Ibrani 9:23 - Abun Scripture

²³ Suk mwa mo nu kemah mit mo bur ré, tepsu sukkran subot suk mwa gato mo nu mo gu nim ne mit dom. Yé dar suge dé mo suk mwa gato mo nu kemah mo bur ré mit subere suk mwa ne tep wa ye ben Yefun bi suk-i su re, wo nu gato mo gu bi suk mwa ne, ye dar suge dé sane mó yo, bere yo tep nde, wo Yefun Allah mitmo suk gato ndo wai kadit ne o re.

Ibrani 9:23 ပူးပေါင်းရင်းမြစ်များ

Lukas 24:26

Yekwesu gato Yefun Allah syogat ma mo bur ré wa nai yetu kadit sukye ete jowa yetu ne, Yefun Allah fro suk mwa ne nyim re do, Kristus ne ku sukye nyim or wé, ete Yefun Allah bes An gum kok sye wai wa jowa yetu wari.”

Lukas 24:46

Or o, Yefun Yesus ki nai án do, ”Yé krom mo Yefun Allah bi sukdu sare do, bere Yekwesu gato Yefun Allah syogat ma mo bur ré wa nai nin yetu kadit sukye ete jowa nin, bere An ku sukye, An kwop orete yo, kam we rek, ete Yefun Allah sun An kadit sukkwop o re.

Yohanes 14:3

Ji mu fro nat wa nin orete yo, Ji satu ma, ete Ji kar nin mu mo Ji bi nat-i. Bere men sino kem mone subere mo nat gato Ji kem mone, nin dom si Ji kem mone sino.

Suk Gato Yerasul Ben Ne 23:15

Sane yo, nin si yepasye si yekwesu gato sum wa kibot sukdu ne mu ndek mo yesukmise bi padosye ne do, padosye ne top Paulus ma wa nin ndobot an o et. Nin ben sato nin iwa jam subot suk gato Paulus ki ne rer kom mo mit o et. Sane men eswa an mo os mit sor, an yo kom more nde tó, men gu an kwop wé re.”

Kolose 2:17

Ye yi bi sukduno-i mone nin jambot nde, we sukdu subot suk bok gare yo sangge kai nde, wo sukdu bok ne anato tepsu sukamno wa kadum sukdu gato sangge, gato men me bor mo Kristus dakai re.

Ibrani 10:1

Mo ye Yahudi bi sukduno-i ye krombot sukndo gato bere bor su kam sari ne ma. Mo sukdu ne yé konembot sukndo ne sor re, we suk gato sangge kai yo bor nde tó. Wo suk gato ye Yahudi ben tepsu sukdu ne mo bur ré yo tepsu suk gato Yefun ben mo gu kai nde. Sane anato kapre men iwa men karowa Yefun, sukdu ne yo nggiwa ós men ri nde. Kapre tahun dik wam dik men gwat suge wa yesu gato ben suk mo Yefun Allah bi nu gu kwop, orete yesu gwat suge dé ne wa tot suktot mo suk gato men ben siri kadit Musa bi sukduno-i ne yo, men benbot sukdu ne bere yo tep nde. Kapre yesu gwat suge dé mu tahun dik tahun dik sane sane petok sor, bere men bi sukjimnut yo kem not nde, wo men bi sukjimnut waiyu mo sukibit gato men ben ne tó.

Ibrani 10:4

We, sare, sapi si kambing ge ndi dé ne yo nggiwa tot sukibit gato men ben ne or wé kadit men nde.

Ibrani 8:5

Yekwesu mwa ne ben suk mo Yefun Allah bi nu-i mo bur ré konembot suk gato Yefun ben mo bi nu-i mo gu. Suk gato yekwesu mwa ne ben yo tepsu suk gato Yefun Allah ben mo bi nu-i mo gu ne sino nde, wo karowa. Musa ós yekwesu mwa ne konembot suk gato Yefun Allah ben mo bi nu-i mo gu, we Musa fro wa nggo Yefun Allah bi nu mo bur ré sa, Yefun Allah ki suknapa wa an sare do, ”Nan nggo nu si bi suk mwa ne tepsu sukdu gato Ji ki nai nan mo banbo ne et.”

Ibrani 9:14

Sane kambing si sapi dé-i, si sapi gato ye gre ne bi bofuf-i ne do nggiwa ós nje subere yé ne si Yefun Allah kem ndo su yu satu o it yo, bere Kristus dé-i ne te, sa u ne? Kristus dé-i nggiwa ós men wai kadit sapi dé-i ne o re fe! Yefun Allah Gen gato gesyos ne ben Kristus nggiwa Kristus dakai bi An nggwa mo Yefun Allah, An dé sye tepsu suktot win men. Kristus ben sukibit wokgan yo dom nde, sane suktot ne tep mó re. Kristus dé sye anato sombok men bi sukjimnut mo men mit ne wé kadit os gato nyim ne bi sukdu-i, subere men nutbot suk mone o nde, wo men bi sukjimnut sye mo suk gato Yefun Allah gato gesyos ne iwa men ben ne sor.

Ibrani 9:24

Kristus dé anato win suge dé mo nu mo gu ne re. Sane anato Kristus yo sok mo nu kemah gato yetu nggo mo bur ré nde. Nu mo bur ré tepsu sukkran subot nu gato sangge mo gu ne sor re. Sane Kristus yo sok mo nu mo bur ré nde, wo Kristus dakai sok mo nu mo gu ne, anato su ré, An ki suk tepsu yegweswai su Yefun Allah wa men yetu mone.

Wahyu 5:9

Án sino ba sukbadek be yo sare do, ”Domba ga gum kok ne o, Domba ga sye wai ne o, Nan sa, gum kok tep wa Nan nai buku ne o, tep wa Nan kak lilin gum wé ne o. Nan gum kok a we, Nan gum sye wai a we, Ye gu Nan, Nan dé sye wa yetu ne o, Nan bi nggwa tepsu suktot wa ne o. Nan dé sye wa yetu o, Nan tepsu suktot wa yetu o, Nan dé sye wa yeyo-yeyo gato sok mo Yefun bi rus-i ne o, Yetu mwa ne mo buryo-buryo sino o. Nan dé sye wa yetu o, Nan tepsu suktot wa yetu o, Nan dé sye wa yetu wisyo-wisyo sino ne o, Yetu mwa gato ki ayo-ayo sino o.