Kolose 1:1 - Abun Scripture

^1-2 Ji, gato gum do Paulus, gato Yefun Allah bes gum yerasul wa ben Yesus Kristus bi suk-i, ji si men bi nji, Timotius anato bi sukdu mo surat ré wa nin. Ji bi nji, ji bi nyanggon, men ka we krom surat ré wa nin yé gato onyar kem mo Yesus Kristus mo kota Kolose. Men ka we krom surat ré wa nin yé gato ben Kristus bi suk-i sor sisu ri-roi, gato kem mone. Men bi Ai, Yefun Allah, ete mewa nin. Yefun Allah ete uttok nin petok sor.

Kolose 1:1 ပူးပေါင်းရင်းမြစ်များ

Suk Gato Yerasul Ben Ne 16:1

Paulus mu kom mo kota Derbe, orge an mu mo kota Listra. Yetu ge dik yo gato gum do Timotius kem mone. An onyar kem mo Yefun Yesus. Timotius bi im, ye Yahudi. Timotius bi im onyar kem mo Yefun Yesus dom, wo Timotius bi ai, an ye Yunani.

Roma 1:1

Ji gato gum do Paulus anato krom surat ré wa nin yé gato onyar kem mo Yefun Yesus gato kem mo kota Roma. Yefun Allah bi sukjimnut sye kas subot nin. Yefun nai nin gum sok mo An bi rus-i it. Yefun Allah bes ji gum yerasul subere ji mu ki sukdu subot os ndo gato Yefun Allah fro wa men yetu subere men ku os wa men gum sok mo An bi rus-i.

1 Korintus 1:1

Ji gato gum do Paulus, gato Yefun Allah iwa bes gum yerasul wa ben Yesus Kristus bi suk-i, si Sostenes, men ka we anato krom surat ré wa nin.

2 Korintus 1:1

Ji gato gum do Paulus, gato Yefun Allah bes gum yerasul wa ben Yesus Kristus bi suk-i, ji si men bi nji, Timotius men ka we anato krom surat ré wa nin. Men ka we krom sukdu ré wa nin yé gato onyar kem mo Yefun Yesus mo kota Korintus. Men ka we krom sukdu ré wa nin sor nde, wo men ka we krom sukdu ré wa Yefun Allah bi rus-i mo bur Akhaya ne sino dom.

Efesus 1:1

Ji gato gum do Paulus, gato Yefun Allah bes gum yerasul wa ben Yesus Kristus bi suk-i, ji anato krom surat ré wa nin. Ji krom sukdu ré wa nin yé gato Yefun Allah nai sok mo An bi rus-i mo kota Efesus. Ji krom surat ré wa nin yé gato onyar kem mo Yefun Yesus mone.

Filipi 1:1

Ji gato gum do Paulus, ji si Timotius, men ka we gato Yesus Kristus bi pakwerut anato krom surat ré wa nin. Men ka we krom sukdu ré wa nin yé gato onyar kem mo Yesus Kristus gato sum mo nu ari mo kota Filipi. Men ka we krom surat ré wa nin yé gato gum yekwesú mo nu ari si yé gato ós yekwesú mo nu ari ne sino.

1 Tesalonika 1:1

Men ka gri gato gum do, Paulus, Silas si Timotius anato krom surat ré wa nin. Men ka gri krom sukdu ré wa nin yé gato onyar kem mo men bi Yekwesu Yesus Kristus, nin yé gato sok mo men bi Ai, Yefun Allah bi rus-i mo kota Tesalonika. Men bi Ai, Yefun Allah si men bi Yekwesu Yesus Kristus ete mewa nin. Yefun Allah si Yesus Kristus ete uttok nin petok sor.

1 Tesalonika 3:2

ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

2 Tesalonika 1:1

Men ka gri gato gum do, Paulus, Silas si Timotius anato krom surat ré wa nin. Men krom sukdu ré wa nin yé gato onyar kem mo men bi Yekwesu Yesus Kristus. Men krom sukdu ré wa nin yé gato sok mo men bi Ai, Yefun Allah bi rus-i gato kem mo kota Tesalonika.

Filemon 1:1

Ji gato gum do Paulus, gato ye rai ete bok mo sel mo gato ji ben Yesus Kristus bi suk-i ne, ji si men bi nji, gato gum do Timotius, men ka we anato krom surat ré wa nan. Men ka we krom sukdu ré wa nan, Filemon, men bi yesyim gato men jimnotku, gato si men ka we ben Kristus bi suk-i sino.

Ibrani 13:23

Su ré, ji iwa nin jam do, men bi nji gato gum do Timotius, ye syesyar an kadit sel it. An do ma ku ji more it yo, bere ji si an, men ka we ba ku nin mone.