Kolose 1:11 - Abun Scripture

¹¹ Men ki suk su Yefun subere Yefun Allah ben nin nggi su An bi suktinggi gato ndo wai ne, subere kapre nin ku sukye yo, nin misyar Yefun nde, wo nin ben Yefun bi suk-i ne sisu njep ete ndo petok sor. Nin mit at wa Yefun,

Kolose 1:11 ပူးပေါင်းရင်းမြစ်များ

Suk Gato Yerasul Ben Ne 1:8

wo su kam gato Yefun Gen bok nggwa mo nin, bere nin ku suktinggi wa nin mu ki sukdu subot os be gato Ji kak wa yetu sok mo Yefun Allah bi rus-i. Bere nin mu ki sukdu ne nai nje mo Yerusalem, mo bur Yudea, mo bur Samaria sane sor, kom mo bur ré iwedewe or sino.”

Suk Gato Yerasul Ben Ne 5:41

Yerasul ne mu kadit yepasye mwa ne, án mit at, we án jam do, Yefun Allah nut do, án sa, gum kok tep wa án ku sukye kadit yepasye ne mo sukdu gato án ki subot Yefun Yesus.

Roma 2:7

Ye gato werwa ben bi suk-i ne ndo, we ye ne kwabom kam mo Yefun Allah do, bere Yefun bes án gum kok mone yo, bere Yefun un án gum mone, bere Yefun kak os wa án kem gesyos mone, bere Yefun Allah kak os wa yé ne kem ndo to kapyo mato kapyo.

1 Korintus 16:13

Nin mewa nin nggwa, nin onyar kem mo Yefun Yesus, nin misyar Yefun nde, wo nin jom An bi sukdu ne krat sor. Nin ben suk su nin nok nde, nin ti krat sor.

2 Korintus 4:7

Sarewo men anato tepsu sukbo bur ndak gato Yefun Allah bok bi suktinggi mó. Sukbo ne yo nggi nde, men kaim dom yo nggi nde, wo Yefun bok bi suktinggi mo men kaim subere yé jam do, suktinggi ne yo ma kadit men dakai nde, wo suktinggi gato nggi wai ne ma kadit Yefun Allah ka dik sor.

Efesus 3:16

Ji ndek mo Yefun Allah gato gum kok wai subere An syo An Gen ma ben nin bi sukjimnut mo nin mit nggi o et,

Efesus 4:2

Nin ben nin bi suk-i ne, nin bes nin nggwa kok nde, wo nin ben nin nggwa ga tepsu pa wokgan et. Nin ben nin bi suk-i ne njep petok sor. Suk gato nin ku nde tó, nin eswa sor, nin maskwa kekro subot suk ne nde. Ye yi ben suk yo gato tepsu nin mit nde yo, nin nutbot suk sane o nde, wo nin bi sukjimnut sye kas subot yu, nin ben sukndo su yu sor.

Efesus 6:10

Ji bi sukdu ré yo syu o nde, men ti nggi mo suktinggi gato ma kadit men bi Yekwesu Yesus Kristus ne et. Men si An tepsu dik subere An bi suktinggi gato nggi wai ne bor mo men mo suk mwa gato men ben ne sor.

Filipi 4:13

Yesus Kristus anato ben ji nggiwa ji ben suk mwa ne sino re.

2 Petrus 1:6

Men jam suk mwa sor nde, wo men werwa men mewa men nggwa kadit men ben sukdaret nde. Men mewa men nggwa sor nde, wo men do ku sukye yo, men misyar Yefun nde, wo men werwa men jom An bi sukdu ne krat dom et. Men werwa men jom An bi sukdu krat mo sukye gato men ku ne sor nde, wo men werwa men ben Yefun Allah bi suk-i dom et.

Yudas 1:25

Yefun wadigan anato gum kok sisu sangge sor. An anato fro os ndo wa men subere men kem ndo to kapyo mato kapyo. An syogat men bi Yekwesu Yesus Kristus ma kak os ne subere men si An kem ndo. An anato gum kok wai o re. An anato gum sye wai o re. An sa, bi suktinggi gato sye wai. An sor anato gum kok wai kadit yekwesu mwa ne sino kadit ketke sor, su ré, to kapyo mato kapyo. Sangge.

Wahyu 14:12

Sane men yé gato onyar kem mo Yesus Kristus, gato jammo Yefun Allah bi sukdu-i, men do ku sukye it yo, men misyar Yefun Yesus nde, wo men simo An pe sor.