato nin si ye Yahudi ne sino ku suk gato ndo kadit Yefun Allah. Nin yewis yi si ye Yahudi ne tepsu yedik mo Yefun Allah bi rus-i, ete suk gato Yefun Allah tom su ye Yahudi ré, An benbot su nin yewis yi ne dom. Suk mwa gato Yefun Allah fro wa ye Yahudi ne, Yesus Kristus anato kak os wa yewis yi ne waii ku dom.

Efesus 4:6

Men sino bi Ai mo Yefun Allah ka dik ne sor. An anato Yekwesu mo suk mwa ne sino, An nggi wai kadit yesu mwa neya o re. An ben An bi suk-i mo bur ré su men sino. An kem mo men sino mit re.

Efesus 5:11

Suk gato tepsu ndendu bi suk-i gato yo ós nin nde, nin karowa dom nde, wo nin ki ndendu bi suk-i ne rek subere bor wa yé mwa jam do, suk ne ibit re. (

Efesus 5:20

Men bi Yekwesu mo Yesus Kristus, sane anato nin ki ndo mo nin bi Ai Yefun Allah mo suk mwa gato An ben mo bur ré petok sor.

Efesus 5:4

Sane dom, men njak ye yi nde, men ki sukdaret nde, men ki sukdu gato ibit nde. Men tepsu Yefun Allah bi rus-i, sane men do ki suk sane, bere siri re, wo ndo sa, men ki ndo mo Yefun Allah mo suk mwa gato An ben ne sor.

Efesus 5:8

Kam nyim tuya nin dakai kem mo ndendu, wo su ré nin sok mo Yefun Allah bi rus-i, sane anato nin kem mo pe gato nden rer it. Sane nin ben nin bi suk-i tepsu yé gato kem mo pe gato nden rer ne sor.

Kolose 2:2

Suk mwa ré ji ben subere nin si án sino bi sukjimnut nggi, eteyo nin si án bi sukjimnut sye kas subot yu tepsu yedik. Ji ben suk mwa ne subere sukdu gato Yefun Allah gurik kadit men suga nyim tuya ne, nin si án sino jam wa pe kom mo brot marum kai. Sane ji ben suk mwa ne subere án jam do, Kristus gato Yefun Allah yo kadum bor wa men jam suga nyim tuya ne nde, su ré án jam do Kristus bor it.

Kolose 3:15

Kristus nai nin sok mo An bi rus-i subere nin kem ndo su yu. Sane mo suk mwa gato nin nai sukjimnut wa nin ben ne, sukjimnut ndo kadit Kristus ben nin bi sukjimnut not mo suk ne yo, nin ben sor, ete nin ki ndo mo An.

Kolose 3:17

Suk mwa ne sino gato nin ben e, nin kibot e ne yo, nin me mo suk gato men bi Yekwesu, Yefun Yesus dakai ben ne, orete nin waii ben nin bi suk-i tepsu An ben ne sor. Nin ki ndo mo men bi Ai, Yefun Allah, mo os ndo gato Yefun Yesus kadum nai nin ne et.

Titus 2:14

Yesus Kristus bi An nggwa wa tot suktot mo sukibit mwa ne sino gato men ben ne wé, subere men tepsu nje gato ben sukibit o nde, ete men sok mo An dakai bi rus-i gato mit iwa ben suk gato ndo sor.

Ibrani 12:23

Ben sato nin mu kom mone, nin si yé mwa gato onyar kem mo Yefun Yesus sum sino, nin si yé mwa ne sino mit at wa. Yefun Allah nai yé mwa ne tepsu An bi pá doketke. Pa doketke ne ku an bi Ai bi sukrok si suk mwa ne sino. Sane Yefun Allah nai nin si yé mwa ne sok mo An bi rus-i. Yefun krom án gum mo gu re. Mone nin ku Yefun Allah gato ndobot men yetu sino. Mone nin ku yé mwa gato ben bi suk-i ri-roi tepsu Yefun mit ne dom. Yé mwa ne kwop suga nyim, orete Yefun Allah ben án ndo wai o re, kwa dik yo gato gwet yo mo nde.

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

Ibrani 3:14

Tepsu men onyar kem pe mo Yefun Yesus su ketke ne, men waii werwa men onyar kem pe mo Yefun sane sor kom mo pe gato or mó. Sane bere men sino si Yesus Kristus tepsu dik mo suk mwa gato An ben ne.

Yakobus 3:9

Men un men bi Ai, Yefun Allah gato men bi Yekwesu ne su men syokwet, sarewo men dufo mo yetu gato Yefun ut tepsu Yefun dakai ne. Men dufo mo yetu gum ibit su men syokwet ne dom re.

1 Petrus 5:1

Ji ré anato tepsu yekwesu mo nu ari dik yo. Ji dakai me sukye gato Kristus ku su ji gro re. Bere mo Yefun Allah bi nat-i ji sisu Kristus ku suk gato ndo wai o mone. Sane ji kiwa nin, yekwesu mo nu ari, nin jammo suk gato ji ki ré et, sare,

1 Yohanes 1:3

Suk gato men me si men jam ne, sukdu ne anato men waii ki nai nin jam subere nin si men tepsu yedik mo Yefun bi de-i. Men ki nai nin jam subere nin si men si men bi Ai, Yefun Allah sisu An bi Gan, Yesus Kristus sino tepsu dik.

Wahyu 21:23

Yefun Allah dakai rer-rik-i si Domba Gan kaim rer-rik-i anato tepsu sukru mo kota ne. Sane yé mone yo mitmo kam si aina wa rer ku án nde.

Wahyu 22:14

Ye gato ben Yefun bi suk-i, ben sato án gu án bi san kwo ndo it anane. Ye gato gu án bi san kwo yo, bere án ku os wa án git kwebo mo kweke gato ben yetu kem gesyos. Bere án ku os wa án sok ket ros syo mu mo kota mit ne. Yé ne sa, án mit at wa, we bere Yefun ben sukndo su án re.

Wahyu 22:5

Mo kota ne noru mo nde, sane án yo mitmo sukru si kam nde, we án bi Yekwesu Yefun Allah bere tepsu sukru rer ku án. Bere Yefun bes án tepsu yesu gato jowa Yefun bi suk-i ne sor to kapyo mato kapyo.